اية الباركينج سنسور دة يا جماعة وبيعمل اية بالظبط أرجو الافادة؟

**Mystique** · 30-10-2008 06:05 PM

المشاركة الأصلية كتبت بواسطة hazem_khidr

الباركنج سنسور
عباره عن حساسات بتركب في الاكصدام الخلفي
و بتنبهك لما بتقرب من اي حاجز خلفي و انت بتركن
سواء الحاجز دا كان حيطه او عربيه او عامود الخ الخ
و بيبقي عندك شاشه في العربيه من جوه بتقيس فاضلك كام متر علي ما تلزق في الحاجز دا.
فيه منه انواع بيبقي صفاره بس من غير شاشات

بالظبط كدة زي ما أستاذ حازم قال

أنا مركباه عندي ب 350 جنيه

وليه شاشة بتقوللك مكان العائق بالنسبة للعربية (يعني وراها فالنص..على الناحية اليمين..ولا الشمال)..بالإضافة لتحديد المسافة الباقية بالأمتار وإعطاء صفارة متقطعة بيزيد سرعتها مع اقتراب العائق وف الآخر لما تقرب أكتر من حوالي 30 سم بيقوللك STOP

بيحس بكل العوائق..رصيف..عجلة..موتوسيك ل..حتى لو عمود رفيع أو جذع شجرة..أنا عندي بيحس بعواميد النور -اللي على حرف الرصيف- اللي على طرف العربية الخلفي يمين أو شمال..مش بيكونوا ورايا حتى فعلا.

مفيد جدا طبعا -خصوصا للي لسة محفظش ابعاد عربيته كويس أو بيخاف يقرب من اللي ورا قوي وف الحقيقة بتكون المسافة أكبر مما هو متخيل وهو جوة العربية- بيخليك بتركن ف أصعب الأماكن من غير ما حد يوقفلك وتقدر تزنق عاللي وراك لحد آحر كام سنتي من غير ما تريح عليه..برضه مفيد لو بترجع بضهر العربية ف شارع وفيه مشاة ورا العربية..أو طفل صغير -وده طبعا مش بيبان أبدا من الازاز ولا المرايات- بينبهك ليه.

**shadinagi** · 31-10-2008 03:59 PM

شكرا الموضع مهم فعلا والسؤال بيتباع في مصر وفين ؟

**washable** · 01-11-2008 04:24 PM

اخى ماستيك كنت عايز اسالك انت مركبه فين ؟؟
انا ميعايا هوندا سيتى ؟؟ و بفكر اركبه

**Mystique** · 01-11-2008 10:26 PM

المشاركة الأصلية كتبت بواسطة washable

اخى ماستيك كنت عايز اسالك انت مركبه فين ؟؟
انا ميعايا هوندا سيتى ؟؟ و بفكر اركبه

على فكرة انا اخت

وأنا مركبة السينسور ف أسيوط فللأسف مش هقدر أفيدك مين يركبه ف القاهرة..بس أنا قريت موضوع هنا ف المنتدى عن محل أوبشن اللي ف 6 أكتوبر عنده حد بيركب الأجهزة وشكل شغله نضيف

هو على فكرة بيركب على أي عربية عادي وتركيبه مش صعب ولا محتاج مهارة للدرجة..هو محتاج دقة في خرم الاكصدام مكان الحساسات وبعدين التوصيلات العادية مع كهربة العربية.
بس لو عربيتك لسة ف الضمان ومش عايز تضيعه..بلاش تركبه بره التوكيل عشان ضفيرة الكهربا بتطلع بره الضمان

بالتوفيق

**د./اليشع ثابت** · 09-11-2008 03:50 AM

شكراااااااا يا رجالة على التوضيح و المجهود

بس هل ينفع يتركب كمان فى الاكصدام الامامى ولا لاءءءء

وشاكر لكم كل مجهود رائع و مفيد

**moshax** · 09-11-2008 04:57 AM

بس هل ينفع يتركب كمان فى الاكصدام الامامى ولا لاءءءء
هو انت بتسوق ومش بتبص قدامك ولا اية ؟؟

**morabet79** · 09-11-2008 09:01 PM

طيب يا جماعه إيه أفضل الأنواع الموجوده في مصر؟ وبتتباع فين؟

**د./اليشع ثابت** · 09-11-2008 10:57 PM

رد المشاكس هو:هو انت بتسوق ومش بتبص قدامك ولا اية ؟؟

شكرااا على ردك المحترم

لكن لو فهمت كويس مكنتش رديت كدة .

دة اسمة باركينج سينسور يعنى للركن وانت لما بتركن ممكن

يكون قدامك و وراك سيارات و كمان بجوارك رصيف.

ودة بيكون للمحافظة على الاكصدامات الامامى و الخلفى

**m_abdelfattah** · 03-12-2008 02:00 AM

المشاركة الأصلية كتبت بواسطة aleshath

رد المشاكس هو:هو انت بتسوق ومش بتبص قدامك ولا اية ؟؟

شكرااا على ردك المحترم

لكن لو فهمت كويس مكنتش رديت كدة .

دة اسمة باركينج سينسور يعنى للركن وانت لما بتركن ممكن

يكون قدامك و وراك سيارات و كمان بجوارك رصيف.

ودة بيكون للمحافظة على الاكصدامات الامامى و الخلفى

ya pasha el ragel beyhazar, matakhodsh 3ala khatrak awy kda :)

**ahmedfra** · 05-12-2008 08:49 PM

أخى اليشع الراجل بيهزر و كلنا اخوات و اصحاب بنهزر مع بعض

الموضوع: اية الباركينج سنسور دة يا جماعة وبيعمل اية بالظبط أرجو الافادة؟

LinkBack

أدوات الموضوع

عرض

-

-

المواضيع المتشابهه

إستشارة في تركيب الباركينج سنسور (توصيلات الكهرباء]

هو ممكن ارش على الباركينج سنسور ؟

ارجو المساعده في الباركينج سنسور

استفسار هااام جدااا بخصوص الباركينج سنسور .. ارجو الرد

سنسور الباركينج

الكلمات الدلالية لهذا الموضوع

المفضلات

المفضلات

ضوابط المشاركة