تغيير مقاس الكاوتش لمقاس أكبر - التأثير- ثبات و إرتفاع و فرامل

السلام عليكم
محدش يضربني وخصوصا محمد ممدوح لأني فعلا بفكر معاكم في مدي تأثير الكلام اللي هقوله لأنه هيفيدنا جدااااااااااا
لو خلينا إرتفاع الكاوتش أعلي1-2 سم - مفيد / مضر
أكيد هيأثر علي قرائة العداد...بس السؤال الأهم:

1- هل يأثر علي الثبات لدرجة ملحوظة؟
2- هل هيحل مشكلة المطبات والإنخفاض الملحوظ للعربية؟
3- هل هيحسن الإحساس بالمطبات؟

دي صورة فروق المقاسات اللي أنا وصلت إنها الأقرب لفكرتي وهتدينا أفضل حلول

http://nileup.com/up/uploads/nilemotors_13665472891.jpg

اللي يهمنا اللي حوليه مربع أصفر وأحمر
مربع أصفر:
overall diameter: وده قطر الكاوتش+الجنط ونقدر نقسمه علي 2 يدينا نصف القطر ونطرحه من نصف القطر الأصلي يدينا الفرق اللي أنا كاتبه تحت كل مقاس
sidewall: دي المسافة من شفة الجنط للأرض وانا كاتب الفرق عن الأصلي
ودي المقاسات الأصلية للمقارنة

http://nileup.com/up/uploads/nilemotors_13665470621.jpg

ايه الفايدة اللي أنا شايفها ونتناقش فيها:
1- total diameter هيزيد وبالتالي هيرفع العربية اما 1 سم او 2 سم وتاثيره علي الثبات مش كبير أوي وخصوصا لو راكب في العربية أكتر من واحد وهيرفع العربية عن المطبات
2- sidewall هيكون قريب جدا من المقاس الأصلي بالتالي مفيش تأثير في الإحساس بالمطبات والنشوفية علي الطريق
3- كاوتش أعرض وبالتالي ثبات وفرامل أحسن

ايه العيوب - للمناقشة:
1- ارتفاع مركز ثقل العربية عن الأرض بس مش كبير أوي(كبيره 2 سم) بس لو محمل هيكون ميزة
2- وزن الكاوتش والجنط ممكن يكون أكبر من الأصلي بسيط بس لو دورت علي جنط خفيف يبقي لغيت العيب ده
3- قراءة العداد وسهل يتحفظ الفرق

بمراعاة إن الطريقة دي أحسن بكتير من العلايات لأن العلايات بتخلي المساعد ميمشيش كامل مشاوره وبكده إنت لعبت في نظام التعليق...لأن أصلا المساعد له مجال محدد للحركة لضمان تعليق فعال + إنك رفعت مركز الثقل 4 سم ارتفاع العلاية
لكن في الطريقة دي رفعت بس مركز الثقل مثلا 2 سم اللي هو اصلا ممكن ينزل تاني لو محمل العربية بسيط فبيلغي التعلية دي بس مجتش جنب نظام التعليق

تعليقاتكم بقي وتحليلكم

جزاك الله خيرا
منتظر راى اساتذتنا ومناقشاتهم

ميزه رقم 4 :
كل مايكون ال side wall أقل بيكون أكثر أمانا في حالة انفجار الأطار لا قدر الله لأن تأثير أختلال التوازن المفاجيء بيكون أقل عنفا

معلش ممكن تقوللى مين العبقرى اللى قالك ان فرق 2 سنتى فى ارتفاع العربية مش كبير؟؟؟؟؟؟؟؟؟

خش اتفرج على السوست السبور هتلاقى انها بتوطى العربية 3 الى 3.5 سنتى يعنى انت بتتكلم فى تلتين المسافة دى... اذا كانت السوست دى بتحول اداء العربية لما تخفض ارتفاعها 3 سنتى يبقى لما نرفعها 2 سنتى هيحصل ايييييه؟

اضافة لكدة مفيش حاجة اسمها تحفظ الفرق فى قراية العداد لان الفرق مش رقم ثابت... كل ما زادت السرعة كل ما الفرق هيزيد

خد بالك كمان ان تركيب عجل اكبر من اللى فى العربية بيقلل من تسارع العربية يعنى السحب هيقل

MMamdouh

احب اتكلم عن تجربة شخصية ,
انا أول ما اشتريت العربية كنت بحس بالمطبات علشان كده عملت علايات (قطعة كاوتش 1سم) للمساعدين الخلفي ,
و بعد كده غيرت الكاوتش من مقاس 175/70/13 الي مقاس 185/65/14 رغم اني عارف ان المفروض يبقى 185/60/14 لكن لقيت الجنوط بالكاوتش بتعاهم بالمقاس ده فقلت اجرب و اشوف ,
المهم احساسي بالمطبات اختلف تماماً و بالنسبة للثبات ,
انا مش بمشي بسرعة عالية و لكن جربت على 120 مع ملف ولقيت الثبات كويس.

السير فى خط مستقيم مش مقياس للثبات... تعالى نجرب فى منزل المقطم

MMamdouh

اقتباس:

---

المشاركة الأصلية كتبت بواسطة MMamdouh

معلش ممكن تقوللى مين العبقرى اللى قالك ان فرق 2 سنتى فى ارتفاع العربية مش كبير؟؟؟؟؟؟؟؟؟

خش اتفرج على السوست السبور هتلاقى انها بتوطى العربية 3 الى 3.5 سنتى يعنى انت بتتكلم فى تلتين المسافة دى... اذا كانت السوست دى بتحول اداء العربية لما تخفض ارتفاعها 3 سنتى يبقى لما نرفعها 2 سنتى هيحصل ايييييه؟

MMamdouh

---

مفيش غيري العبقري ....هههههه...كنت بفكر إن 2 او 1 سم مش هيفرقوا كتير وخصوصا إني ملعبتش في التعليق..

اقتباس:

---

اضافة لكدة مفيش حاجة اسمها تحفظ الفرق فى قراية العداد لان الفرق مش رقم ثابت... كل ما زادت السرعة كل ما الفرق هيزيد

---

عندك حق ... دي مخدتش بالي منها...نسبة مئوية مش رقم ثابت وبالتالي كل ما السرعة بتزيد..قيمة النسبة منها بتزيد

اقتباس:

---

خد بالك كمان ان تركيب عجل اكبر من اللى فى العربية بيقلل من تسارع العربية يعنى السحب هيقل

---

إزاي بقي السحب يقل؟..فهمني دي

اقتباس:

---

المشاركة الأصلية كتبت بواسطة Akram

احب اتكلم عن تجربة شخصية ,
انا أول ما اشتريت العربية كنت بحس بالمطبات علشان كده عملت علايات (قطعة كاوتش 1سم) للمساعدين الخلفي ,
و بعد كده غيرت الكاوتش من مقاس 175/70/13 الي مقاس 185/65/14 رغم اني عارف ان المفروض يبقى 185/60/14 لكن لقيت الجنوط بالكاوتش بتعاهم بالمقاس ده فقلت اجرب و اشوف ,
المهم احساسي بالمطبات اختلف تماماً و بالنسبة للثبات ,
انا مش بمشي بسرعة عالية و لكن جربت على 120 مع ملف ولقيت الثبات كويس.

---

يعني فرق 1 سم بس في الارتفاع و sidewall قريب جدا من الأصلي
معقول ال 1 سم ده فرق معاك في المطبات كدا ؟
فيه أي مشكلة من حك العجل في الرفرف أو غيره ؟
جنوطك ايه - سبور/حديد ؟
انت غيرت مقاس الكاوتش والعلايات لسه راكبة ؟

اقتباس:

---

المشاركة الأصلية كتبت بواسطة MMamdouh

السير فى خط مستقيم مش مقياس للثبات... تعالى نجرب فى منزل المقطم

MMamdouh

---

أيوة..هو ده الكلام.. التجربة خير دليل
عايزين نجرب عربيتين بنفس عرض الكاوتش ونفس الجنوط (ولتكن الاتنين الحديد) ونفس العفشة...والاختلاف الوحيد يكون إرتفاع العجل
واكيد طبعا متقارنش بعربيتك يا ممدوح باشا لأن عربيتك علي ما افتكر أوطي شوية من عربياتنا وكمان كاوتشك أعرض وجنوطك كمان سبور

يبقي عايزين عربية أكرم مع أي عربية ستوك
ولو أكرم مغير لجنوط سبور يبقي بردو التجربة متقاربة لأن لو الجنوط الأسبور حسنت في الثبات مع الإرتفاع 1 سم يبقي كدا حلينا تاثير الارتفاع علي الثبات

اقتباس:

---

المشاركة الأصلية كتبت بواسطة swimmer25

مفيش غيري العبقري ....هههههه...كنت بفكر إن 2 او 1 سم مش هيفرقوا كتير وخصوصا إني ملعبتش في التعليق..

---

ألسنتى بيفرق يا باشا و زى ما وضحتلك السوست السبور بتاعب فى 3 سنتى اساسا

صحيح انت ملعبتش فى التعليق بس الثبات مش معتمد على نظام التعليق لوحدة... فية عناصر تانية من اهمها ارتفاع مركز الثقل بيفرقوا فى ثبات العربية

اقتباس:

---

إزاي بقي السحب يقل؟..فهمني دي

---

كل ما القطر الخارجى للعجلة كبر كل ما كان مطلوب انك تمشى مسافة اكبر عشان تلف بالعجلة لفة كامة و بالتالى دة هياخد وقت اطول عشان يتم و العكس بالعكس

لو لاحظت هتلاقى العربيات السوزوكى التمن نقل بتتسارع كويس جدا بالرغم من ان موتورها مش قوى للدرجة... دة عشان العجل قطرة صغير فا التسارع بيبقى قوى لكن طبعا متطلبش منها سرعة قصوى خالص

MMamdouh

انا كنت شارى عربيتى فيها كاوتش 195---60---14
ومكنتش حاسس باى مشاكل فى الثبات نهائى بالعكس كانت ممتازة جدا فى الملفات عن المقاس 185--60--14 الى غيرته بعد كدة لانه المقاس الصح

اقتباس:

---

المشاركة الأصلية كتبت بواسطة lanos2004

انا كنت شارى عربيتى فيها كاوتش 195---60---14
ومكنتش حاسس باى مشاكل فى الثبات نهائى بالعكس كانت ممتازة جدا فى الملفات عن المقاس 185--60--14 الى غيرته بعد كدة لانه المقاس الصح

---

أنا معملتش حساب المقاس ده لأنه مش هيفرق كتير عن الأصلي..طيب غيرته ليه مع إنه في الحدود المسموح بيها (أقل من 3%)
http://nileup.com/up/uploads/nilemotors_13667342801.jpg

إنت كده هتخليني أفكر فيه لأنه قريب أوي وميزته إنه عريض علي جنط 14 وفرق 5 ملم بس في ال sidewall
نوع الكاوتش ده كان ايه لان المقاس ده أكيد قليل أوي..؟

اقتباس:

---

المشاركة الأصلية كتبت بواسطة swimmer25

أنا معملتش حساب المقاس ده لأنه مش هيفرق كتير عن الأصلي..طيب غيرته ليه مع إنه في الحدود المسموح بيها (أقل من 3%)
http://nileup.com/up/uploads/nilemotors_13667342801.jpg

إنت كده هتخليني أفكر فيه لأنه قريب أوي وميزته إنه عريض علي جنط 14 وفرق 5 ملم بس في ال sidewall
نوع الكاوتش ده كان ايه لان المقاس ده أكيد قليل أوي..؟

---

الاستبن لسه نفس المقاس القديم اعتقد كان هانكوك هبقه ابص عليه

اقتباس:

---

المشاركة الأصلية كتبت بواسطة lanos2004

الاستبن لسه نفس المقاس القديم اعتقد كان هانكوك هبقه ابص عليه

---

فيه هانكوك فعلا علي السايت ده وكمان كومهو وميشلان..حلو أوي
Tire Search Results

ده يركب علي جنط 14 عرضه كام ؟ 6 أقل حاجة ؟

@محمد ممدوح
ايه رأيك في كتالوج الياريس
في المانيوال...مقاسين للكاوتش
175/65/R14
185/60/R15

أدي الصورة

http://nileup.com/up/uploads/nilemotors_13675335241.jpg

ودي مقارنة بينهم وانا مزود فيها في الأخر مقاس 185/65/R14 لأني عايز أجيب المقاس ده للياريس عشان أعرض ولقيت إنه فرقه أقل من فرق المقاس التاني ال R15

http://nileup.com/up/uploads/nilemotors_13675335242.jpg

رأيك ايه يا كبير؟ دي المقاسات الأصلية لنفس العربية

إلنترا..فرق مقاسات في الأصلي:
http://www.nilemotors.net/Nile/352451-15-60-205-hd.html

اقتباس:

---

مقاس الكاوتش اللي نزلت بيه 15-65-185
وبره نزلت بالمقاس 15-65-195

---

فرق 6.5 ملم

طيب سؤال مهم
لو الفردة مريحة شويه مش بتعمل فرق 1 سم

عشان خاطر محمد ممدوح...جبتلكو مقاس جديد للكاوتش عامل فرق أقل من 1 سم
وبما ان كل المواقع مجمعة علي ان الفرق في القطر يكون اقل من 3%...فالمقاس الجديد عامل فرق 2.5% بس

تعالوا نشوف كدا...
دي مقارنة من الشمال لليمين بين
1- المقاس الأصلي ال 13
2- الاصلي 14
3- الجديد 14
4- الأصلي 15
5- الجديد 15

http://nileup.com/up/uploads/nilemotors_13687743851.jpg

ها الكبير رأيه إيه ؟ تمام كدا ؟

وده الجديد ال 13>>>عشان الناس اللي مش عايزة تغير جنوط

http://nileup.com/up/uploads/nilemotors_13687758231.jpg

الفكرة إنك تثبت مقاس الجنط ونسبة الside wall وتزود عرض المداس 1 سم

أنا عملت كدا في الياريس...المقاس الأصلي في الياريس
175/65/14

وانا غيرت ل
185/65/14
ومفيش فرق في الثبات في المنحيات وعلي السرعات العالية في الطوالي لحد 140 كم/س (مجربتش أكتر من كدا)

انا مش فاهم اى حاجة...

MMamdouh

اقتباس:

---

المشاركة الأصلية كتبت بواسطة MMamdouh

انا مش فاهم اى حاجة...

MMamdouh

---

الملخص:
1-
جنط 14 لو معاه كاوتش مقاس
195/60/14
هيفرق 7 مم بس ارتفاع عن الأرض

وجنط 15 لو معاه كاوتش مقاس
205/50/15
هيفرق 5 مم بس ارتفاع عن الأرض

ودي صورة المقارنة

http://nileup.com/up/uploads/nilemotors_13687743851.jpg

2- لما قارنت بعربيات تانية زي الياريس...والالنترا....لقيت انه حتي المقاسات الأصلية المكتوبة في كتالوج العربية...فيه فرق كبير
الياريس مثلا دي مقاساتها من الكتالوج

http://nileup.com/up/uploads/nilemotors_13675335241.jpg

ودي مقارنة بين المقاسين

http://nileup.com/up/uploads/nilemotors_13689646511.jpg

يعني فيه فرق 1 سم ارتفاع بين المقاسين الاستوك

والالنترا نفس الكلام زي المشاركة دي

اقتباس:

---

المشاركة الأصلية كتبت بواسطة swimmer25

إلنترا..فرق مقاسات في الأصلي:
http://www.nilemotors.net/Nile/352451-15-60-205-hd.html

فرق 6.5 ملم

---

رأيك ايه بقي في المقاسات دي ؟ متهيألي أحسن كتير من المقاسات اللي في أول مشاركة ؟
195/60/14
205/50/15