لانسر فى مطروح

**Dr Ahmed** · 30-06-2007 01:30 PM

500 كيلو من بنها إلى مطروح..
أخذت منى حوالى 5 ساعات سفر براحة ربع ساعة مرة واحدة..

فى طريق الذهاب سافرت صباحا وكان الجو حارا، لم أستطع أن أزيد فى السرعة عن 150 كيلو والمؤشر كان يعانى للوصول الى 160 ولم يصل مما أصابنى بالدهشة أن تكون هذه هى السرعة القصوى للانسر 1300 حتى بدون عمل التكييف ، الغريب أنه فى العودة وكانت ليلا تخطيت ال 160 وكان المؤشر فى طريقه ل 170 لولا عدم رغبتى فى المجازفة بسرعة أكبر.....هل كفاءة الموتور تختلف فى الصباح عن المساء؟؟؟ الله أعلم!!
معظم الطريق أمضيته بسرعة 130 وساعدنى استخدام الطريق الصحراوى وطريق العلمين ثم الطريق الساحلى وكلها طرق كثافتها بسيطة... والرادار طبعا موجود صباحا لكن البركة فى البربشة ..

مطروح مدينة جميلة ونظيفة وأسعارها معتدلة وشواطئها منها الجيد ومنها الممتاز، الشقق متوافرة حيث أنى سافرت قبل البدء الحقيقى للموسم (انتهاء امتحانات الثانوية) ، حتى انى أخذت شقة على البحر ب 90جنيه فى الليلة (حجرتين وصالة) وحالتها جيدة جدا ولا يعيبها الا انها مسكونة بالجن ، يوجد ملاهى للأطفال وسينمات ومطاعم على كافة المستويات وأسواق تجارية بأسعار ممتازة (أنت وشطارتك) وتاكسيات وميكروباص داخلى 24 ساعة ودراجات وجميع الخدمات ، المطبات بالبلد آدمية وواضحة وممتازة ، الماء العذب أصبح متوافرا بالشقق طوال اليوم على خلاف ما كان منذ عدة سنوات ...

بصراحة مطروح الآن فى نظرى المصيف المثالى.
لانسر السيارة الأكثر انتشارا فى مطروح خاصة اللون الكحلى ثم الفضى.

وكل صيف وأنتم بخير.

**memoo_1st** · 30-06-2007 02:53 PM

، لم أستطع أن أزيد فى السرعة عن 150 كيلو والمؤشر كان يعانى للوصول الى 160 ولم يصل مما أصابنى بالدهشة أن تكون هذه هى السرعة القصوى للانسر 1300 حتى بدون عمل التكييف ،

انا مش عارف بس انا معايا 1300 اوتوماتيك وكنت بشد مع واحد صاحبي قبل كدا الصبح والعربيه جابت ال160 بسهوله بس الي انا اعرفوا لو حضرتك عاوز تجيب سرعه عاليه بسهوله من غير العربيه ما تعاني لازم تحرق على كل نقله يعني على الاقل تنقل عند 4 rbm

**memoo_1st** · 30-06-2007 02:56 PM

مطروح مدينة جميلة ونظيفة وأسعارها معتدلة وشواطئها منها الجيد ومنها الممتاز،

سؤال بعيد عن السيارات هوا حضرتك متعرفش اسعار الشقق هناك ايه يعني لو شقه 80 متر وعلى البحر او صف تاني مثلا تعمل كام وشكرا

**Hossam_Hassan** · 30-06-2007 03:05 PM

سرعة و اتجاه الريح بيأثر على السرعة و اغلب الطريق و انت رايح بيبقى ضد اتجاه الريح.

**Karim_Monir** · 30-06-2007 03:18 PM

حمدالله علي السلامه واجازة سعيدة
لاء امفروض تجيب وكويس
انا بالكرولا وانا خارج من المطار بعد صيانة الالف في حتة صغير عدت ال 160 وجبت 170 بسهولة
وكان الهوا في وشي والطريق زحمه والعربية عالية فمقاومتها للهواء اكتر
تلاقي بس عربيتك عايزة شوية حرق عشان البساتم تفتح

**Dr Ahmed** · 30-06-2007 03:21 PM

المشاركة الأصلية كتبت بواسطة memoo_1st

، لم أستطع أن أزيد فى السرعة عن 150 كيلو والمؤشر كان يعانى للوصول الى 160 ولم يصل مما أصابنى بالدهشة أن تكون هذه هى السرعة القصوى للانسر 1300 حتى بدون عمل التكييف ،

انا مش عارف بس انا معايا 1300 اوتوماتيك وكنت بشد مع واحد صاحبي قبل كدا الصبح والعربيه جابت ال160 بسهوله بس الي انا اعرفوا لو حضرتك عاوز تجيب سرعه عاليه بسهوله من غير العربيه ما تعاني لازم تحرق على كل نقله يعني على الاقل تنقل عند 4 rbm

أول مرة أعرف موضوع الحرق ده ، لو كنت أعرف كنت ولعت فيها ...
وشكرا جزيلا على المعلومة وسأخبرك بالنتيجة بعد التجربة إن شاء الله.

**أبوسيف** · 30-06-2007 03:23 PM

المشاركة الأصلية كتبت بواسطة Hossam Hassan

سرعة و اتجاه الريح بيأثر على السرعة و اغلب الطريق و انت رايح بيبقى ضد اتجاه الريح.

الكلام دة فعلا صحيح ، لأن وانت رايح بتكون متجه شمالا عكس إتجاه الريح انما وانت راجع بتكون متجه جنوبا مع إتجاه الريح علشان كدة المقاومة بتكون قليلة ، الكلام دة حصل معايا السنة اللى فاتت وانا رايح اسكندرية ، فعلا وانا راجع كان السحب مختلف تماما عن وانا رايح.

**memoo_1st** · 30-06-2007 05:10 PM

أول مرة أعرف موضوع الحرق ده ، لو كنت أعرف كنت ولعت فيها ...

ههههههههههههههههههههههههه ههههههههههههههههههههههههه ههههههههههههههههههه
فعلا انا ضحكت من قلبي وشكرا لرد حضرتك

**memoo_1st** · 30-06-2007 05:11 PM

فى أول وآخر الموسم :
الشقق حجرتين صف أول وتانى:80 - 110 ج فى الليلة
3 حجرات:120 - 140

فى عز الموسم:
غالبا أى شقة لن تقل عن 140

فى الشقق الفندقية (شقق داخل فنادق)
فى غير الموسم: 170 فى الليلة (حجرتين أو تلاتة مش فاكر)
فى الموسم: الفرد ب 125 بحد أدنى 4 أفراد وبدون وجبات "استعباط"

انا متشكر جدا لرد حضرتك بس انا كنت اقصد الشقق تمليك سعرها في حدود كام او سعر المتر في حدود كام

-

الموضوع: لانسر فى مطروح

LinkBack

أدوات الموضوع

عرض

لانسر فى مطروح - انشر الموضوع فى :

-

-

-

-

-

-

-

المواضيع المتشابهه

مطروح

مطروح

مطروح

مقابلة مطروح

الكلمات الدلالية لهذا الموضوع

المفضلات

المفضلات

ضوابط المشاركة