ؤينو كليو لمبة الايمبيوليز وحاجة جديدة من يومين

**ahmedfouad** · 21-04-2013 01:57 PM

السلام عليلكم يا وحوش ..
من كام يوم كدة ظهر حاجة جديدة انى لما احط المفتاح فى الكونتاكا وافتحه الاقى لمبة اليمبيوليزر الحمراء بتومض بسرعة بصورة متقطعة ولما ادور العربية مش بتدور
لما بحاول كذا مرة بلاقى العربية دارت
حد يعرف ايه ده ؟
وبقدم الشكر مقدماً

**benmatar** · 21-04-2013 04:07 PM

ده العادي إن الإيموبلايزر بيتعرف على تشفير المفتاح، طالما العربية دارت عادي والحمد لله واللمبة طفت يبقى خلاص الأمر طبيعي. معانا كليو بتعمل كده برضه ولما المفتاح الاحتياطي باظ جربت اشغلها بيه مادارتش والللمبة بتفضل منورة.

**ahmedfouad** · 21-04-2013 06:20 PM

المشاركة الأصلية كتبت بواسطة benmatar

ده العادي إن الإيموبلايزر بيتعرف على تشفير المفتاح، طالما العربية دارت عادي والحمد لله واللمبة طفت يبقى خلاص الأمر طبيعي. معانا كليو بتعمل كده برضه ولما المفتاح الاحتياطي باظ جربت اشغلها بيه مادارتش والللمبة بتفضل منورة.

الف شكر لحضرتك طبعاً بس يا باشا بقولك الموضوع ده حصل من يومين بس ومش على طول بيحصل .. يبقى عادى ازاى ؟

**ramy_gamal** · 21-04-2013 10:29 PM

لا معتقدش انه عادى المفروض مترعش وانت بتدور ... هل المفتاح وقع منك مثلا او اتخبط فى حاجه جامدة؟
جرب المفتاح التانى وشوف الفرق وقلنا

**ahmedfouad** · 22-04-2013 12:58 AM

هجرب واقزلك

**Amr_Moh** · 22-04-2013 02:20 AM

المشاركة الأصلية كتبت بواسطة r_gamal1

لا معتقدش انه عادى المفروض مترعش وانت بتدور ... هل المفتاح وقع منك مثلا او اتخبط فى حاجه جامدة؟
جرب المفتاح التانى وشوف الفرق وقلنا

+١١١١١

**sammor_28** · 23-04-2013 04:14 AM

في شريحه جوه المفتاح فك الغطاء ونظفها وثبتها في مكانها تاني كويس واقفل الغطاء وان شاء الله هتبقى تمام

**wael-mohamed** · 23-04-2013 12:30 PM

بص يا باشا لو العربية 1400 الكاملة مانيوال او اتوماتك في بطارية في المفتاح ولو العربية مدرتش واللمبة فضلت ترعش وتنور وتطفي بسرعة يبقى البطارية عايزة تتغير , اما لو كانت 1200 عادية يبقى الشريحة الي في المفتاح مش في مكانها وده حله انك تشيل غطا المفتاح هتلاقي الشريحة موجودة لونها اسود مصمته وموجودة بين ريشتين بلاستك لو طلعة بره الريشتين رجعها تاني وثبتها كويس ولو مكسورة هنحتاج تغير المفتاح وده غالي في التوكيل بس لو رحت لاي حد بتاع مفاتيح مشفرة هيعملو بسهولة وهيركبك وحدة تانية على نفس المفتاح ويبرمجها كمان والسعر مش كتير اعتقد من 50 ال 100 جنيه على حد علمي وفي واحد في عمارات الفاروقية في اخر جسر السويس بيعملوا وانت واقف
يا رب اكون افدتك

**ahmedfouad** · 23-04-2013 03:08 PM

المشاركة الأصلية كتبت بواسطة wael-mohamed

بص يا باشا لو العربية 1400 الكاملة مانيوال او اتوماتك في بطارية في المفتاح ولو العربية مدرتش واللمبة فضلت ترعش وتنور وتطفي بسرعة يبقى البطارية عايزة تتغير , اما لو كانت 1200 عادية يبقى الشريحة الي في المفتاح مش في مكانها وده حله انك تشيل غطا المفتاح هتلاقي الشريحة موجودة لونها اسود مصمته وموجودة بين ريشتين بلاستك لو طلعة بره الريشتين رجعها تاني وثبتها كويس ولو مكسورة هنحتاج تغير المفتاح وده غالي في التوكيل بس لو رحت لاي حد بتاع مفاتيح مشفرة هيعملو بسهولة وهيركبك وحدة تانية على نفس المفتاح ويبرمجها كمان والسعر مش كتير اعتقد من 50 ال 100 جنيه على حد علمي وفي واحد في عمارات الفاروقية في اخر جسر السويس بيعملوا وانت واقف
يا رب اكون افدتك

فعلاً الفحمة كانت سايبة فعلاً والحمد لله عملتها وثبتها فى مكانها .. مش عارف اشكركم ازاى
شكراً لكل الناس اللى ردت

**medohai510** · 23-04-2013 09:52 PM

عاش وحوش الرينو

الموضوع: ؤينو كليو لمبة الايمبيوليز وحاجة جديدة من يومين

LinkBack

أدوات الموضوع

عرض

ؤينو كليو لمبة الايمبيوليز وحاجة جديدة من يومين - انشر الموضوع فى :

-

-

-

-

-

-

-

المواضيع المتشابهه

لمبة التشيك وحاجة غريبة

محضر غش فى اول يوم الثانوية العامة ... وحاجة تضحك ....

لسة واصل من مطروح وحاجة غريبة؟

راى غريب وحاجة أغرب ؟؟؟

اوبل كورسا وحاجة غريبة فى عداد ال rbm

الكلمات الدلالية لهذا الموضوع

المفضلات

المفضلات

ضوابط المشاركة