ياتلحئونى يامتلحئونيش

**ابو جودى** · 16-04-2013 09:53 AM

دفعت حجز للسيارة fsv كامله منيوال المهم المعرض جاب المواصفات مش هيه رحت ئولت لا مش ده المواصفات الى انا طلبها. جاب وحدة تانى بعد 3 ايام وغيرة اللون كمان المهم جت العربية . المفروض ان فيها مفتاح ريموت كنترول فى المواصفات و الجنوت سبور .

دلوئتى مجاش المفتاح الريموت. والاستبن مش جنت والراجل فى المعرض قال اركبلك ريموت عند واحد بره
وناس ئلولى كدة تصبح العربية مش فى الضمان. وبحاول اكلم حد يئولى هل الستبن لازم يكون جنت مع جنوت العربية ولا اه. والمفتاح اعمل فية اه. من فضلكم افيدونى قبل الاستلام اعمل اه . ومشرف الموقع يفدنى بسرعة معلش الموضوع كان امبارح ملحئتش اكتبلكم.

ابوجودى

**mado83** · 16-04-2013 10:45 AM

بص هقولك على حاجه
ماتتهاونش على اى حاجه
لو قايله انا كنت طالب فيها علبه مناديل فلورا وجابهالك فاين ماتستلمهاش
والافضل يا اما تاخد فلوسك وتروح لمعرض تانى يا اما تعمل شكوى لحمايه المستهلك

**Salamonti** · 16-04-2013 10:57 AM

نفس الكلام اللي فات + ان أي ريموت هايركبهولك برة مش هايكون زي الريموت الأصلي بتاع العربية..

بالنسبة لموضوع الاستبن فمش كل انواع العربيات بتنزل الفردة الخامسة سبور..
انا عندي في الاسبيرانزا الاستبن جنط سبور في حين اللانسر بتنزل الاستبن جنط عادي والبروتون بتنزل الاستبن جنط صغير..
فكل ماركة وليها طريقة.. شوف حد معاه نفس العربية واسأله الاستبن بتاعها ايه

**ابو جودى** · 16-04-2013 11:25 AM

انا فعلا لبست ورايح للمعرض . لمشكلة انو بحاول اتصل بالتوكيل مش عارف من الصبح علشان اعرف حتى المواصفات اصلا انا مصورها بالتليفون بردو وبستلم من خلالها . التوكيل مش عارف اجيبه ولا مركز الخدمة علشان اسئله عن الجنوت بس السؤال بردة هل ده يخرج العربية من الضمان ولا اه.

انا منتظر ردوداكثر ومتشكر من الردود

**zicooo2008** · 16-04-2013 11:41 AM

الاخ الكريم السلام عليكم ورحمة الله وبركاته
انا من رأى ان انت متستلمش و حاول تتراجع لان الواحد ما بيجبش عربية كل يوم و بعدين طالما المعرض ماكنش صادق معك من البداية فده شئ لا يبعث على الطمائنينة و بعدين ممكن تكون العربية مقلوبة بمعنى متصينة قبل كده او فيها مشكلة
الافضل الغى مع المعرض ده و حاول اللجوء الى الموزعين المعتمدين فى الماركة التى تفضلها او الوكيل حتى اذا كان السعر فيه زيادة و ده لمصلحتك
عانون الوكيل + ارقام تليفوناته
Address:258 Al Moltaka Al Arabi District, after Al Ahly club nasr city bridge, Airport direction - Cairo
Tel.: 0229221601/2/3/4

و فى النهاية استعين بالله عز و جل و الله ولى التوفيق

**Mostafa Hessen** · 16-04-2013 07:10 PM

الأكيد طالما انت متفق
ما تتهونش فى حقك
وبالتوفيق

**ابو جودى** · 20-04-2013 06:39 PM

بس ياجماعة ما حصل. اتصلت بالتوكيل لاعرف الموصفات بالضبط . والولى المفتاح من غير ريموت بس انا اتمسكت على الورقة الى شفتها. واتصلت بالتوكيل عرفت بيركب بكام وقلت للوكيل راح باعت العربية علشان يركبوا الريموت رجعوها تانى قالو لازم تكون مترخصة وباسم مالك . رحت خصمت ثمنه من سعر العربية وسعرها كان 90000 ختها 89000 خصمت 500 جنيه من ثمن العربية من الوكيل بس خلاص .

انصحونى طيب اخد بالى من اه فى اول تجربه للعربية. انا جربت كل حاجه فيها زى ما قرات فى الموقع . اعمل اه فيها ( السرعة الحجات ده يعنى)

**احمد نور الدين** · 02-05-2013 06:13 AM

المشاركة الأصلية كتبت بواسطة ابو جودى

دفعت حجز للسيارة fsv كامله منيوال المهم المعرض جاب المواصفات مش هيه رحت ئولت لا مش ده المواصفات الى انا طلبها. جاب وحدة تانى بعد 3 ايام وغيرة اللون كمان المهم جت العربية . المفروض ان فيها مفتاح ريموت كنترول فى المواصفات و الجنوت سبور .

دلوئتى مجاش المفتاح الريموت. والاستبن مش جنت والراجل فى المعرض قال اركبلك ريموت عند واحد بره
وناس ئلولى كدة تصبح العربية مش فى الضمان. وبحاول اكلم حد يئولى هل الستبن لازم يكون جنت مع جنوت العربية ولا اه. والمفتاح اعمل فية اه. من فضلكم افيدونى قبل الاستلام اعمل اه . ومشرف الموقع يفدنى بسرعة معلش الموضوع كان امبارح ملحئتش اكتبلكم.

ابوجودى

الف مليون مبروك ليك العربية الجديدة ويارب يعطيك خيرها ويبعد عنك شرها واسف اني مردتش علي حضرتك في الوقت المناسب لاني كنت مريض جدا الفترة اللي فاتت والحمد لله علي كل شيء وان شاء الله معاك في اي سؤال او استفسار

خالص تحياتي

**Mostafa Hessen** · 02-05-2013 04:22 PM

المشاركة الأصلية كتبت بواسطة احمد نور الدين

الف مليون مبروك ليك العربية الجديدة ويارب يعطيك خيرها ويبعد عنك شرها واسف اني مردتش علي حضرتك في الوقت المناسب لاني كنت مريض جدا الفترة اللي فاتت والحمد لله علي كل شيء وان شاء الله معاك في اي سؤال او استفسار

خالص تحياتي

ألف مليون سلامه عليك
ويارب يجعله فى ميزان حسناتك
تقبل تحياتى