بتنضف ودانك...

أبو عبد الله*** · 13-08-2008 09:52 AM

جالي e mail التالي و ياريت أطباء المنتدي يعلقوا علي صحته لأني أفتكر معظمنا بيقوم بتنظيق أذنه بهذة الطريقة...

إن استعمال العيدان القطنية في تنظيف قناة الأذن هي عادة خاطئة، ويجب لفت الانتباه إلى مرتكبيها من الأمهات أو من في حكمهن، ظنا منهن أن هذا السلوك هو من النظافة والحفاظ على نظافة الأذن من الشمع.
الشمع في الأذن هو للحفاظ على قناة الأذن والمنطقة، وهو الذي يحميها من الجراثيم، وهو حائل فيزيائى لا يسمح للميكروبات باختراق المنطقة السمعية.
الأذن تنظف نفسها من الزائد من الشمع
إن الله قد يسر أن تنظف الأذن نفسها وتخرج الزائد من شمع الأذن. وأي تدخل خارجي قد يدفع بالشمع للداخل ويغلق الطبلة أو يخرقها ويدمر عملية السمع أي يصبح الشخص أصم (أطرش) بسبب ما تفعله به بالعيدان القطنية.
ما قد تسببه العيدان القطنية في قناة الأذن:
0حدوث تسلخات أو جروح بنسيج الأذن الخارجية.
0حدوث التهابات بكتيرية أو فطرية أو غيرها.
0آلام شديدة.
0تورم القناة وانسدادها.
0ضعف السمع.

وفي الوقت الذي ننصح فيه بعدم إدخال العيدان القطنية إلى داخل قناة الأذن، إن أرادت أن تنظف صيوان الأذن الخارجي بهذه العيدان القطنية أو بقطعة قماش قطنية رطبة. وإن كنت تشك في حاسة السمع فعليك أن تراجع طبيب أو اختصاصي أنف- أذن - حنجرة.
أما إذا كان عندك عيدان قطنية ولا تعرف ماذا تفعل بها؟! فإننا ننصحك باستعمالها في تنظيف مفاتيح لوحة الكمبيوتر أو أزرار الآلة الحاسبة وما شابه من الأجهزة الدقيقة، وبذا تكون قد تخلصت من العيدان القطنية

**iBiZa** · 13-08-2008 10:21 AM

الكلام دة مظبوط و مراتى كان حصلها مشكلة فى ودانها بسبب مراود الودان دية.

و لما رحنا لدكتور كبير قالنا ماتستعملوهاش عشان دية بتشيل طبقة الشمع تماما و بتخلى الودن معرضة للبكتريا و كمان لو اعدت تنظف جامد ممكن تجرح الودن من جوة و يحصل التهابات.

خللى بالكم لانى انا نفسى مكنتش اعرف الموضوع دة لحد ما رحنا للدكتور.

**sab3aawy** · 13-08-2008 10:43 AM

انا اول ما قريت العنوان تخيلت انه استطلاع من تلك الاستطلاعات عديمة القيمة وكنت داخل اعلق على المستوى العجيب اللى وصلت له استطلاعات وموضوعات المنتدى، لكن لما قريت لقيت موضوع يستاهل القراءة ومعلومة مفيدة تستحق الشكر على نقلها لنا

**NaderNabil** · 13-08-2008 11:59 AM

فعلا العيدان دي ضررها أكثر من نفعها...

هي ممكن تكون بتشيل الشمع ظاهريا....لكن من غير ما بندري هي بتدفع اجزاء صغيرة من الشمع الي داخل الأذن و مع الوقت تبدأ في التراكم مسببة ضعف السمع....و عندها يجب زيارة الطبيب....

و ده حصل فعلا لوالدي....و ساعتها الدكتور خرج حتة شمع طولها حوالي 1 سم من كل أذن...(مش بقرفكم:))

**mohamed** · 13-08-2008 12:08 PM

اولا موضوع مفيد يستحق القراءة
ثانيا اضم صوتى لصوت م/ سبعاوى فيما وصل اليه من كمية الاستطلاعات عديمة القيمة والتى اثرت بالفعل على قراءتى لموضوعات المنتدى وانا للعلم من قدامى المسجلين به هذا المنتدى الذى بدأ كبيرا ونرجوا ان يستمر بس يا ريت يكون فيه كونترول على واضعى الاستطلاعات لانها بدأت فى مستوى عالى والان ارى موضوعات لا تستحق اساسا القراءة بيكون عليها استطلاع !!!!
وشكرا

**MoToRiZeR** · 13-08-2008 12:11 PM

الله يرحمك يا عم سيد

كان عندنا بواب كنت بشوفه بيلعب في ودنه بمفك مش بعيدان .. دلوقت عرفت مات ليه .. أكيد خرم مخه بالمفك

**NaderNabil** · 13-08-2008 12:11 PM

كان عندنا بواب كنت بشوفه بيلعب في ودنه بمفك مش بعيدان .. دلوقت عرفت مات ليه .. أكيد خرم مخه بالمفك

موتني من الضحك:):):):)

الله يرحمه

**AHMEDCAR** · 13-08-2008 12:33 PM

المشاركة الأصلية كتبت بواسطة MoToRiZeR

الله يرحمك يا عم سيد

كان عندنا بواب كنت بشوفه بيلعب في ودنه بمفك مش بعيدان .. دلوقت عرفت مات ليه .. أكيد خرم مخه بالمفك

الله يجازيك والله ماقدرتش امسك نفسى من الضحك

الف شكر على الموضوع الجميل ده

**مصراوي جدا** · 13-08-2008 12:39 PM

الكلام مظبوط طبعا

لكن ده لا يمنع ان فيه ناس ودانهم بتكون شمع بكميات اكبر من المعتادة وبالتالي ده بيؤثر على درجة السمع عندهم ولازم كل عدة أشهر أو سنة بيعمل زيارة للدكتور يعمل غسيل ودان

**MTAK** · 13-08-2008 01:21 PM

المشاركة الأصلية كتبت بواسطة sab3aawy

انا اول ما قريت العنوان تخيلت انه استطلاع من تلك الاستطلاعات عديمة القيمة وكنت داخل اعلق على المستوى العجيب اللى وصلت له استطلاعات وموضوعات المنتدى، لكن لما قريت لقيت موضوع يستاهل القراءة ومعلومة مفيدة تستحق الشكر على نقلها لنا

هذا ما جال بخاطرى بالضبط
و كنت داخل اكتب رد شديد

جزاك الله خيرا ابو عبدالله على تلك المعلومة المفيدة

الموضوع: بتنضف ودانك...

LinkBack

أدوات الموضوع

عرض

بتنضف ودانك... - انشر الموضوع فى :

-

-

-

-

-

-

-

-

المواضيع المتشابهه

بتنضف الطبلون ازاى؟

بتعمل اية لما واحد صاحبك يزن على ودانك عشان ياخد لفة بالعربية

اسمع منير و نضف ودانك

يا تغمض عينيك وتسد ودانك.. يا ترفع الشعار وتغني للحمار

الكلمات الدلالية لهذا الموضوع

المفضلات

المفضلات

ضوابط المشاركة