الموضوع: نريد تدخل الإدارة بسبب حملة التشويه المقصودة على نيسان صني

المشاركة الأصلية كتبت بواسطة m.nabeeh

يابيه
هدي اعضائك مش كداااا
كل واااحد بيعرض وجهه نظره ودي أراااء حتي لو كانت صحيحه او مغلوطه

لييه اعضاااء كتيير في المنتدي بتدافع عن عربياتها بإستماته زي مايكون عيل من عيالها بصراحه الموضوع بقي غريب جداااااا
ممكن يكون الواحد بيحب عربيته بس ميخسرش حد علشاااان شويه ارااااء
ياريت كلامي ده ميكونش فهمته علي اساس أني ضدك بالعكس

يا باشا رأيك يهمني وأنا فاهم كلامك كويس

بس إنتا موصلتكش فكرتي

أنا زي مقلت مش بطالب بتكميم أفواه الجميع .. أنا بطالب بمنع الفتي ببساطة.

هذا ما قصدته.

لكن لا العربية عيل من عيالي ولا حاجة :d هههههههههههههه

عايز اهزر معاك يا استاذ عبد المنعم و اقولك ان احنا المصريين لما بندافع عن اي خاجه بتاعتنا بندافع عنها كأنه اعز ما نملك :)

أيوة والله عارف .. وأنا بقع في الحاجات دي كتير منا مصري

بس بحاول أتخلص من الداء ده ..

يا شباب أنا نفسي بعت كذا موضوع عن كذا مشكلة قابلتني في الصني وكنت مضايق منها .. أنا عارف إن فيها عيوب وكل صحابي إللي بيسألوني عن العربية بقول عن عيوبها قبل مزاياها

لكن كل ما يزعجني فقط التكلم بدون علم. بس مش أكتر من كدة.

المشاركة الأصلية كتبت بواسطة mmohamed15

معاك حق يا باشا لو حضرتك رجعت لكلامي هتلاقي اني قولت انه استرخاص لأعتبارات ان الصاج الخارجي ملهوش لازمه و ده من المستهلكات زي الفانوس و زي الاكصطدام المهم الناس تبقي محميه جوه العربيه و ميحصلش ليها حاجه
و ده ملهوش علاقه بالتكنولوجيا طبعا زائد ان تعامل المصريين ده هو اللي مشكله مش الصاج هو اللي مشكله احنا اللي بنعمل عربيات الغير طبليه نفطر عليها و كرسي نريح عليه احنا و صحابنا او صحابتنا و لما يجيي صاحب العربيه و يلاقينا قاعدين كده نبقي مش عايزين نقوم و نقوم بكل تناكه كانه حق مشروع استخدام عربيات الناس علي انها كراسي عامه
اضافه الي ان احنا مش قد تمن الاوروبي علشان نشتريه و ناخد الصاج القوي الواحد يا دوب معاه فلوس تجبله عربيه معقوله

مشكلة الصاج دي فعلا مأثرة فينا جااامد عشان مينفعش في مصر ،،،، واحد يقعد عالكبوت تلاقي حفرة ،،، بس مقابل كده في الخليج و الدول التانيه في عربيات كتيره نفس الصاج و مش حاسين لانهم معندهمش بتوع التكاتك و الموتوسكلات الصيني اللي عندنا يلا تقول توفير ولا نتانه

المشاركة الأصلية كتبت بواسطة Elsebily

انا معاك يا باشا في كل كلمه قولتها وانا شفت الموضوع اللي هما بيهجمو فيه علي العربيه وكاني الموضوع كان اشبه بحرب بين قسم نيسان وستروين والنقد في الموضوع للعربيه كان واضح انه للتريقه مش النقد البناء اللي عاوز يوصل بيه حاجه وانا شخصيا رغم اني من ملاك الصني القديمه بس حسيت اني الموضوع فيه تحامل كبير قوي عالعربيه النيوصني والموضوع بالنسبالهم واضح انه اكبر من انها مجرد عربيه فيها عيوب ومميزات والله وانا بقرا في المشاركات اللي في الموضوع اللي فات كنت قربت احس انهم بيتكلمو علي عربيه صناعه اسرائيليه ومن الاخر النيسان اثبتت نجاحها بكل انواعها وكل براند ليها محبيها واللي مش عجباه العربيه ميشتريهاش وطوابير الحجز خير دليل علي نجاح العربيه

يااااااااااااااه أخيراً حد فهمني .. أثلجت صدري يا أخي والله