ربنا يستر على البلد ..... و ألف شكر لك على التنبيه ... الحمد لله على السلامة ..
عرض للطباعة
ربنا يستر على البلد ..... و ألف شكر لك على التنبيه ... الحمد لله على السلامة ..
موقف حصل معايا من كم سنه
كنت بعمل شوبنج قبل المصيف انا وقريبتى وطلعنا من المول معانا شنط كثير جدا
ركبنا تاكسى وصلت قريبتى بالتاكسى الاول وبعدين كمل على بيتنا عشان يوصلنى كانت الساعه 10 بالليل
نزلت طلعت شقتنا و بعد خمس دقايق لقيت خبط وهبد على الباب والدى كان فى الشغل ومفيش غير ماما واخواتى الصغيرين
ماما فتحت الباب لقت قدامه 3 رجاله كل واحد فيهم حيطه لوحده قالت لهم انتم مين ردوا احنا مباحث ... عاوزين ايه نفسى اقولكم ماما من الخضه بتاعه الخبط واشكالهم جالها السكر المهم قال لها عاوزين الانســــه اللى دخلت من شويه ... خير عاوزين من بنتى ايه ......... لو سمحتى ناديها
انا طلعت على الصوت طبعا اول سؤال كان
انتم مين وعاوزين ايه وبتخبطوا على الشقه كده ليه
قالوا مباحث وفيه جريمه سرقه حصلت وبنفتش المنطقه قلت لهم ورينى كارنيهات الشرطه بتاعتكم ومعاكم اذن تفتيش ...؟
طلعواااااا لى كارنيهات مباحث بصورهم ودخلت قوضى خد كل الاكياس اللى اشتريتها كانت لسا على السرير وراح فاتح الدولاب ومطلع كاميرا فيديو ديجتا ل وموبيل نوكيا فى علبته وقال دول بتوع مين قلت لك انت مالك بتوعى
راح مزعق للى معاه وقاله خدهم فى الشنط قلت له انا رايحه معاكم القسم
قالى احنا هبعت لك استدعاء
طبعا الكلام ده كله عبط فى عبط انا كنت فى رابعه كليه حقوق ساعتها وعاوزه اشوف اخر الفيلم ده
قلت لهم لا رجلى على رجلكم يلا على القسم وسيبوا الشنط دى هنا قالوا لا تعالى انتى والشنط هنروح القسم
واحنا نازلين لقيت ابن الجيران قلت له تعالى معايا ببص على العربيه بتاعه البوكس لقيتها هيواندى اكسنت طالع عينها
ركبت انا وابن الجيران والساده الظباط واحد جمبنا ورا واثنين قدام ومعاهم الاكياس اللى اخدوها من شقتنا ويلا بئه ودونى القسم طلعوا لحد اول الشارع وقالى بصى انتى بنت ناس وبلاش تدخلى اقسام هتشوفى ناس واطيه وهيقعدوكى معاهم
قلت له مش فارقه انا عاوزه ادخل القسم ومش نازله من هنا الا فى القسم
قعدوا يلفوا يلفوا فى نفس المنطقه مش راضين يروحوا ناحيه القسم خالص والدى اتصل قلت له حصلنى على القسم احنا فى الطريق
بعد ما قفلت المكالمه راح البيه راكن وقالى عشان خاطر والدك مش هنستجوبك فى لقسم وهنروحك عشان محدش يتبهدل فى الاقسام
وراح ركن على جمب وقالى انزلى انتى وجاركم قلت له ماشى هات الشنط بتاعتى راح قالى ااااه ااه قال يعنى فكرته راح مدينى الاكياس قلت له وكاميره الفيديو فين قالى ااه دى وقعت من الشنط فى الارض اتفضلى
نزلت وعلى طول ركبنا تاكسى وعلى مديريه امن الجيزه وطلبت اقابل مدير الامن الظابط النبطشى قالى انا اساعدك ايه المشكله حكيت له القصه والدنيا اتقلبت
وفى الاخير طلع الظباط دول نصابين وكارنيها ت مزوره
الحلوين راكنين جمب المول وبيمشوا وراء البنات ويقلبوهم واللى قال كده واحد سايس هناك ان فيه ظباط مباحث بيوقفوا دوريه جمب المول ووصف اشكالهم
النتيجه قلبونى فى موبيل نوكيا الحيوان خباه فى جيبه وانا معرفش انه اخده لما رجعت البيت اكتشفت انه مش موجود
يالله .......... حضرتك مفروض تصلى ركعتين شكر لله انه انقذك من الورطه دى والله الواحد فعلا مبقاش يأمن على نفسه في البلد دى.
يا حااازم انا كنت مستبيعه لان القسم قريب اوى من البيت والشارع فيه ناس بالهبل هيعملوا لنا ايه اول ما سمعوا ان والدى رايح لى على القسم اتكهربوا وانا مفهمتش الا بعد ما رجعت من المديريه
ولالالالالالاد اللذينا بقول يتهجموا على البيوت علنى كمان واللى قاهرنى الكارنيهات
على فكره لو حد فيكم اتعرض انه يسال ظابط على كارنيه ياخد الكارنيه فى ايده ويتاكد من الصوره ومن ان الصوره مش ملزوقه على كارنيه قديم
واى بنت او حتى شاب
يلاحظ ان فيه عربيه ملاحقه نصيحه يروح على القسم عدل ويشوف اخرتهم ايه
حصلت مع ناس قريبنا ..بس هي مفتحتش الباب ....قالها يبقي اكيد انتي مخبيه حاجه وخايفه تفتحي علشان كده..كلام كتيير ...زهقو ومشيو...اقتباس:
ماما فتحت الباب لقت قدامه 3 رجاله كل واحد فيهم حيطه لوحده قالت لهم انتم مين ردوا احنا مباحث
اسليب النصب كترت قوي ..انا شايف ان الاداره تعمل موضوع نجمع فيه الطرق كلها بتاعت النصب اوالغش اوالسرقه اللي ليها علاقه بالسيارات او حياتنا العاديه..اللي موجوده علي المنتدي
بخصوص موضوع التعامل مع الغرباء في الطرق السريعة سواء كانت مساعدة او توصيلة...
كنت راجع من اسكندرية بعربيتي الاونو السابقة و معايا والدتي و 2 من اخواتي البنات و في نص الطريق الكاوتش اللى ورا نام فركنت اغيره و لسوء الحظ لقيت مفتاح مسامير الكاوتش متاكل من جو يعني بيلف على الفاضى, فضلت واقف اشاور لاي عربية نص ساعة تقريبا حيث الظلام الدااااااااااامس و الصحراء القاحلة
المهم الحمد لله فجاة لقيت عربيتين ليجانزا و لانسر بيركنوا ورا بعض و ميعرفوش بعض جابولى مفتاح و ساعددوني في تغير الكاوتش و سابولي المفتاح و عشان انا مبقاش معايا اطار احتياطي فضلوا ماشين ورايا طول الطريق لحد ماوصلنا لواحد بتاع كاوتش ركنا كلنا و راحوا صحوه من النوم و كانوا عايزين يحاسبولي كمان, و برضة فضلنا ماشين مع بعض للاخر.
سالتهم ليه وقفتوا مع ان كان ممكن اكون نصاب او بلطجي جاوبوا بكل بساطة:
تكون زي ماتكون إحنا توكلنا على الله سبحانة و تعالى ووقفنا بنية عمل خير و اكيد ربنا سبحانة و تعالى هيبقى معانا
و شكرا
أنا كنت عامل موضوع قبل كده اسمه للبنات و بس و كتبت من ضمن النصائح عدم الوقوف لشخص غريب بدافع المساعدة و خفت إن بعض الزملاء في المنتدى يعترضوا عليا في النقطة دي بس بعد اللي انت قلته محدش يقف لحد خالص لا صبح و لا ليل حتى لو كان اللي سايق رجل بشنبات مش بنت زي ما قلت قبل كده
حمداً لله على سلامتك
وجزاك الله خيرا فى تحذيرنا
الحمد لله انها عدت على خير
وعلى فكرة دا كان موقف تلقائى ربنا الهمنى بيه وكنت فى اول لحظة جه فى دماغى انى اركبة
بس سبحان الله لقيت تصرفاتى لوحدها كانى مش مسيطر عليها لقيتنى برفض وبشدة ركوبة ونزلت من السيارة وقفلتها ونزلت خارج السيارة
يمكن عشان كنت بوصل ناس كتيير فى طريقى على الطريق الدائرى ربنا الهمنى التصرف دا
الموضوع بتاع الناس اللى دخلوا الشقة دا افظع بكتيير اوى
بس الحمد لله ان ربنا بردة الهمك تاخدى جارك معاكى وربنا سخرة فى طريقك وانت نازلة من المنزل
ربنا سترها لو كنتى لوحدك معاهم فى السيارة كان ممكن تكون مشكلة
الحمد لله ربنا نجاكى