المشاركة الأصلية كتبت بواسطة inspiron
يا خبر أبيض يا شريف بيه إعتذار إيه بس..يكفي أسلوب حضرتك في النقاش علي عيني وراسي يا باشا..بالنسبة لـ 316 أنا والله برئ يا بيه ومقولتش أبداً إنها بطة
هي عربية زي الفل وأنا بعشق شكلها بالذات..aggressive design ملوش حل.
ربنا يباركلك فيها ويحميك من شر الطريق والنفوس السوداء
تحياتي
واضح إن حضرتك مش متابع مواضيعي يا باشا :) علي كلٍ :-
1- شركة سكودا جروب يرجع تاريخها لعام 1859 وكان إسمها skoda works وكانت بتصنع أسلحة !!! متستغربش أيوة أسلحة !! ( راجع الموسوعة الحرة wikipedia ) بعد كده ظهر في المجموعة شركة skoda auto عام 1890 وبدأ بصناعة العجل
...وبعدها الموتوسيكلات وبعدها سيارات النقل الثقيل لحد عام 1945..حصلت الحرب العالمية .. الشركة أنتجت سيارة إسمها skoda post worl war 2 .. عام 1960 بدأت الشركة في إنتاج سيارات بمختلف الموديلات وهي Škoda 440 Spartak, 445 Octavia, Felicia and Škoda 1000 MB وتم تزويد السيارات دي بمحرك 1300 سي سي يولد 97kw
ودخلت بالموتور ده سباق سيارات إسمه RAC rally عام 1970 وكسبته..ودخلت تاني عام 1980 نفس السباق وكسبته بردو :)
قررت الشركة بعدها إنها تطلق إسم (rapid) علي النسخة الرياضية من سيارتها اللي دخلت بيها السباق ده..
عام 1991 شركة volkswagen group دخلت بأسهم في سكودا بنسبة 30% ( تحديداً في يوم 16 أبريل 1991 )..وواصلوا مسيرة الإنتاج بسيارة تحمل إسم favorite ..وأصبحت في هذا الوقت شركة سكودا هي البراند الرابع لمجموعة vw group ..وفي عام 1994 v.w رفعت أسهمها في الشركة لـ 60.3% .. ووصلت بزيادة الأسهم في عام 1995 لـ 75%..وفي الوقت ده تعرضت شركة سكودا لأزمة مالية كبيرة قبل ما تدخل عليها v.w.
في هذا الوقت بدأت لمسات v.w علي سكودا بعد ضخ إستثمارات بالمليارات في الشركة وأنتجت سيارة skoda felicia ..واللي إعتبروها إحلال وتجديد مكان الـ favorite
وبدأ المشوار في الخطة الإنتاجية للشركة بمساندة v.w لحد ما v.w عملت إحلال وتجديد شامل في مصانع الشركة في الشيك..يشمل طقم العمالة بالكامل ومسئولي التسويق والصيانة.وده عشان يبدأو في إنتاج موديل Octavia عام 1996 وسموه Octavia a4 واللي تعتبر نسخة من v.w bora. وواصلت الشركة نجاحها بالموديلات اللي غزوا بيها العالم كله إلي وقتنا هذا.
دي قصة الشركة بإختصااااااااار ( إزاي متعرفش حاجة عن الألماني D: ) مع العلم أكتر من 3/4 خامتها اللي بتشمل مواتير وفتايس وخامات صالون وشاسيه وتكنولوجي كل الكلام ده بيتبعتلها من ألمانيا) مفيش حاجة تشيكي فيها غير الصاج والفوانيس D: )
2- بالنسبة للسعر..العربية غالية..مااااشي..طيب إيه زيها في السوق بالكماليات دي كلها والمواصفات والتجهيزات دي..وبالسعر ده !!!!..مع العلم إن كل العربيات في مصر سعرها غالي وبنتسرق فيها ( حتي الميرك والبيمرز )
3- رداً علي جزئية إن 3/4 الكماليات دي هتتشال منها..ده غير صحيح وأنا عامل موضوع منفصل عن مواصفاتها من بق أرتوك نفسه :).
تحياتي يا باشا
المفضلات