وده فيديو لأعلي فئة في الأوكتافيا 2013 - متستحقش سعرها ؟؟

**monamize4** · 16-04-2013 08:56 PM

المشاركة الأصلية كتبت بواسطة 1.8Tee

مش لازم drifting و تخميس عشان تستمتع بالعربية....فى ال spirited driving هتلاقى العربية rewarding برضة....و مع احترامى انا شايف الموتور برضة بطة.

عربية وزنها 1400 kg و هى unladen و بتعمل acceleration من 0-100 ف 9 sec
انت بتقارنها بايه ؟ عشان ابقى فاهم وجهه نظرك

**inspiron** · 16-04-2013 09:57 PM

ههههههههههههااااي

العربية لسه منزلتش أساساً ولا شمينا ريحيتها وخدت نصيبها في الحرب مقدماً
وطلعت ماركة اقتصادية وملناش دعوة بتجهيزاتها اللي مش موجوده في أي عربية بالسعر ده
وطلع ان محدش مغفل عشان يدفع المبلغ ده في سكودا بس عادي يروح يدفع ٢٠٠ ألف في سيراتو

وفي النهاية طلعنا داخلين بأسهم في شركة سكودا وبندافع عنها ،،،،، رد انت يا حسين

عجبت لأمركم شعب مصر اللذيذ

**monamize4** · 16-04-2013 10:56 PM

خلى بالك ان ف الجدول اللى انت حاطه دا ,,,,,
ال 316 هى الوحيده ال 1600 cc (ال dynamic edition مش بينزل مصر ) و اكيد مش هنقارن ال 1600 بال 2000 او ال 3000 مع العلم ان كلهم twin turbo بس للعلم

316 acc 0-100 ف 8.9 /// 320 acc 0-100 ف 7.3 /// 335 acc 0-100 ف 5.5

و خلى بالك كمان ان فرق السعر بين 316 lux و ال 320 lux ف حدود 86 الف
فرق السعر بين 316 lux و ال 328 lux ف حدود 166 الف
فرق السعر بين 316 lux و ال 335 ف حدود 206 الف
the point is : فرق ال Acceleration بين ال 316 و ال 320 ف حدود 1.5 Sec يعنى هى اه ابطأ بس مش لدرجة بطة و متنساش ان دى 1600 و دى 2000 و ان فرق السعر 86 الف جنيه

تعالى نقارن بالمنافس الاصلى ...... ال c180
مبدايا العربيتين 1600 cc
ال BM مزودة ب twine turbo و المرسيدس kompressor
unladen weight = 1480 kg (اتقل ب 80 كيلو )
موتور 156 hp و torque 229 N.m (نظريا اقوى من موتور ال 316)
نيجى للاهم : 0-100 ف 9.5 sec (ابطأ من ال 316 ب 0.6 )
ارخص c180 اغلى من اغلى 316 ب 10 الاف

--------------------------- farewell-----------------------------------

**CryptonX** · 16-04-2013 11:02 PM

مش مستاهلة حرب ..اديك شفت السيراتو امه ٢٠٠ الف باعت حاجة تذكر؟

بس لما تبقي العربية الاصلية للسكودا (المبنية عليها) بنفس المحرك .الي هي الجولف. ارخص من اول فئة و بنفس المحرك يبقي في حاجة تستدعي الاندهاش من غير فريسكا يعني

ولما تعدي تمن السوبيرب كمان و الباسات يبقي ذهول شنيع ... الغريب مش الشعب المصري الي بيتريق علي اي حاجة و بيحاربها .. الغريب هو انه بيوافق علي اي حاجة طلاما من ريحة حبايبه و في الاخر انا قلت انا ابقي مجنون مقلتش لحضرتك او غيرك ...
فلوسك و ذوقك انت حر فيهم

**inspiron** · 16-04-2013 11:37 PM

المشاركة الأصلية كتبت بواسطة CryptonX

مش مستاهلة حرب ..اديك شفت السيراتو امه ٢٠٠ الف باعت حاجة تذكر؟

بس لما تبقي العربية الاصلية للسكودا (المبنية عليها) بنفس المحرك .الي هي الجولف. ارخص من اول فئة و بنفس المحرك يبقي في حاجة تستدعي الاندهاش من غير فريسكا يعني

ولما تعدي تمن السوبيرب كمان و الباسات يبقي ذهول شنيع ... الغريب مش الشعب المصري الي بيتريق علي اي حاجة و بيحاربها .. الغريب هو انه بيوافق علي اي حاجة طلاما من ريحة حبايبه و في الاخر انا قلت انا ابقي مجنون مقلتش لحضرتك او غيرك ...
فلوسك و ذوقك انت حر فيهم

أولا محرك الجولف ١٢٢ حصان في حين محرك الأوكتافيا ١٤٠ :)
ثانياً مش عارف معني كلمة مبنيه عليها دي ايه بصراحة يعني قصدك هاي كوبي زي الموبايلات يعني ولا إيه ؟ اللي أعرفه ان الشاسيه اللي راكب هنا هو اللي راكب هنا يعني مش مفصلينلها شاسيه علي مقاسها مثلاً،،والفتيس هنا هو هنا ( والاتنين رايحين في داهية ومستنيين حل مشكلته في المجموعة كللللللها )
ثالثاً فين الجولف اللي في مصر اللي تقارنها بالتجهيزات اللي في الأوكتافيا الجديدة :) ومش جولف بس ( كل المجموعة ) يا راجل مشوفناش حتي حاجة من مجموعة الvag بسقف بانوراما غيرها :)
رابعاً سوبيرب ٢ ايه اللي دخلها في الموضوع مش تستني تشوف السوبيرب ٣ ( google it )
خامساً متقوليش مليش دعوة بالتجهيزات ،، حضرتك واضح انك كبير وفاهم انهم مش حاطينها في عربية سبيل لوجه الله تعالي :) وأكيد كل إضافة ليها تمن !

هتقولي ال ٣١٦ و كلام Rwd وكده هقولك أنا كأحمد مش بركب العربية عشان أركز أشوف أنهي عجلتين هيحركوها اللي ورا ولا اللي أدام ( ملحوظة بس قبل ما تعقب علي الجزئية دي،، أنا كنت راكب ٥٢٣i إنديفيدوال وحالياً راكب s320 long يعني RWD و عادي يعني الدنيا peace مش باكل فريسكا يعني لما بنزل منها وأركب الأوكتافيا )

في النهاية أرجو إنك تتقبل كلامي بصدر رحب وإحنا في الأول وفي الآخر بنتكلم عن عربية من VAG

مش دخيل أجنبي بالغصب يعني :) وسلامتك من الجنان يا باشا حط في بطنك بطيخة صيفي وانت بتشتريها محدش هيستجري يقول عليك مجنون

**horas3000** · 16-04-2013 11:52 PM

يعني هي العمليه بقت بالتحهيزات و الكماليات دلوقتي
افهم من كده ان السيراتو و الالنترا الهاي لاين احسن من ال 316

الاوكتافيا عربية ممتازه
و الهاي لاين الجديده بقت bucket of options
بس بالسعر ده بقت out of its leage بصراحه

اي حد و خصوصا في مصر هيكمل و يدخل علي ال bmw و المرسيدس علي طول
و اصلا اغلب التجهيزات اللي نازله فيها مش هتاكل في مصر
عندك الناس هنا بتقلق من البانوراما جدا
و نفسي اشوف ال lane assest هيعمل ايه في شوارعنا ههههه
شخصيا شايف انهم هينزلوا سعرها ل 280 الف بالكتير عشان تعرف تبيع

**inspiron** · 17-04-2013 12:17 AM

المشاركة الأصلية كتبت بواسطة horas3000

يعني هي العمليه بقت بالتحهيزات و الكماليات دلوقتي
افهم من كده ان السيراتو و الالنترا الهاي لاين احسن من ال 316

الاوكتافيا عربية ممتازه
و الهاي لاين الجديده بقت bucket of options
بس بالسعر ده بقت out of its leage بصراحه

اي حد و خصوصا في مصر هيكمل و يدخل علي ال bmw و المرسيدس علي طول
و اصلا اغلب التجهيزات اللي نازله فيها مش هتاكل في مصر
عندك الناس هنا بتقلق من البانوراما جدا
و نفسي اشوف ال lane assest هيعمل ايه في شوارعنا ههههه
شخصيا شايف انهم هينزلوا سعرها ل 280 الف بالكتير عشان تعرف تبيع

شريف بيه أخبار حضرتك إيه،،الموضوع مش موضوع تجهيزات وكماليات
ولا يجوز أساساً نجيب سيرة القيا والهونضاي مع العربيات دي

كل ما هنالك ان الكلام علي عربية ألماني شأنها شأن أي عربية ألماني،،محدش يقولي شيكي والكلام ،، مرسيدس وبي ام بيتقفلوا في مصر عادي جداً،،الجيتا في المكسيك والصين عادي جداً بردو فالكلام ده مش مقياس

فلما اتكلم عن تجهيزات زي دي ( لا يستهان بيها ) + عربية ألماني + ليها إسمها ووضعها يبقي انا بتكلم عن حاجة ليست بالشأن الصغير وسط المنافسين

بالنسبة للبانوراما عادي جداً بينزل في المرسيدس ومحدش خاف منه،،ولنفرض،،وهما بيصنعوا العربية مش في دماغهم خوف المصريين من البانوراما

بالنسبة لل lane assist معمول أساساً للطرق السريعة مش عشان أستعمله في شارع رمسيس مثلاً

غير كده هو controllable يعني تقدر تشغله وتقفله

تحياتي لك يا باشا :)

**horas3000** · 17-04-2013 12:46 AM

انا كويس الحمد لله يا باشا
متشكر علي السؤال

و مع احترامي الماني عن الماني يفرق
و انت راجل ركيب و عارف
السكودا شئنا ام ابينا من اقل الالماني و صعب قوي تقارن بال bmw و المرسيدس
و هنا مربط الفرس
و حتي بلستة التجهيزات الطويله ده ( اغلبها standard في البيمر و الميرك علي فكره) صعب تنافسهم
و زي ما انت عارف السعر هو ال driver الحقيقي للاختيار في مصر
و ده مش في صالح الاوكتافيا ابدا

الموضوع: وده فيديو لأعلي فئة في الأوكتافيا 2013 - متستحقش سعرها ؟؟

LinkBack

أدوات الموضوع

عرض

-

-

-

-

-

المواضيع المتشابهه

أرسلت بريد للشركة الأم عن تكييف الأوكتافيا وده ردهم

فيديو "هنقول لأ" مش "قول لأ" وده فرق الدعاية

فيديو "هنقول لأ" مش "قول لأ" وده فرق الدعاية العصرية

اتفرجت على بونتو 95 وده سعرها ادخل وساعدنى من فضلك

الكلمات الدلالية لهذا الموضوع

المفضلات

المفضلات

ضوابط المشاركة