الموضوع: شلــــــــــــــــة رينـــــــــــــو داستــــــــــــــر :) :) :)

المشاركة الأصلية كتبت بواسطة rhct2010

السلام عليكم

ممكن حد يقولى ازاى انضف فلتر التكييف فى الرينو داستر

وشكر



نايل موتورز - NileMotors.net[1].gif

و عليكم السلام ،
الموضوع بسيط ان شاء الله.. الفلتر بيبقي في ناحيه الكرسي اللي جنب السائق في منطقه القدم علي الشمال و علشان تفكه بيبقي في حاجه زي الكليبسات فبتشده بالراحه من تحت الاول و بعد كده من فوق هيطلع معاك و بعد كده لما تنضفه تدخل الجزء اللي فوق الاول و بعد كده اللي تحت (يعني عكس الفك) و ده فيديو سريع يبين مكان الفلتر و عمليه الفك و التركيب
Замена фильтра салона в Дастере - YouTube

المشاركة الأصلية كتبت بواسطة rhct2010

شكرا ليك على الاهتمام وتمت العملية بنجاح

العفو يا فندم و الف مبروك

امبارح يا جماعه عملت صيانه ال ١٠ الاف كيلومتر في مركز صيانه القطاميه نتيجه لمعلومه مضلله من اللي حجز لي في التوكيل ان مركز القطاميه بقي فيه اكسسوارات و قطع غيار و حسسني انه بقي احسن من رينو فرنسا نفسها و ده علي خلاف الحقيقه طبعا . الدنيا كانت مهرجله الي حد ما و مفيش غير مهندس استقبال واحد و عدد العملاء كبير و طبعا اول ما سألته عن اكسسوارات او حتي ضبط زوايا قاللي ما عندناش و بلاش تركب اي حاجه زياده في العربيه و هي كده كويسه و لما قلتله ان صوت الموتور عالي شويه رد علي في ثانيه ان الداستر موتورها كده مع ان ده مش صحيح الموضوع ان زيت الموتور كان محتاج يتغير و كنت عارف انه بعد التغيير الصوت هينعم بس ما علينا. كانت عندي ملحوظتين ان دواسه الدبرياج بتزيق احيانا و ان نور درج التابلوه مش بينور و دول عملوهم فعلا . التكلفه كانت ٧٠٠ جنيه و مش ٤٩٥ زي اللي مكتوب في الموقع . تقييمي لمركز صيانه القطاميه انه محتاج شويه اهتمام من رينو عن كده فهو اقرب الي ان يكون ورشه مش توكيل ، يعني الدنيا بدائية و مفيش حد عنده وقت يشرح ايه اللي بيحصل او حتي يقول ايه اللي اتعمل في العربيه او كانت ايه المشاكل و بيسيبوا الموضوع للعميل مفاجأه في الاخر و هو و حظه و كمان انه بيعتمد علي عمل الصيانات العاديه فقط و شويه الحاجات البسيطه المعروفه أما لو لاقدر الله حد عنده مشكله كبيره ف بيحتاسوا فيها زي ما شفت مع بعض العملاء اللي كانوا هناك. من الحاجات العجيبه اللي عملوها هو انهم وطّوا دواسه البنزين مش عارف ليه . بصفه عامه الموضوع عدي علي خير و التكلفه تعتبر عاديه علي اعتبار ان صيانات كل ٥ الاف بتبقي مجانا طبعا و ان شاء الله المره الجايه مش رايح الفرع ده حتي لو قالولي ان الخواجة رينو بنفسه هو اللي هيعمل لي الصيانه

المشاركة الأصلية كتبت بواسطة eng.octooo

سؤال سريع : هيا الداستر اول تغيير للزيت ليها على ال 10 الاف ولا ال5000 ك ؟

وشكل كتيب الصيانة اية ؟ انا استلمت معاها 3 واحد للعربية واحد مكتوب علية راديو والتانى نصة رومانى ونصة انجليزى بس مش شايف لية اى صفحات تنفع للصيانة وشكرا لكم

اول تغيير زيت في 10 الاف و في صيانة للخمسة الاف بتبقي مجانية , حضرتك مبتروحش باي كتيبات للصيانة ملف العربية بصيانتها الدورية بتبقي متسجلة عندهم من رقم الشاسية و حضرتك بتروح بالرخصة بس

المشاركة الأصلية كتبت بواسطة stonecoldmido5

اول تغيير زيت في 10 الاف و في صيانة للخمسة الاف بتبقي مجانية , حضرتك مبتروحش باي كتيبات للصيانة ملف العربية بصيانتها الدورية بتبقي متسجلة عندهم من رقم الشاسية و حضرتك بتروح بالرخصة بس

+1
و الصيانات لازم كل ٥ الاف كيلومتر او ٦ شهور علشان الضمان يفضل ساري و بتبقي الارقام الفرديه مجانا و الزوجيه بفلوس