الموضوع: جميع النقاط المستخبية في القانون عشان تحافظ علي رخصك

المشاركة الأصلية كتبت بواسطة mohamed Abd El Shafy

مش من حق اى فرد انه يقولك افتح شنطة العربية ويشوف فيها ايه
لازم ازن نيابة الاول
مش من حق حد يركب معاك او يدخل العربية
لازم ازن نيابة
تفتيش العربية لازم ازن نيابة
زيها زى البيت
عشان كدا لما تدخل لجنة ارفع كل الازازز واقفل السنتر ماعاد الزجاج الخاص بيك فقط عشان محدش يرميلك حشيش او مخدرات
وخلى بالك ( بتحصل كتيير مش هزار ) عشان يدفعك 500 جنية وينفضك زى الباشا عشان تهرب من المصيبة دى

السلام عليكم ورحمة الله وبركاته

شكرا جدا على هذه النصائح الغاليه جدا

طيب كلام حضرتك سليم لكنى بلاحظ ان فيه بعض الاكمنه على الطرق السريعه واحيانا مداخل المدن مثل الشروق والقاهره ممكن جدا تلاقى ضباط مباحث او غيرهم ( معرفش جنسهم ايه ! ) بيوقفوا العربيه وبيبصوا عليها من بره وجوه وممكن يفتشوها ويفتشوك كمان وممعهمش ولا اذن ولا حاجه وكمان بيحصل كده مع ناس محترمه كتير ( دكتور ومهندس وغيرهم )
وبعدين حضرتك دول بيوقفوا ناس شكلها غريب دول بس يقولولك انزل من العربيه - هتنزل جرى ولا حتى هتقدر تتكلم ولا تقول اذن نيابه ولا احزنون

وبعدين لو حد رمالك حاجه من الزجاج الى جانبك وقالك افتح العربيه هتعمل ايه ؟ هتقول ده هو الى رماهالى ؟ (طب مهمه عارفين ) طب ما انت كده تعتبر بتكدب علشان تهرب من فعلتك !
وممكن ترفض ساعتها انك تفتح الباب بس برده هيحجزوك ويجبولك اذن نيابه وتلبس برده القضيه ! لان حضرتك متقدرش تسيب الكمين وتمش ( يعنى بتهرب من الكمين )

للاسف الشديد الموضوع عاوز نظام جديد لاسلوب معاملة المواطنين فى الاكمنه والطرق وتقوم وزارة الداخليه بنفسها بالاعلان عن ذلك ( حول عدم احقية الضباط بتفتيش السيارات ........ وكل ما حضرتك ذكرته ) فى الاذاعه والتلفيزيون وتعطى رقم سهل لتلقى مثل هذه الشكاوى بطريقه فوريه من الموبيل عند تعرض احد المواطنين لرخامة احد الضباط او افراد الامن وتتم مخاطبة هذا الضابط فورا من قياداته بالاداره
وبهذا الشكل لا اعتقد ان اى ضابط او امين سيعرض نفسه للمخالفه مهما كانت مصلحته

وبالمناسبه الوزاره عمات كده واعلنت فى الراديو بالامس كل كام دقيقه ان وزاره الداخليه ترجو من المواطنين ان لا يسلموا رخصهم او اموال المخالفات الا للضباط فقط ولا يسلموها للامين او العسكرى
كل الناس الى سمعت كده وانا منهم حسينا ( وللمره الاولى ) ان وزاره الداخليه همها الناس مش الفلوس كما اعتقد البعض عند صدور القانون المرورى الجديد
يا ريت الوزاره تعمل حملات توعيه للمواطنين زى كده وخاصة فى موضوع مثل تفتيش السيارات وخلافه علشان ده بيعتبر تحزير لكل من تسول له نفسه ان يفعل ذلك وايضا بتدى شعور للمواطنين بالامان واننا حقا فى دوله تحترم القانون وتطبقه وهدفها الرئيسى هو حماية المواطن وفرض القانون
بصراحه انا اول مسمعت اعلان الوزاره فى الراديو بالامس حسيت اننا مواطن مصرى حكومتى مدلعانى وخايفه عليه وبتحزرنى من افراد الامن معدومى الضمير يعنى من الاخر لاول مره احس ان مش هدفهم الفلوس ولكن هدفهم هو تطبيق القانون وحماية المواطنين من استغلال معدومى الضمير وياريت الموضوع ده يتكرر فى حجات تانيه كتير

تحياتى وتقديرى

ملاحظة حتي لو القي شيء ما في السيارة وقمت انت بالقاءة من السيارة فليس لمأمور الضبط القضائي وهو ما يمثله ظابط الشرطه في كمين المرور ان يقوم بفض اللفافه وانما عليه اذا ما شك بها ان يقوم بتحريز اللفافه وعمل محضر ويحال للنيابه ليفض الحرز بواسطه النيابه ويفحص باذن النيابه .
للضابط عامه الحق في تفتيش السيارة تفتيش وقائي اي ظاهري اي النظرة العامه علي الشنطه او في الكبوت او في الصالون او اسفل السيارة وله التأكد من وجود وسائل الامان بالسيارة ولكن ليس له خلع اطارات الكاوتش الداخلي او التفتيش بفك المقاعد الخلفيه او فلك جلد الكرسي او فتح ادارج التابلوة حيث ان هذه الحالات الاخيرة تفتش باذن النيابه وتحت مبرارات قويه وفي حاله التلبس بجريمه ما بالسيارة تحرز السيارة بالكامل وتفتش تحت اذن النيابه العامه .
وعامه لايحدث واقعا ان القي شخص بقطعه مخدرات في كمين مروري . فاعتقد ان هذا القول درب من الخيال.
ومن الاخر عمر ما ضابط شرطه مرور حيوقف شخص ملتزم مروريا ؛ فالاحترام يفرض نفسه دائما.

المشاركة الأصلية كتبت بواسطة MoToRiZeR

لا أكل .. ولا شرب .. ولا تدخين .. ممنوع في القانون الجديد .. ممكن تتنفس لو عايز بس بالراحة
.

هاهاهاهاهاهاهاااااااااااا اااااااااااااااااااااااه

ايوة بس مسموح تتكلم في الموبايل بالهاند فري

لكن لو حاطط الموبايل على ودنك تتسحب رخصك

وللا غيروا دي كمان