محتااااااااااارو خاااااااااااااااااااايف من الصينى

**mo7amed_omara** · 13-08-2008 02:19 PM

انا حاجز التو 800 سىسى تكييف و عايز ارجع فى كلامى و اغيرها ب great wall peri 1300 سىسى وامكانيتها طبعا كلنا عرفانها وواسعة من الالتو طبعا
او اسبرانز a113 شكلها حلو وماتورها اقوووى
انتو اية رايكم فى المقارنة دى خلينى من السوزوكى يبانى ولا الصينى اللى مليان اوبشنز ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

**أبو عبدالله** · 13-08-2008 02:56 PM

خليك في السوزوكي مهما انبهرت بالصيني دلوقتي عمره ما هيعيش زي الياباني
فنصيحة خليك في السوزوكي أفضل بكثير ولا تنبهر الأن وتندم في النهاية
دي عربيات معموله بفلوس محدودة ولها عمر قصير على اد فلوسها

**mo7amed_omara** · 15-08-2008 03:31 PM

شكرا استاذ ابو عبد الله
بس فين ردود بقية الاعضاء فى انتظار الردود

**macman** · 15-08-2008 03:41 PM

خليك يا عم في الياباني احسن و اضمن بكتيررررررررر

**tutankhamoun** · 15-08-2008 04:55 PM

بُص .........
الصيني فيه مشكلة
مش مسألة تصنيع و كلام من ده

بس الصيني ملوش أسم
بمعنى تلاقي ماركة طلعت النهاردة و أختفت بعد كام شهر

أنا رأيي أنك لو لقيت ماركة صيني ( و أقصد ماركة صيني ) لها أسم و لها تواجد عالمي و أبحاث و كلام من ده و الأهم لها توكيل جيد
يبقى ممكن تشتري ( و ده مش متوفر حاليا )
و بصراحة الصيني دلوقتي كله عك في عك ما عدا الإسبرانزا اللي ليها توكيل و مصنع في مصر اللي هي أساسا تبع شيري

يبقى خليك في اللي ممكن يتصان كويس و تلاقيله قطع غيار في المستقبل

و أنا رأيي الشخصي
خليك في الألتو ............ عربية حلوة و معروفة و لها توكيل إلى حد ما جيد
و 800 سي سي زي الفل جوه البلد و هتوفر معاك في البنزين كتير و خصوصا إن سوزوكي متخصصة في صناعة السيارات الصغيرة و هما خبرة في الموضوع ده

أتكل على الله و هات الألتو

لو عاجباك الجريت وول أوي
أشتريها ........... بس أتأكد من تواجد قطع الغيار و لو أني أشك أن يكون عز العرب موفرلها دعم كويس و الله أعلم
و طبعا لو أشتريت عربية صيني ........... لازم تحافظ عليها قوي قوي قوي
علشان تقلل أحتياجك لقطع الغيار و تقلل زياراتك للتوكيل

بس أنا رأيي ميال للألتو
و شكرا

**Rsarabia** · 15-08-2008 05:55 PM

ابعد عن الصينى و غنى له

**bassemali** · 15-08-2008 06:06 PM

شوف بالنسبه للجريت وال فهي موجوده هنا في السعوديه من 2006 ومفيش منها مشاكل لكن أنا أشك أن اللي بتنزل مصر بنفس جودة دي لأن هنا القانون صارم ومابيعترفش بالمصالح أوي زي مصر لكن رأيي برضه أبعد عن الصيني وغنيله زي ماقالك الأخ Rsarabia

**ahmed1981** · 15-08-2008 06:46 PM

المشاركة الأصلية كتبت بواسطة mo7amed_omara

انا حاجز التو 800 سىسى تكييف و عايز ارجع فى كلامى و اغيرها ب great wall peri 1300 سىسى وامكانيتها طبعا كلنا عرفانها وواسعة من الالتو طبعا
او اسبرانز a113 شكلها حلو وماتورها اقوووى
انتو اية رايكم فى المقارنة دى خلينى من السوزوكى يبانى ولا الصينى اللى مليان اوبشنز ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الألتو غليت زيادة عن اللزوم
طالما الصيني لها ضمان والوكيل كويس يبقى توكل على الله وهاتها
هتتحمل بعض المجازفة بسيارة ليس لها ماضي
ولكن لو الوكيل ضمانه حقيقي متقلقش من الصيانة

**Ahmed Samy** · 15-08-2008 07:22 PM

أنا أرجح كفة الألتو
صاحبي معاه واحدة و بنروح بيها العين السخنة من المنصورة و والله زي الفل

حضرتك لازم تحكم عقلك ...استحملني معلش :

أولا :الميزانية اللي حضرتك مخصصها للعربية لاتكفي سيارة فارهة

ثانيا : السيارة الصيني هي تحايل على النقطة دي ..يعني هايديك كلمة فارهة و هايلعب في كلمة سيارة

ثالثا : ما عتقدش حضرتك بتشتري زيرو علشان تقابل (احتمال) وجود مشاكل في السيارة أو حتى في الكماليات الفارهة

من زاحد و اتنين و تلاتة أفضل توظيف للميزانية هو شراء سيارة جيدة (ممكن تزويدها بالكماليات) لو حبيت

و تقبل احترامي

**foxarc** · 16-08-2008 01:10 PM

انا رايي بلاش الالتو خالص مع احترامي لماركة سوزوكي اليابانية لكن الماروتي و الالتو بالذات عار علي هذه الماركة و بعدين بتقفلوا في الهند مش في اليابان و 800 سي سي موتور ضعيف جدا و التكييف هيتعب الموتور انا رايي ان اختيارك الاول يكون اسبيرانزا 1300 سي سي وو اسعة من جوه اما بيري فأنا مقدرش احكم عليها لحداثة وجودها بالسوق المصري بس هو توكيل عز العرب مش وحش

الموضوع: محتااااااااااارو خاااااااااااااااااااايف من الصينى

LinkBack

أدوات الموضوع

عرض

-

-

-

-

المواضيع المتشابهه

الريس الصينى؟

الجنوط الصينى

وحوش الصينى

"قسم السيارات الصينى نايم" تعالوا نصحصح (ماهى السيارات الصينى داخل مصر) موضوع متجدد

الصينى ولا ايه

الكلمات الدلالية لهذا الموضوع

المفضلات

المفضلات

ضوابط المشاركة