والله ياشباب انا هقولكم علي حاجه للافاده و الله اعلم انا ماليش مصلحه في حاجه
بس انا حابب اخدم الاعضاء اللي انا اكيد اتعلمت منهم كتير ... اعرفكم بنفسي الاول "وليد عادل" قسم نيسان من عام 2007 تقريبا لحد ماشتريت نيسان صني في 3-2008 و بيعتها في 4-2012 و ممكن تسألوا عني كبار القسم و بعض الاعضاء هنا في المنتدي عارفيني
و حاليا مازدا 3 و الحمد لله بس اعضاء قسم مازدا مش عارفيني اوي
كل المقدمه دي ليه علشان الخدمه اللي انا جاي اعرضها محتاجه ثقه اولا فيا كشخص ممكن مابقاش معروف بالنسبه لناس كتير لكن حابب اخدم و ثانيا 320 جنيه تمن جهاز انذار جاااااااامد جدا وانا مركبه في عربية واحد صحبي "لانسر بومه" و صحبي بيشهد للجهاز بكفاءه عاليه اوي و فكره بسيطه
فكرة الجهاز مش هاقدر اقولها الا وانت بتركبه علشان ماينتشترش و بالتالي يبقي معروف لاي حد حتي الحرامي لو لاقدر الله دخل و قري الكلام ده
الجهاز مش بتاعي ولا ليا اي مصلحه في اي حاجه انا بعرض الفكره بس علشان الناس اللي قلقانه و غلبت في تأمين العربيه بتاعتها اللي تعبان في فلوسها و في الاخر بتتسرق لمجرد ان وسائل الحمايه معروفه للحرامي
الجهاز عند كهربائي ثقه اوي بتعامل معاه من و انا عندي 15 سنه لما كان جدي الله يرحمه بيروحلوا ... ولاد الراجل الكهربائي ده "واحد مهندس ميكانيكا و اتنين مهندسين كهربا" هما اللي جايبين الجهاز و هما اللي بيركبوه بس رافضين يدوا اي تفاصيل عنه ولا حتي اعلان عن الجهاز كمان ... الكهربائي في ابن سندر اول شارع طومانباي - جسر السويس للي يحب يروح يسأل علي جهاز الحمايه بعيد عني خالص لحسن حد يفتكر ان ليا مصلحه ولا حاجه
الاهم من كل ده لو حد ركبه مايقولش علي الفكره بتاعته الا لحد ثقه و بس علي كده ولا حتي يعمل بيه تقرير او موضوع هنا علي المنتدي اخره ياخد اقتباس من كلامي ده و يعمل بيه موضوع و يقول رايه في الجهاز بعد ماركبه و خلاص لكن فكرة الجهاز و بيشتغل ازاي و الراجل ركبه ازاي و عمل ايه بلاش لان ممكن تتعرف و يبقي الجهاز بلا قيمه بعد كده ... اللهم مابلغت اللهم فاشهدسيدى الفاضل مشكور طبعا لمشاركتك ومحاولة افادة الأعضاء لكن أنا او حد غيرى على الاقل هانبقى عاوزين نعرف نبذه او معلومة مبسطة عن الجهاز وزى ما نت بتقول 320 مش كتير بس برضه اعرف انا هادفعهم فى ايه ؟؟؟؟؟
المفضلات