مساعدة من ملاك اوبل فكترا 2008

**M.Elgergawy** · 17-04-2013 11:40 PM

برجاء من ملاك العربية معرفة عيوب ومميزات السيارة واماكن صيانتها واماكن قطع الغيار هل هي متوفرة ولا نادرة عشان ليا زميل بيبعها وعجباني الصراحه وهي توب لاين اللى فيها فتحة سقف وعامله 195 الف كم كلهم سفر عشان هو من اسكندرية وشغله في القاهرة وكل صيانته حتي الان في التوكيل واخبار التسارع بتاعها ايه وهي راشة كلها نظافة عشان مؤمن عليها واي تجريحه او خدشة بيروح يرشها في التوكيل ويا ترى رينج سعرها ايه
وشكرا جزيلا ليكم جميعا

**احمد فهمى** · 18-04-2013 02:17 AM

عندك مواضيع كتير وقطع الغيار عاديه ومفيش اي مشاكل بس ١٩٥ الف كتير هو عادى على اوبل بس لازم تاخدها اقل من سعر السوق شويه تحسباً لبعض القطع اللى هتحتاج تتغير وطبعاً لازم يكون كان دائم الصيانه

**احمد فهمى** · 18-04-2013 07:32 PM

الايلاجنس السليم من 95 ل 100 والهاي لاين من 100 ل 110 والتوب لاين من 115 ل 130 وطبعاً كل ده على عربيات سليمه يعنى عامله صيانات وعداد قليل ومش ملعوب فى والكلام بعيد عن الحالات النادره اللى تحت ال 20 الف كيلو