الحمد لله انك بخير
فعلا ولاد الحرام مخلوش لاولاد الحلال حاجه وفعلا انا عمرى ما بركب حد معرفهوش
وشكرا على نقلك للموضوع حتى يستفيد الكل
عرض للطباعة
الحمد لله انك بخير
فعلا ولاد الحرام مخلوش لاولاد الحلال حاجه وفعلا انا عمرى ما بركب حد معرفهوش
وشكرا على نقلك للموضوع حتى يستفيد الكل
أبويا دايما ً يقولي لو لقيت حد ممكن توصله في طريقك خده ... الناس غلابة
بس من هنا ورايح خلاص ... على البيت عدل
بس ما شاء الله عليك رد فعلك رائع ... وأحسن حاجة إن متخضتش زي ما كان هيحصل مع معظمنا
يانهار ابيض ياجماعة هي الدنيا مبقاش فيها اي امان خالص كده بجد ربنا يستر.
انا من كذا اسبوع كده كنت مروحة من الشغل وبعدين بعد ماتحركت بالعربية بربع ساعة لاقيت نفسي مشدودة شوية ومش مركزة فقلت اركن اريح شوية وبعدين اتحرك عشان مسوقش وانا متوترة كده وبعدين لاقيت 3 بنات واقفين مستنيين اي مواصلة وكل مايشاوروا لتاكسي ميرضاش انا عديت من جنبيهم وهاركن اريح شوية لاقيتهم بيقولولي لو طريقك وسط البلد تاخدينا معاكي وبيهزروا فانا اساسا وقفت عشان اريح افتكروني وقفتلهم لاقيت بنت منهم جتلي وقالتلي لو احنا في طريقك توصلينا؟ في الاول خفت كده عشان الكلام اللي الواحد بيسمعه بس قلتلهم انا مش رايحة وسط البلد بس انا هاعدي قرب حطة مترو الحلمية ممكن انزلكوا وتاخدوا المترو قالولي اوكي وركبتهم معايا ودردشنا شوية ووصلتهم لمحطة المترو وشكروني جدا والموضوع عدي عادي جدا وخلاص على قد مانا كنت خايفة في البداية الا انهم يومها بجد صعبوا عليا اوي لاني عارفة مدي المعاناه من المواصلات والتاكسيات اللي مبترضاش توصلك اي حتة ويمشوا فاضيين ويسيبوك عشان كده قلت اكسب ثواب واساعدهم وهما كانوا فعلا يستحقوا المساعدة.
بس بعد الكلام اللي الواحد بيسمعه ده هانخاف حتى نعمل الثواب بس رمضان داخل علينا ياجماعة والناس بجد بتببهدل من المواصلات في رمضان وانا رمضان اللي فات شوفت الويل وكان صعب جدا الاقي مواصلة حتى التاكسيات بقت لعنة والمشوار ابو 4 او 5 جنيه بيطلبوا فيه 7 و10 جنيه ده لو تكرم ووافق اصلا يوصلك.
مش عارفة بجد ممكن اكرر الموضوع ده تاني ولا هاخاف ولا اعمل ايه.
بجد ربنا يستر
علي فكرة بجد عجبني جدا رد فعلك وتصميمك علي انك متركبوش عربيتك
فعلا مفيش ضابط بيقولك نركب معاك عربيتك ونروح بيها علي القسم لو في حاجة فعلا بيبقي في بوكس موجود او عربية شرطة بس انت ربنا الهمك الصح وقتها.
وعجبني اكتر تصميمك انك تروح القسم وتعمل قلق وتكبر الموضوع بالشكل ده وتوصل للمأمور لولا كده كان الموضوع ممكن يتكرر كتير مع ناس تانية من غير مايعرفوا.
وبيتهيألي مفيش ضابط بيطلع الكارنيه بتاعه لوحده كده لما يوقفك بس لو حد حصل معاه الموقف ده هل هايطلب من الضابط الكارنيه بتاعه فعلا ؟ وياتري لو الضابط حقيقي فعلا مش ممكن يحس بالمهانة لما مواطن عادي يطلب منه الكارنيه ؟
مع ان ده وضع عادي جدا وطبيعي بره مصر وطبعا كلنا بنشوف المواطنين في الافلام الاجنبيه بيعاملوا الضباط ازاي وبيتكلموا معاهم بثقة وجرأة ازاي طالما مش مدانين اومحل شبهه بس احنا هنا في مصر صعب بل مستحيل نعمل كده ونكلمهم بالجرأة دي مع اننا فعلا مش مدانين ولا محل شبهه :no:
عموما ربنا يسترها معانا جميعا ويكيفنا شر الطريق بجد. :no:
الف حمدلله على سلامتك
والف شكر على توضيحك للموضوع دا عشان في ناس كتير بتخاف لما بتحصل مواجهة مع اي حد من ظباط المباحث والمخبرين
والناس النصابة اللي بتنتحل الشخصيات دي
بيتعمدو يخضوك ويمخلوكش تفكر عشان يعرف يعمل الي هوا عايزه
الحمد لله على سلامتك وعلى الهامك التصرف ده يا عالم كان ايه اللى ممكن يحصل لو كنت ركبته معاك
كتير بنسمع عن قصص وحاجات مشابه وبيكون نسبه النجاه فيها ضعيفه
المشكله انهم بيستفادوا من خوف وقلق المواطنين من الحكومه والشرطه بالذات ويدخلك بعنصر المفاجئه +جهل بعض الناس ويرتكب جريمته اذا كانت سرقه او نصب او...او...
ربنا يسترها معانا وعلينا يارب
حمد الله علي سلامتك:)
هى حصلت للشارع كمان منهم لله ربنا ياخدهم
وانا فى سنه رابعه كليه حصل موقف عمرى مش هنساه اصعب من ده بمراحل
هحكيلكم الموقف بالليل ان شاء الله
حمدا لله على سلامتك.
ربنا ينعم على بلادنا بالأمان ، ويلهمنا الصبر.
بمناسبة انك تطلب تشوف كارنيه احد افراد الشرطة ده من حقك ولما بتطلبه بجدية واصرار بيخليهم يعملولك حساب .
موقف اتعرضت له من كام يوم كنا سهرانين فى الشغل ونزلنا حوالى الساعة 3 فجرا وبركب العربية انا وزميل لى والراجل كان بيراجع الحاجات اللى فى شنطته اوراق - لاب توب - ...الخ وانا قافل زجاج العربية لاقيت واحد بيخبط على زجاج العربية نزلت الزجاج وقلتله نعم ... قالى الظابط عاوز يشوف بطايقم فقلته ظابط ايه ؟وسعادتك مين ان شأ الله ؟ قالى انا الامين فلان الفلانى والظابط الناحية التانية من الشارع فى عربية مضلمة فقلتلوه ورينى الكارنيه بتاعك فقالى هو مين اللى هيشوف اوراق مين قلتله انا هاشوف الكارنيه بتاعك فقام مطلع الكارنيه وفعلا كان امين فى مباحث القاهرة ووريناه البطاقات ورخصة العربية وعبر الشارع قاله كله مظبوط ياباشا قام الباشا نزل من عربيته وعدى الشارع وجالنا وسئل انتم ايه اللى موقفكم كده وقلتله على الموقف والامين حكاله على اننا طلبنا نشوف الكارنيه فقله من حقهم طبعا .... وبس خلاص