الموضوع: هل العربيات فيها روح -ماحدش يتريق

{ أَلَمْ تَرَ أَنَّ اللَّه يُسَبِّح لَهُ مَنْ فِي السَّمَاوَات وَالْأَرْض وَالطَّيْر صَافَّات كُلّ قَدْ عَلِمَ صَلَاته وَتَسْبِيحه } صدق الله العظيم.

انا مقتنع ان اي حاجة في الدنيا من اول حبة الرمل ونقطة المية لأكبر جبل ومحيط ليهم حياة وكلام بطريقة ما, اية هي الله وأعلم! بس ربنا قال كدا .
انا ليا موقف مع عربيتي بأختصار انا بعشق عربيتي وكل اللي يعرفوني عارفين كدا كويس من اهلي لاصحابي لقرايبي, أتقلبت بيا من حولي شهر تقريبا 5 قلبات علي طريق وادي الريان في الفيوم وكان اول مرة اروح هناك ومعرفش حد في البلد دي خالص وكنت لواحدي والموبيل فاصل شحن وكانت الساعة 6 المغرب, في اخر قلبة العربية اتعدلت علي عدلتها الصح, بفضل الله العربية كملت بيا وطلعت أصيلة معايا وسوقتها لحد القاهرة روحت بيها المستشفي وبعد كدا علي البيت وبعد كدا للسمكري . العربية دي عزيزة عليا جدا ولا يمكن افكر ابيعها حاسس ان في ارتباط بطريقة ما بيني وبينها

شوف يا سيدي
اولاً ، وَيَسْأَلُونَكَ عَنِ الرُّوحِ قُلِ الرُّوحُ مِنْ أَمْرِ رَبِّي وَمَا أُوتِيتُم مِّن الْعِلْمِ إِلاَّ قَلِيلاً.
ثانياً ، تُسَبِّحُ لَهُ السَّمَاوَاتُ السَّبْعُ وَالأَرْضُ وَمَن فِيهِنَّ وَإِن مِّن [overline]شَيْءٍ[/overline]إِلاَّ يُسَبِّحُ بِحَمْدَهِ وَلَـكِن لاَّ تَفْقَهُونَ تَسْبِيحَهُمْ إِنَّهُ كَانَ حَلِيماً.

يعني
الروح من علم الله واستحاله حد يعرفها.
و ربنا خلق كل شئ ، وكل شئ يعبده ، فالسموات بتسبح ، والارض بتستبح ، وكل شئ مهما كان سواء جماد او حيوان كل ذرات الكون كلها بتسبح واعضاء جسمك نفسها يوم القيامة هتتكلم و هتشهد علينا.

ومن هنا عاوز افرق بين الكائن الحي اللى يموت والجماد

الجماد شوية ذرات خدوا شكل معين بخصائص مختلفة انت بتتحكم فيها و ربنا اذن لنا بتطويعها على مزاجنا والاستفادة بها " وألنا له الحديد".

أما الكائنات الحية ، من اسمها فهي حية والروح هي محركها وبمجرد ما تطلع منها بتموت.

الجماد مفيش حاجة اسمه مات ، ممكن تقول انه اتدمر ، ولما يتدمر ممكن يتصلح ، ولما تخبطه مثلا مش بتقول انه اتجرح لكنه بيتشكل لمنظر تاني نتيجة عامل خارجي زي الطرق او الحرارة او غيرها.

ولما بيبوظ الجماد ممكن يجرع لحالته مرة اخري بطريقة معينة تتفق مع خصائص كل جماد ، ودة لأن كل مادة لها أصل ثابت خاص بها وانت بتشكلها للى انت عاوزه بما يتلائم مع خصائصها.


وفى النهاية ، وفى نهاية الكون الكل بيفني وبيهلك ، سواء كانت كائنات حية او جمادات.

كُلُّ مَنْ عَلَيْهَا فَانٍ * وَيَبْقَى وَجْهُ رَبِّكَ ذُو الْجَلَالِ وَالْإِكْرَامِ.

كُلُّ شَيْءٍ هَالِكٌ إِلَّا وَجْهَه.

===
والله اعلم.

عربيتي برعي ١٢٨ كانتماشيه بردياتير مخروم ومفيهاش زيت وبار دريكسون ااقصر من بار و عاوزه ظبط زوايا وفراملها عيانه وكانت بتجري وتقف زي مانا عاوزها بالظبط تعمل


في رمضان خارجين نتسحر انا واصحابي وقسمنا نفسنا علي العربيات جت واحده دكبت معايا وفضلت تتريق علي العربيه من ساعه مطلعنا لحد موصلنا المكان اللي هنتسحر فيه واتسحرنا وكل تمام وده جه في نص الشارع وبطل ومنطقش


البطاريه سليمه
والمارش بيلقط وفيه بنزين والبوجيهات سليمه وده حالف ماينطق ولا يدور جبت ونش وروحته علي ونش وبيت جنبه للصبح وكلفني فوق ال٥٠٠ جنيه ونش وطلع في الاخر خرطوم البنزين متني

ولوحبيت ابيعه عطلمني ومن المشتري و شداد الموتور اتكسر وقاعده الموتور اتكسرت فر ذات نفس الوقت


لا بيحسو فعلا مش تهريج يعني عمره معمل معايا اي دقه نداله وانا لوخدي مع اني كنت معذبه