النور العالى والنور الواطى

**Islam_galal** · 13-08-2008 12:00 PM

طبعا النور الصغير و ظيفته اعلان ان فيه عربية جايه فقط و لا علاقة له بإضاءة الطريق

في الطرق الضلمة باولع النور الواطي و اركز في الأسفلت مش في العربيات القادمة تفاديا للضوء العالي و الترعيش

**MoToRiZeR** · 13-08-2008 12:02 PM

و الله يا علا الحاجات اللي قلتيها دي ولا ينفع معاها وزارة الكهربا حتي مش النور الصغير

عامة النور الصغير ضروري عشان اللي قدامك يشوفك في المراية حتي لو جي من بعيد و يبقي واخد باله منك لو هينحرف شمال أو يمين (ده لو بيبص في المرايا يعني!)

انا اللي بيغيظني الناس اللي مشغلة العالي عالمحور .. يعني يمكن الطريق الوحيد في القاهرة اللي فعلا الإضاءة معمولة فيه بضمير و علي نضافة و شايف الشارع كله و مية مية .. ايه لازمة النور العالي !!؟ الله أعلم ..

**MohabSaeed** · 13-08-2008 12:55 PM

لو الطريق ضلمه بولع العالى ... والى مش عاجبه هو حر ... اصلى مش حلبس فى نقر وبلاعات ومطبات و احتمال موتسيكلات ماشيه من غير نور .... علاشان الى قدامى مش عاجبه .

لكن لو الطريق منور بمشى على النور الواطى و او نور الشبوره .....

عموما الضوء الواطى عندى فيه عدسات ... وانا بنفسى جربت اشغله ووقفت قدامه و بصيت فيه .... واتأكدت انه مش مؤذى و غير كده هو ضارب فى الارض .
فلما بكون ماشى و منوره الواطى و حد بيرعش علاشان اطفيه .. بضربله العالى .. علاشان يفهم ...

**iBiZa** · 13-08-2008 01:10 PM

المشاركة الأصلية كتبت بواسطة MohabSaeed

فلما بكون ماشى و منوره الواطى و حد بيرعش علاشان اطفيه .. بضربله العالى .. علاشان يفهم ...

انا فعلا بعمل كدة بعد عشان اوريلة ان فية عالى بردة.

**iBiZa** · 13-08-2008 01:13 PM

المشاركة الأصلية كتبت بواسطة MohabSaeed

لو الطريق ضلمه بولع العالى ... والى مش عاجبه هو حر ... اصلى مش حلبس فى نقر وبلاعات ومطبات و احتمال موتسيكلات ماشيه من غير نور .... علاشان الى قدامى مش عاجبه .

هو بس انا ليا تعليق فى النقطة دية, لما تقرب من العربية اللى قدامك, اطفى العالى و خليك على الواطى لحد ما تعدى منة و بعدين ارجع للعالى تانى.

و دة الصح على فكرة.

**ENG\AHMED** · 13-08-2008 06:12 PM

فى ناس وبالاخص الميكروباص والتاكسى والنقل حافظين انك لو مولع اى نور حتى لو مش جاى ناحيتة اصلا لازم يقلبلك علشان تطفية
اا كنت بامشى على النور الواطى جوة البلد على طول الاقى الناس بتقلب (ملحوظة اللمبات الاستاندرد بتاعة العربية مش 100 و 1000 وات والكلام دة) فا بقيت جوة المدينة او لما احس ان النور مضايق اللى ماشى قدامى بروح منزل الكشافات لتحت طلعت على طريق سريع برفعة تانى (مع العلم انى عارف ومتأكد انة مش مضايق حد يعنى متجيش تيحلق فى الكشاف وتقولى لأ مضايقنى )
المهم بردو الناس بتقلب !!! بقيت لو طريق اتجاهين انور الفوجات بس .. بردو بيقلبوا !!!! .. فا بقيت بنفض وانور النور عادى واللى مش عاجبة وبيقلب بروح مديلة العالى علشان يعرف الفرق والنعمة اللى كان فيها

كنت مرة ماشى فى حتة اتجاهين ومنور الواطى وتريللا مقابلانى مش عاجبة وبيقلبلى نور !!! طيب انت قاعد فى الدور التانى فوق وانا تحت افهم بقى النور مضايقة ازاى!!!
المصيبة ان بيبقوا ماشيين على طرق صحراوى بليل من غير اى نور فاكرين هى دى اصول السواقة , مرة كنت هعمل حادثة بسبب كدة عايز ادخل شمال فا اديت اشارة وبصيت فى المراية مفيش حاجة فابتديت ادخل سنة سنة الاقى نور طلع مرة واحدة من ورا اتارى عربية نقل جاية ومفيش اى نور وطريق صحراوى بليل ومفيش اى عربيات ناحيتنا فا اكيد مش باينة اصلا .. الظريف انة قلبلى وعدى وطفاة تانى !!!!!

**M.Elwan** · 13-08-2008 09:04 PM

المشاركة الأصلية كتبت بواسطة iBiZa

هو بس انا ليا تعليق فى النقطة دية, لما تقرب من العربية اللى قدامك, اطفى العالى و خليك على الواطى لحد ما تعدى منة و بعدين ارجع للعالى تانى.

و دة الصح على فكرة.

هو فعلا ده الصح وBMW عملت نظام جديد يعمل اللى انتا بتعملة بايديك بالظبط بس اوتوماتيك بدون تدخل من السواق خالص لما تكون فى شارع ضلمة ومفيش عربيات قدامك العالى يفتح لوحدة ولما النظام يشوف ان فى عربية قدامك عن طريق كاميرا مثبتة خلف مراية الصالون يطفى العالى ويفتح الواطى لحد ما تعديه ويرجع تانى واسمة BMW HIGHBEAM ASSIST

The High-Beam Assist system uses a tiny camera-on-a-chip combined with computer algorithms to automatically determine when to turn on and off the vehicle’s high beams depending on traffic conditions.

http://paultan.org/archives/2008/08/...am-technology/

**MohabSaeed** · 14-08-2008 01:28 AM

المشاركة الأصلية كتبت بواسطة iBiZa

هو بس انا ليا تعليق فى النقطة دية, لما تقرب من العربية اللى قدامك, اطفى العالى و خليك على الواطى لحد ما تعدى منة و بعدين ارجع للعالى تانى.

و دة الصح على فكرة.

كلام حضرتك صح مليون %

انا فعلا كتير بعمل كده ... خصوصا لما بلاحظ ان النور ضارب فى المرايه عند الى قدامى.... بقفله لحد ما اعديه .. او سعات بخليه هو دليل ليا لو هو ماشى بنفس سرعتى او اسرع منى و مش حعديه .. لحد ما يبعد و ارجع تانى للعالى .

بس المشكله ان فعلا فى اماكن صعب جدا جدا انك حتى تمشى بالواطى لمسافه امتار ... كمثال الحته الى بعد الكوبرى الى فى ميدان لبنان و انتا رايح اكتوبر الوصله ديه من بعد الكوبرى لحد اول المحور " كانت " بتبقى ضلمه و مفهاش اى نوع من الاضاءه لمسافه كيلو ونص تقريبا .. والطريق بيبقى حارتين ....... انا مره كنت حلبس فى الرصيف بسبب الحته ديه ... ف الحقيقه كنت بمشى مولع العالى لان الواطى عندى مكانش بيوضح الطريق ... وعلى فكره معظم الناس كانت بتمشى بالعالى لان فعها الدنيا بتبقى ضلمه جدا و الطريق ضيق و بيلف كمان و خصوصا بعد منزل الكوبرى ..... ف تحت اى ظرف كنت ببقى مضطر امشى بالعالى فى المكان ده تحديدا .

عموما الحمد لله دلوقتى صلحو الحته ديه و بقى فيها اضائه ممتازه .

**hazem_khidr** · 14-08-2008 06:52 AM

بعمل زيك كده يا محمد حتي من قبل ما اروح الامارات
و هناك فعلا التزمت بالنقطه دي جدا و بقيت مش بمشي غير و انا مشغل الواطي
و لما رجعت مصر بقي اساسي عندي فعلا.
حتي ناس قرايبي يركبوا معايا يبقوا مستغربين
و افهم فيهم يا جماعه دا بيفرش علي الارض مش مؤذي للي جاي
الاقي سواق غبي جاي في وشي بيرعش!!!
يقولولي اهو واحد بيرعش
اخر ما بزهق بقولهم اللي بعمله دا هو الصح في العالم كله
كون هنا مش فاهمين دي مش مسئوليتي ولا انا حعلم الناس:)

**محمد عز** · 14-08-2008 07:20 AM

بعمل زيك كده يا محمد حتي من قبل ما اروح الامارات
و هناك فعلا التزمت بالنقطه دي جدا و بقيت مش بمشي غير و انا مشغل الواطي
و لما رجعت مصر بقي اساسي عندي فعلا.
حتي ناس قرايبي يركبوا معايا يبقوا مستغربين
و افهم فيهم يا جماعه دا بيفرش علي الارض مش مؤذي للي جاي
الاقي سواق غبي جاي في وشي بيرعش!!!
يقولولي اهو واحد بيرعش
اخر ما بزهق بقولهم اللي بعمله دا هو الصح في العالم كله
كون هنا مش فاهمين دي مش مسئوليتي ولا انا حعلم الناس

ده انا جالى العصبي ياحازم الاجازة اللى فاتت من كتر ما الناس رعشتلى نور
وكله كوم والشتايم كوم
مع انى كنت راكب عربيه حديثه والنور الواطى كان عااادى

طب ياجماعه القانون الجديد بيقول ايه حد عنده فكره؟؟؟؟

الموضوع: النور العالى والنور الواطى

LinkBack

أدوات الموضوع

عرض

-

-

-

-

المواضيع المتشابهه

الكاسيت والنور العالى

لما بولع النور العالى او الواطى ع السلانسيه العربيه بتوطى وبتترج

اريد شرح بالرسم البيانى لدائرة النور العالى و الواطى بتويوتا 97

اريد شرح بالرسم البيانى لدائرة النور العالى و الواطى بتويوتا 97

اريد شرح بالرسم البيانى لدائرة النور العالى و الواطى بتويوتا 97

الكلمات الدلالية لهذا الموضوع

المفضلات

المفضلات

ضوابط المشاركة