لا مفيش اى تكتكه وصوت العربيه بسم الله ماشاء الله ناعم من يوم ما عملت الصبابات وبقى احلى من الأول
Sent from my GT-S6500D using Forum Runner
عرض للطباعة
طلما العربيه بقت سليمه والبوجيهات نظيفه يبقى العربيه مافيهاش حاجه الحمد لله
والعيب من بتاع الكاربراتير اللى انت روحتله فى الاول هو لخبط بين البيكات (لان مقاساتهم مختلفه وده اللى بيحدد كميه البنزين)
علشان كده العربيه كانت بتنتش معاك والبوجيهات اسودت من كتر البنزين الزياده اللى بيترمى
لا ياباشا
ده الميكانيكى الأخير هوه اللى بدل البيكات والنتشة اختفت بس البوجيهات بقت فحمه لما عمل كده
وبعد يومين لاقيت العربية تقيلة ومخنوقة
لما رجع البكات تانى لوضعها الأول
النتشة رجعت تانى
وبتزداد سوءاً يوم بعد يوم
لسه جاى من بره طول السكة تنتيش وقرف .... النتشة بتظره لما بهدى أو لما بثبت رجلى على دواسة البنزين ... انما لما بكبس بنزين وبتسارع بتجرى عادى جدا وبتفرك كمان وبتطير !!!
أيه العيب العجيب ده!!!!!! :-\
انا تعبت قوى ونفسيتى بقت فى الحضيض بسبب المخروبة ديه
4 شهور من العذاب المتواصل
مش ممكن
:120146b
أستغفرك اللهم واتوب إليك
يااااااااارب حلها بقى من عندك
روحت للميكانيكى النهاردة
علشان يبص تانى عليها
بيقولى عيب عربيتك انا عارفه وخلص علشان تخلص وترتاح
المهم قولتله اركب جربها طلع بيها على الطريق جابت 140 بمنتهى البساطة ... ومعجب جدا بالعربية وقوة سحبها وهدوء محركها
التنتيشة ظهرت على خفيف لما هدى على مطب ومشى براحه
بيقولى علشان اعالجلك التنتيشة هزود البنزين بس متسألنيش على البوجيهات والدخنه
أو الحل الصح بقى أ فك وش السلندر واعملك روديه صح على ايدى
بيقولى كل اللى عاوزه منك جوان وش سلندر دوبل
بقوله ليه دوبل أنا محتجتش مسح للوش ولا اى حاجه !!!!
بيقولى الجنجريد اصلاً بينضغط لما احرق على الجوان وبيوصل لنفس معدل الأصلى وعلشان العربية تريحك فى الصيف ومش كل شوية المروحة تشتغل
قولتله طيب اجيب كاتوش صباب الدكتور قالى بلاش تجيبه عندى كاوتش صباب بيجو احلى منه
قالى هفك صباب صباب وهعمله روديه على ايدى بروقان وكل صباب ياخدله شغل 3 ساعات
مع العلم انى لما عملت روديه من 4 شهور فى المخرطة مأخدتش نص ساعه
بس من يوم ما عملت الروديه والصبابات وانا ملاحظ زيادة فى استهلاك البنزين ودايما حلية الشكمان عليها هباب ... والعربية بتعرق ميه سودا الصبح
ايه رأيكم ي اخونا .... اخليه يفك الوش ويركب جوان دوبل ؟
ما تاخد رأي حمدي صاحب اختراع مانيوال بدون دبرياج
انا من طنطا
واعتقد ان الشخص اللى بتقول عليه من القاهره
وفكرة نزول القاهره بالعربية بالنسبة ليا فكره مرعبة
روحت فى يوم المطار طلعت روحى على الطريق الزراعى والدائرى
اللى كنت بوصلهم المطار وصلوا بيتهم فى الكويت قبل ما اوصل انا لبيتى فى طنطا
هههههههههه
الله يكون فى عون الناس اللى بتمشى على الطرق ديه يومياً
طب ما تضبط مع هشام الجزار هو يعرف هو فين
ولو تاخد تليفون حمدي تفهمه الموضوع ممكن يكون له فكر تاني
وبرضه ممكن تشوف القاضي من جروب فيات 132
ممكن يكون عارف ميكانيكي كويس
هو من طنطا برضه