الحمد لله وبعد طول معاناه مع الريو اللى كنت خلاص
هجيبها ولكن اتصدمت ولقيت سعرها وصل ل 150 الف
قلت طب ليه اركب ريو اما ممكن اركب النترا او نيو سيراتو
وبنفس السعر وكنت عملت مقارنه ما بين الالنترا والنيو سيراتو
وناس كتير اجمعت على السيراتو الشكل الجديد علشان
محدش ماشى
بيها كتير فى الشارع لكن ليا واحد
حبيبى اوى فى سمير ريان قاللى لا السيراتو لا طبعا
الالنترا احسن بمراحل لان السيراتو سعرها مبالغ فيه جدا
وفاضيه خاالص ولو الاسعار نزلت هتخسر جامد اوى
ولو عايز تركبها من الاخر هاتها هاى لاين او بلاش خاالص
الالنترا اول فئه فيها حاجات كتيره اوى مرايات ضم وتاره
مالتى وبلوتوث
وكراسى متحركه وفتيس استيبترونيك وشكلها جميل
وفى البيعمش هتخسر فيها كتير
والحمد لله ربنا كرمنى وجبتها
اول فئه ولونها كحلى وكان عليها اوفر من التوكيل 5 الاف
يعنى سعرها 145 الحمد لله اخدتها ب 144
وملحوظه صغيره اول فئه دى مختلفه عن اول فئه نزلت
قبل كده فى 2012 لان دى فيها اوبشن عالى التانيه كانت ب
130 الف ولكن كانت فاضيه خاالص ومفيهاش اى حاجه
علشان كده اطمنت ان حتى لو الاسعار نزلت باذن الله
مش هخسر كتير وربنا يحميهالى يارب
المهم علشان ما اطولش عليكما العربيه ظهر فيها
حاجه غريبه اوى من تانى يوم حاولت اجرب
التكيف لقيته سخن فقط
ومش بيسقع رحت لسمير ريان قاللى متقلقش دى حاجه بسيطه
وهتتعمل فى التوكيل بسهوله باذن الله بصراحه اتضايقت
بس قلت الحمد لله على قد كده ومش مهم ويارب العين تكون
في التكييف وخلاص المهم ليا واحد حبيبى فى غبور قليوب
قاللى التكييف المفروض مش بيشتغل قبل 1000 كيلو وكمان
متمشيش اكتر من 100 كيلو فى الساعه مع العلم ان الناس
فى سمير ريان قالولى العكس شغل براحتك واجرى براحتك
وانا للاسف سمعت كلامهم وجريت بالعربيه وجبت بيها 170 كمان علشان
كنت بجربها وكده كلام مين اللى صح فيهم؟؟
وايه رايكوا اروح التوكيل
اكشف والا استنى صيانه ال 1000 كيلو واعغير زيت بالمره
وكمان انا عندى اللوك مش بيقفل لوحده يعنى اعرف
ناس بيقفل بعد سرعه 20 كيلو وناس تانيه اول
ما العربيه تتحرك بيقفل اوتوماتيك
التوكيل يعمله والا لا؟ والراجل قاللى العربيه فيها انذار
بيشتغل ازاى مش فاهم علشان انا بعمل كل حاجه
فى العربيه ومش بيشتغل وهل اركب الانذار الجديد
اللى فى الضمان والا لا
واخيرا بقى عايز اركب شاشه جى بى اس ويكون فيها
سينسور بارك وكاميرا تعمل كام وهل تركب فى التوكيل
والا لا وهل تخرجنى بره الضمان والا لا
وبجد انا اسف انى طولت بس ماليش غيركوا
المفضلات