شوف يا سيدي الفاضل
لو انت هتنقل العربية بتاعتك للمرور اللى انت تابع ليه ورخصة العربية منتهية يبقى لازم الاول تروح المرور اللى رخصة العربية تابعه لييه
وتجيب شهادة بيانات موجهة للمرور اللى انت ناوي تنقل العربية فيه (وبيكتب في الشهادة الكلام ده)
يعني مثلا : العربية مرور مدينة نصر وانت مرورك السلام - يبقى تروح مرور مدينة نصر وتطلب شهاده بيانات موجهة لمرور السلام عشان تخلص الموضوع ده من غير لف ودوران والحوارات الهابطة بتاعت المرور
وفيه معلومة كمان عشان الناس بتوع المرور ساعات بيبقى عندهم فراغ ويحبوا يفسحوك
انت تشتري نموذج الفحص الفني بالمرة وانت بتجيب شهادة البيانات(كده كده هتشتريه) وتروح على مهندس الفحص وتقولو عايز اعمل مطابقة بصمة (عشان تقارن رقم الموتور والشاسيه اللى في الورق والرخصة باللى اصلا موجود في العربية) ودي خطوة امان ليك مش اكتر وكمان عشان لو حصلتلك تبقى في الامان
واي سؤال انا في الخدمة
رامي (ابو احمد و يوسف)
المفضلات