فكرتنى بموقف زمان حصل معايا
كنت شارى ماكينة حلاقة كهرباء وبعدين كان إبنى الكبير ساعتها لسه يمكن عنده 5 سنين ولا حاجة
فماكنش فيه فرصة نروح للحلاق وعلى طول زحمة ومافيش وقت
قلت له تعالى يا حبيبى أنا أحلق لك بالماكينة هى كيميا يعنى ... نبدأ بالجنب مشط نمرة واحد وبعدين فى نص الراس مشط نمرة إتنين .
وهوب بدأت أشتغل بالماكينة إلا وألاقيلك راس الواد بقت زى خريطة أفريقيا .. هضاب وجبال وسهول و نباتات إستوائية ...
الواد شكله بقى عار فعلا ودماغه اتشوهت
طبعا ماخلصتش من أمه ومن عياطه ورحت نازل على الحلاق
أول ما دخلت عليه بص لى بصة مش قادر أنساها وقلبت بضحك هستيرى بعد كده وبدأ فى إصلاح ما أفسده الدهر فى دماغ الواد .
فعلا إدى العيش لخبازه
الفهلوة مش دايما بتكسب لأ دى أحيانا بتخسرك كتير
المفضلات