سؤال : هتسكت على التجاوزات ولا هتتكلم ؟؟؟؟

**M_HaFeZ** · 11-08-2008 09:55 AM

بعد تطبيق القانون الجديد اللى مفروض على كل الشعب
هنسكت ولا هنتكلم على أى مخالفه او تجاوز من سياره واحد فى الشرطه ولا مسنود
يوم السبت اللى فات شايف عربيه فاميه من كل ناحيه حتى من عند قزاز السواق لدرجه انى افتكرت مفيهاش حد واحنا كان وقتها العصر ... والكلام ده على شارع من ابوقير
العربيه رقمها *****ملاكى اسكندريه وعليها بادج الشرطه
السؤال بقى .. هنتكلم ونقول عربيه كذا رقم كذا مخالفه ولا هنفضل ساكتين ومحدش هيتكلم ؟

**Islam_galal** · 11-08-2008 01:20 PM

نفضل ساكتين طبعا
هما غيروا القانون و ليس القائمين علي تطبيقه
المشكلة مش في القانون القديم - المشكلة كانت في الناس و الناس هما هما

**دموع الثلج** · 11-08-2008 01:32 PM

انا شفت اول امبارح عربيه دايو سوده كحل زجاج فاميه يمكن اثقل درجه وزينون وماشى بمزاجه خالص ولا كان فيه حاجه اسمها قانون المرور ده استغربت لطريقه سواقته لما قربت من عربيته وقعدت متنحه عشان اشوف اللى جواها طلع ظابط ولابس بدله الشرطه

قلت معاه حق يعمل اكثر من كده ماهو من اعضاء سلطه الجبايه

**Islam_galal** · 11-08-2008 01:34 PM

تمام كده يبقي يبقي الحال كما هو عليه و علي المتضرر اصلاح حاله و اللجوء إلي الله

**Ghamrawy** · 11-08-2008 02:02 PM

المشاركة الأصلية كتبت بواسطة M_HaFeZ

بعد تطبيق القانون الجديد اللى مفروض على كل الشعب
هنسكت ولا هنتكلم على أى مخالفه او تجاوز من سياره واحد فى الشرطه ولا مسنود
يوم السبت اللى فات شايف عربيه فاميه من كل ناحيه حتى من عند قزاز السواق لدرجه انى افتكرت مفيهاش حد واحنا كان وقتها العصر ... والكلام ده على شارع من ابوقير
العربيه رقمها *****ملاكى اسكندريه وعليها بادج الشرطه
السؤال بقى .. هنتكلم ونقول عربيه كذا رقم كذا مخالفه ولا هنفضل ساكتين ومحدش هيتكلم ؟

انت ما تعرفش ؟!!!!
مش قانون المرور لسه ما اطبقش فى اسكندرية ؟؟؟
لسه فى عربيات كتيير من غير نمر خالص و لسه يوم الجمعة شايف عربية جولييت حمرا ماشية عكسى فى شارع بورسعيد الساعة 7 المغرب و قمة فى الاهمال و التهريج
و للاجابة على سؤالك : حانكلم مين نقوله ؟؟

**M_HaFeZ** · 11-08-2008 02:22 PM

والله طالما فى صوت هنا بيوصل للمسئولين زى ماحصل فى الموضوع المثبت يبقى ليه منتكلمش
لو كل واحد فينا بما يرضى الله بلغ وقال شفت عربيه كذا مخالفه مخالفات فجه وصريحه وبتضرب القانون عرض الحائط يبقى هنعمل حاجه
ماهو القانون لازم نشوف الفائده منه وهو فرض الالتزام على الشارع المصرى على البيه ابن البيه الظابط وعلى الغلابه امثال باقى الشعب من دكاتره ومهندسين وعمال واساتذه جامعه

اللى اعرفه ان كان فى لجنه من كام يوم على البحر كان فيها مدير الامن شخصيا
وموضوع العكسى ده منتشر بطريقه تخنق بجد

**hazem_khidr** · 11-08-2008 02:29 PM

اتكلم طبعا
علي الاقل صور العربيه و ابعتها لموقع وزاره الداخليه قسم الشكاوي.
لعلمك الموقع دا الوزير شخصيا بيشوفه و بيحقق فيه
لما حاجه زي كده توصل حيبقي فيه كلام تاني.

**Ghamrawy** · 11-08-2008 02:29 PM

عملوا كوبرى مشاة علوى بسلالم كهرباء فى اسكندرية امام محطة سيدى جابر بتاعة القطار و لسه الناس بتعدى من وسط الشارع و تنط بين العربيات.
المهم معدى من هناك يوم السبت و الاشارة قفلت عليا و وقفت عادى و ابص الاقى الناس معدية برضوا وسط العربيات !!!! رحت لازق فى العربية اللى قدامى على الاخر علشان ماحدش يعدى و الاقيلكم واحدة ست حاولت تعدى و طبعا ما عرفتش و بتبصلى بصات مستفزة رحت ضاحك ضحكة باردة و قولتلها ما تعدى من الكوبرى الكهربا ....... اسمعوا بقى الرد

أصل السلم بطئ و أنا مستعجلة !!!!!!!!!!!!!!!!!!!!!!!
بالله عليكم مش حاجة تفلق ؟؟؟
و القانون الجديد ده مش كان أولى انهم يعملوا غرامة على البهلونات الارجوزات اللى بتعدى من بين العربيات فى وجود اماكن و انفاق للمشاة ؟؟؟

**Ghamrawy** · 11-08-2008 02:32 PM

المشاركة الأصلية كتبت بواسطة hazem_khidr

اتكلم طبعا
علي الاقل صور العربيه و ابعتها لموقع وزاره الداخليه قسم الشكاوي.
لعلمك الموقع دا الوزير شخصيا بيشوفه و بيحقق فيه
لما حاجه زي كده توصل حيبقي فيه كلام تاني.

عزيزى حازم بك
يا ريت تدلنا على الموقع ده و هل ممكن نرفع صور عليه ؟؟؟ و شكرا

**hazem_khidr** · 11-08-2008 02:35 PM

اوي اوي يا باشا
سيبني بس يومين كده و اجيبه لانه ضايع من الفيفوريت لما نزلت وينجوز
و ابن خالي اللي بيشتغل في مكتب الوزير بيصيف
اول ما يجي حجيب منه اسم الموقع