الموضوع: اخيرا ركبت عمود الاتزان

المشاركة الأصلية كتبت بواسطة blackhorse123

بعد الشوشره والقلق اللى حصل فى عدم وجود عمود الاتزان فى اللوجان

ما كدبتش خبر اتصلت بواحد صاحبى مهندس سيارات وعنده مركز صيانه قلت له على عمود الاتزان عايز اركبه قالى ماشى مفيش مشاكل غاب يومين واتصل بيا قالى عمود الاتزان موجود وتكاليف تركيبه كلها 1700ج العمود + القفزان + صوابع الميزان + المصنعيه

روحت واخد بعضى وطالع على القاهره عنده -اصلى انا من اسيوط - وصلت عنده وركبته
الموضوع اخدت بتاع ساعه او اكتر شويه المهم علشان ما اطولش عليكم

نيجى لاداء العربيه

والله والله والله اداء العربيه اختلف خالص فى الملفات وعلى السرعات العاليه وكنت متعمد ان اخد الملفات على السرعه العاليه الصراحه العربيه ممتازه جدا

ثقتى فى العربيه زادت جدا الحمد لله بفضل الله

اخوانى رجاء من الجميع اللى عربيته مفيهاش عمود الاتزان ياريت يركبه ضرورى ن


وربنا يستر على الجميع دمتم فى حفظ الله وامنه

أولا عمود الأتزان اللى هوه مركبهولك عمود اللوجان يعنى اللوجان لسه ما نزلهاش قطع غيار بهذا الشكل المتخصص يعنى مثلا ممكن تلاقى فوانيس بره التوكيل قطع غيار ميكانيكية زى طرمبة ميه يعنى أى حاجة من الحاجات دى مساعدين مثلا و حاجه تانيه برضه مانزلهاش كتير قطع غيار أستيراد يعنى ممكن تلاقى حاجات كتير لكن عمود الأتزان نادر شوية و ده ينقلنا للنقطة اللى بعدها هل عمود الأتزان اللى ركب ف عربيتك بتاع اللوجان و ألا بتاع عربية تانية غير اللوجان يعنى مثلا كليو او ميجان 1
ثانيا زمايلنا هنا فى المنتدى قالوا أن مقصات المانيوال أتخن من مقصات الأوتوماتيك يعنى أنا لو ركبته ممكن يعمل أختلال نسبى فى حاجة تانية ويبقى الحل أن أنا أغير المقصات معنى كده أنى حأغير فى تصميم العربية وده مش كويس و محتاجين حد خبرة يقوللنا كلامى صح و ألا غلط
ثالثا التوكيل عمره ما حيركبه لأى عربية مانيوال ما فيهاش عمود الأتزان علشان ميبقاش أسمه منزل عربية ناقصة حاجة أساسية و يضرب سمعة العربية فى السوق و أتحدى أى حد أنه يركبه جوه التوكيل و الدليل على كده أن الأول كنت بتسمع رقم 2200 جنيه و بعدين بقوا 3000 و بعدين لو حد قاللهم أنا مستعد أدفع اى رقم أنتوا تقولوا عليه حيقوللك عربيتك ما فيهاش مشكلة علشان كدده أنت مش محتاج تركبلها عمود الأتزان (تجربة شخصية )
رابعا بعد ما أ نا كنت متوتر من عمود الأتزان عرفت ان نيسان ex ( والله أعلم فى عربيات تانية زيها و ألا لأ)ما فيهاش عمود الأتزان و ما حدش عمل القلق ده كله اللى هو حقنا
خامسا بعتنا للشركة فى فرنسا أن حد يقول حاجة ماحدش و صل لحاجة
سادسا العربية نازلة كده خلاص مش حنغير فى تصميم العربية الميكانيكى لأن ده خطر ألا لو التوكيل ركبه
سابعا الحل أن علشان نحسن من أداء العربية شوية أن أحنا نغير الكاوتش بنوع كويس و ما نستخسرش أن شا الله حت نجيب أحسن نوع كاوتش
ثامنا حضرتك قولت أن تمنه 1700 و ألا 700 و لو تمنها 1700 ده كده أحنا قربنا علىى الرقم بتاع التوكيل أذا كان التوكيل حيركبه من أساسه و شكرا