توفيق من ربنا

**MOstafa Hashem** · 19-04-2013 01:22 AM

يا باشا ألف مبروك هنا وهناااك ..

مع انى معايا a4 بس احب اقولك انك راكب عربيه محترمه وتستحق كل مليم أدفع فيها ..

**mohammedrefaat** · 19-04-2013 05:26 PM

المشاركة الأصلية كتبت بواسطة Moratoz

ابقي انفل لينا تجربتك وشعورك بعد اسبوع وقلنا اخبار السحب والبنزين والاستهلاك ايه بالظبط علشان انا بفكر اعمل العمله بتاعتك وأبيع ال a5 وأجيب باسات بس مقلق من بنزين ٩٢

باشا انت بتبكتنى على اللى انا عملته ولا فعلا عايز تعرف معلومه عن السحب و البنزين و كده ؟؟؟

المشاركة الأصلية كتبت بواسطة aw2100

1000 مبروك على العربية الباسات بس مطلوب عمل مقارنة بين الباسات وال a5 علشان على قد معلوماتى انهم تقريبا من نفس الفئه وامكانيات واحدة ؟؟

باشا الله يبارك فيك بس مش عارف ليه انا حاسس انك عايز تقوللى ان اللى عملته غلط او عايز تقول للعضو Moratoz انه يرجع عن اللى فى دماغه ؟؟

**mohammedrefaat** · 19-04-2013 05:31 PM

المشاركة الأصلية كتبت بواسطة MOstafa Hashem

يا باشا ألف مبروك هنا وهناااك ..

مع انى معايا a4 بس احب اقولك انك راكب عربيه محترمه وتستحق كل مليم أدفع فيها ..

ماشى يا عم مصطفى
عامل ايه ؟؟ و اخبار الـ a4 ايه يا رب تكون مبسوط بيها

انا كانت معايا و الحمد لله كانت عربيه تمام و الله
ربنا يباركلكم فيها هى و الفانتازيا

**Moratoz** · 19-04-2013 06:47 PM

المشاركة الأصلية كتبت بواسطة mohammedrefaat

باشا انت بتبكتنى على اللى انا عملته ولا فعلا عايز تعرف معلومه عن السحب و البنزين و كده ؟؟؟

باشا الله يبارك فيك بس مش عارف ليه انا حاسس انك عايز تقوللى ان اللى عملته غلط او عايز تقول للعضو Moratoz انه يرجع عن اللى فى دماغه ؟؟

والله بكلم بجد بفكر ابيع a5 واجيب باسات وبعدين قولي هبكتك ليه بس هوا انتا جايب توكتوك متخليش عندك تهيئات من العربيه ما دام اشتريت وانتا مقتنع خلاص استمتع بعربيتك بس قولنا اشتريت بكام وماشيه كام كيلو

**S O P H O S** · 20-04-2013 03:06 PM

الف مبرووك

**mohammedrefaat** · 22-04-2013 03:36 AM

المشاركة الأصلية كتبت بواسطة mostafa hashem

محمد باشا

الـ a4 زى الفل بس انا حاططها للبيع .. الأوبل منها وأليها اعووود

والحاج موافق على الرأى ده ..

هاتبيعوها ليه بس ؟؟!!

دى عربيه حلوه و جميله و مالهاش مصاريف تقريبا

فكر تانى فى موضوع البيع ده .. يمكن تغير رايك

**mohammedrefaat** · 22-04-2013 03:47 AM

المشاركة الأصلية كتبت بواسطة moratoz

والله بكلم بجد بفكر ابيع a5 واجيب باسات وبعدين قولي هبكتك ليه بس هوا انتا جايب توكتوك متخليش عندك تهيئات من العربيه ما دام اشتريت وانتا مقتنع خلاص استمتع بعربيتك بس قولنا اشتريت بكام وماشيه كام كيلو

ياباشا ربنا يوفقك ان شاء الله
و احب اطمنك ... العربيه حلوه حتى الان و الحمد لله
سحبها جميل مش زى ما هو مشاع عنها هنا فى المنتدى
العربيه برضو مش بتستهلك بنزين كتير ... تقريبا نفس استهلاك الفانتازيا
يعنى انا مشيت 100 كم و استهلكت تقريبا 8 لتر او 8.5 مش اكتر من كده كنت ماشي على سرعه مابين 140 الى 160 كم/ساعه

العربيه واسعه جدا من جوه و حلوه
على فكره اسعار قطع الغيار مش غاليه اوى
تيل الفرامل نفس تمن تيل فرامل التويوتا

فلتر الزيت نفس بتاع اسكودا

مافيهاش سير كاتينه ( جنزير فى الموتور )

مصاريف التشغيل العاديه يعنى

الحمد لله لغاية دلوقت

السعر بيتحدد بناء على حاله العربيه اللى هاتشوفها و كمان العداد عامل كام كيلو و صياناتها بتتعمل فى التوكيل ولا بره و لا صاحبها كان منفض و مابيعملش
حاله الدهان و كده يعنى
يعنى ممكن تلاقى عربيه ماشيه قليل و سعرها برضو قليل ممكن تكون راشه بره مثلا مغيره اكصدام كده يعنى
كل عربيه و ليها سعرها مافيش رينج معين يعنى للاسعار