الموضوع: ياتلحئونى يامتلحئونيش

عربيات كثير بتنزل الأستبن حديد

بسم الله الرحمن الرحيم

أولاً و قبل أى شىء ، ألف مبروك العربية ، ربنا يباركلك فيها و يعطيك كل خيرها و يمتعك بيها و يكفيك شرها
ثانياً بجد هايل إنك تمسكت بحقك و لم تتنازل و كده ، انا لو مكانك صراحة كنت عملتلهم فضيحه

أنا أصلاً بجد كنت هاجيب أخت عربيتك بالضبط بس من التوكيل نفسه لأنه جنب بيتى لزق ، دلوقتى هعيد التفكير صراحه

الف مبروك علي العربية

الف مبروك علي العربية يا باشا وربنا يكفيك شرها انشاء الله ، بص يا باشا المانيوال الكاملة بتنزل من غير سنتر لوك ولا استبن اسبور ، نصيحتي ليك اولا انك لازم تروح تختم الضمان بتاع العربية من التوكيل اللي في طريق دائري شيراتون قبل ماتروح صيانة الالفين ، تاني حاجة اخبار الكاسيت معاك ايه ، الي usb و ال cd شغاليين ولا لأ ، وانا معاك لو محتاج تسال عن حاجة بخصوص صيانة الألفين كيلو انا لسه عملها امبارح في ابورواش.

المشاركة الأصلية كتبت بواسطة diablo1978

إزاى بتنزل من غير سنتر ؟؟؟؟؟ ، ده مكتوب فى المواصفات إنها سنتر ، و بعدين هو الي usb و ال cd مش شغالين ولا إية ؟

اسف جدا انا قصدي بتنزل من غير انذار بالريموت ، لاكن هيا فيها سنتر لوك طبعا وكمان فيه معلومة جديدة عرفتها وانا في الصيانة ان العربية فيها وحدات رفع بس بتتفعل عند تركيب الانذار بالريموت ، وللعلم ايضا الانذار بالريموت اللي بيركبوه في الصيانة سعره 650 جنيه من غير مايعملك فصل الكهرباء عن الموتور عند اغلاق السيارة بالريموت وده طبعا سعر غالي جدا علشان بيتعمل بره في حدود 350 او 400 وبيعملك فصل الكهرباء عن الموتور.
بالنسبة بقي للusb و ال cd فانا بتكلم عن حالة فردية عندي ، علشان للاسف طلعه عندي مش شغالين ومحتاجين يغيروا الكاسيت في الصيانة .