الموضوع: وحده الكنترول

المشاركة الأصلية كتبت بواسطة warfighter2114

السلام عليكم

وعليكم السلام ورحمة الله وبركاته

اولا. هل من المهم لما اركب مثلا بوابه الموتور اني ادخل بجهاز الكمبيوتر وابرمجها ولا مش حتفرق ولو لازم ابرمجها ليه???????

لا مفيش داعي انك تبرمجها
كدة كدة لما تفتح كونتاكت - الكنترول هيتعرف علي الحساسات بتاعتها وهيتشيك علي كل حاجة

ثانيا لو حبيت اجيب كنترول لعربيتي ايه اهم المميزات الي بيها اقدر اميزه عشان البياع ميدنيش اي كنترول يعني بيبقي عليها رقم يميزها !!!!!!!!

الكنترول طبعا ليه كود 0 بيبقي مكون من 3 حروف او حرفين - بس بصراحة مش فاكر

ثالثا ازاي اخلع كابل الكنترول عشان ميتكسرش الفبره البلاستيك لاني فشلت اني اخلع الكنترول!!!!!!!!!!!

كابل الكنترول هتلاقي ليه زي قفل من تحت - هتدوس عليه وتشد الكابل بتاعه لبرة
لو معرفتش - بلاش تعافر معاه 0 عشان ماتكسرش الفيشة او الcondactors بتاعته

رابعا هل خلل الكنترول يونت يخلي بوابه تهيس!!!!!!!!!!!

اي خلل في الكنترول يونت - هيخلي العربية كلها مهيسة 0 دة لو دارت اصلا

خامسا البوابه مكتوب عليه vdo هل هذا يعني شي!!!!!!!!!!!!

vdo دة اسم الشركة المنتجة
ودي الشركة اللي عاملة طرمبة البنزين ومعظم الألكترونيات في العربية عندنا
وهتلاقي الكنترول bosch الماني

سادسا هل لما اشتري بوابه جديده لازم تكون متفقه مع كود الموتور!!!!!!!!

لا -
بس اهم حاجة تكون متوافقة معاه - يعني لو موتورك 1.6 يبقي هتجيب بوابة بتاعة موتور 1.6 وياريت لو لنفس المحرك بتاعك بالظبط

انا عربيتي alm engine code 1999
شكرا

اتمني اكون عرفت افيدك ولو باليسير
وعذراً للتأخر في الرد
بس انا طول النهار برة ومازلت برة وكنت طول اليوم داخل موبايل ودي اول مرة اقعد قدام الكمبيوتر

تحياتي
والله المستعان
،
،

المشاركة الأصلية كتبت بواسطة warfighter2114

ربنا يحفظك والف شكر
اود ان استفسر مش التي بي اس له علاقه بضغطه البنزين يعني الكارته بتدي امر للtps ان يفتح علي قد ضغطه البنزين يبقي اظن ان البرمجه لها معني
وانا علي موقع ايباي لقيت الكنترول الخاص بكود alm له رقم ثابت بكره حروح اطابقه وكدلك حساس الاكسجين المتفق مع كود الموتور
يعني تكلفتهم 261 دولار هههههههههه رقم كبير طبعا مش حشتري غير البوابه لانها ماركه vdo

بص يا باشا حساس الtps مش مسؤول عن فتح البوابة ولا حاجة
هو بيحسب فتحة البوابة قد ايه - وبعدها يرسل اشاراته للكنترول بقراءاته بمقدار فتحة البوابة
وبناء عليها الكنترول يحدد كمية البنزين المتناسبة مع قراءات الtps وفتحة البوابة
هذا وبالأضافة الي حساس الماب او الأير ماس MAP - Air Mass Flow بيحدد درجة حرارة وسرعة تدفق الهوا الداخل من البوابة
والحساسين tps و map مش مسؤولين عن فتحة البوابة - هما بس بيقولوا الفتحة قد ايه والهوا قد ايه وبناء عليهم الكنترول يحدد كمية البنزين

فهمتني ؟؟؟

معقولة هتجيبها بالسعر دة ؟؟؟
غالية اوي

الله المستعان
،
،