البوجيهات المضروبة

**wahba87** · 17-04-2013 10:52 PM

جه ميعاد تغيير البوجيهات للاونو , رحت اغيرهم عند الميكانيكى و اشتريت طقم ngk من عند الراجل اللى جنبه , بعد ما غيرتهم العربية ادائها سيئ جدا

الميكانيكى قالى البوجيهات دى مضروبة , هات بوجيهات من عند "جيمى" (واحد بتاع قطع غيار مشهور فى المنطقة)

جبت طقم تانى ngk و غيرته و العربية ادائها زبالة , بالذات لو باردة , و بتعمل مدافع و هى باردة و حاجة تكسف

رحتله تانى قالى البوجيهات مضروبة !!!!!!!!!

البوجيهات القديمة اللى مشيت 20000 كيلو انا ندمان انى رميتهم.

اجيب بوجيهات مضمونة منين يا ناس , انا ساكن فى الظاهر ؟

على فكرة الميكانيكى نصحنى بنوع اسمه دنسو , هل ممكن اجيب 2 او 3 شمعة اونو كاربراتير , هل هيعمل فرق ؟؟

**windofchange** · 17-04-2013 11:00 PM

معاك القدام لسه...المفروض تدخل موقع شركات البوجيهات وتكتب نوع عربيتك وموديلها وسعة الموتور بالسي سي والحصان لو امكن كل ده بتختاره من الموقع ويكتب لك كود البوجيهات المناسبة لموتورك وتجيبها من توكيل ngk لان البياعين اغلبهم كام شمعة ياباشا وسن صغير ولا كبير والموضوع اكبر من كده في حاجة اسمها بوجيه سخن وبوجيه بارد وبوجيه لمواتير الانجكشن والتاني للكربيراتير وكده وكل موتور له بوجيه معين

**S O P H O S** · 18-04-2013 01:46 AM

طب ما تشوف شارع دمشق

**AlGazar2** · 18-04-2013 02:03 AM

شوف محل عليه ضغط جامد عشان تبقى البوجيهات الى عنده جديده باستمرار

**Hobgoblin** · 18-04-2013 04:09 AM

NGK

Company El Tawfik Trading & Import Co.
Address 6 El Gomhoria Square Abdin Cairo Egypt
Tel +202-25168172
Fax +202-25160286
Email Id atm@eltawfikatm.com, atm@eltawfik.net

**dr.hazem** · 18-04-2013 06:34 PM

اتفرج عالفيديو ده عشان تفرق بين الاصلي والمضروب

Fake & Genuine NGK Spark plugفروقات بواجي ان جي كي اصلي و مقلد.mp4 - YouTube

كمان ياريت تجيبهم من موزع معتمد او الوكيل
عن نفسي كنت بجيبهم من موزع في التوفيقيه
وياريت تتاكد من تطابق الكود مع كود عربيتك

ودي الصفحه كمان
PLUG STUDIO / NGK

تحياتي

**sakr_skoda** · 18-04-2013 06:55 PM

على فكرة موضوع المضروب دا منتشر بكثافة فى كافة انحاء جمهورية مصر العربية....

انا اشتريت طقم جديد ب 55 جنية قال ايه يابنى قال ركبتهم حسيت ان سحب العربية مات و وبتغيب فى الدوارة وبرضو بتدرف مدافع طيط طيط طول ماهى ماشية وكان دا بعد اسبوع من شغلهم يعنى متهروش ولا حاجة واحد صاحبى فى الشغل بقى كان لسة مسقط موتور استيراد نفس نوع عربيتى لقيتة بيقولى انا غيرت البوجيهات اللى كانت جاية فى الموتور استيراد اهم عاوزهم ولا اميهم قلت ترميهم انشالله اللى يكرههم هاتهم اخدتهم لقطيهم نضاف جدا ركبيهم المفاجأة....

كان فى تسريب زيت من عند واحد منهم انقطع بعد التغيير*!!!!!!!!

سحب العربية بسم الله مشاء الله!!!!

معدتش تعمل طيط طيط ابدا !!!!!

شغال بيهم بقالى شهرين والحمد الله كيست الجداد ورميتهم عندى فى البيت