محتار اوي لانسر بومة ولا صني الشكل الجديد

**kazamodia** · 22-04-2013 02:55 PM

السلام عليكم

دلوقتي انا في حيرة انا كنت قررت خلاص هجيب اللانسر هاف سبورت وكان سعرها 137 وفوجئت دلوقتي ان سعرها بقا 139 .. ومش بس كده دي مش موجودة كمان في السوق وقلبت عليها المعارض مش لاقيها .. فكرت في الفئة الاعلى ام فتحة سقف ب 142 وبرضة مش لاقيها وناقصة واللي يقولي استنى شهر والي يقولي اسبوع وانا بصراحة زهقت جدا بقالي شهر عايز اجيب عربية والوضوع مش راضي يمشي

فكرت بقا في الصني الشكل الجديد لكن سمعت ان فيها مشاكل بس بصراحة في فرق سعر 30 الف وده فرق كبير بالاضافة لان العربية فيها كماليات واوسع من اللنسر ! بس مش عارف المشاكل دي تخليني استنى احسن ولا ايه رأيكوا ؟

كله نصحني باللانسر بس سعرها مبالغ فيه اوي وشكلها قديم .. ومش عارف هل الصني في اعادة البيع كويسة ولا لأ ؟ ومحدش يقولي الشكل القديم لان الواحد بيعلى مش بيوطى

وبخصوص الثبات اي واحدة افضل ؟ والعربية هيبقى عليها تأمين يعني ميهمنيش قطع الغيار والخبطات وكده .. وهيبقى معظم استخدامها في القاهرة وسفر ممكن بسيط اوي لحد طنطا اكتر من كده مش هيحصل

انا ايز نصيحة وعايز اخلص العربية انهارده او بكره بقا

**hatem_swaf** · 22-04-2013 03:24 PM

lancer 100%

**saiedccs** · 22-04-2013 03:39 PM

أنا معايا الصنى الجديدة وكمان معايا أوبترا و الاثنين أتوماتيك
الصنى تقيلة شوية فى بداية سحبها ومش واسعة زى الأوبترا او اللانسر
العربية معابا بدون مشاكل و الحمد لله
الثبات مش مقبول بالنسبة لى
هاترتاح اكثر فى اللانسر

**ahmedteam** · 22-04-2013 04:22 PM

الانسر البومه شكل بقاله 10 سنين و مميزاتها معروفه و صيانتها سهله و اعاده بيع ممتازه بس هتدفع 142 فى عربيه شكلها قديم؟؟

الصنى لسه برضه جديده فى السوق و مهما كان محدش جاب اخرها فى البيع و الشراء

الموضوع محير فعلا ربنا يعينك

لو مصمم على البومه يبقى بلاش زيرو شوفلك حاجه كسر زيرو يبقى و فرت مبلغ محترم خليه تحت حساب الصيانه او التجنيط او اى تعديلات نفسك فيها

راى شخصى ادام وصلت لرنج ال 140 يبقى خليك فى الاوكتافيا او كارينز كسر زيرو او جيتا

و فى جميع الاحوال لا تنسى الاستخاره

**S O P H O S** · 22-04-2013 04:46 PM

لانسر
كرأي فقط

**kazamodia** · 22-04-2013 05:28 PM

المشاركة الأصلية كتبت بواسطة hatem_swaf

lancer 100%

شكرا على رأيك

المشاركة الأصلية كتبت بواسطة saiedccs

أنا معايا الصنى الجديدة وكمان معايا أوبترا و الاثنين أتوماتيك
الصنى تقيلة شوية فى بداية سحبها ومش واسعة زى الأوبترا او اللانسر
العربية معابا بدون مشاكل و الحمد لله
الثبات مش مقبول بالنسبة لى
هاترتاح اكثر فى اللانسر

انا كنت ميال للصني في الاول لكن كل الناس قالوا لي اللانسر احسن ولما ركبت الاتنين فعلا لاقيت اللانسر اريح ... وزي ما بتقول حتى منظر الصني ميوحيش بالثبات وصاجها ورق .. شكرا لى مشاركتك

المشاركة الأصلية كتبت بواسطة ahmedteam

الانسر البومه شكل بقاله 10 سنين و مميزاتها معروفه و صيانتها سهله و اعاده بيع ممتازه بس هتدفع 142 فى عربيه شكلها قديم؟؟

الصنى لسه برضه جديده فى السوق و مهما كان محدش جاب اخرها فى البيع و الشراء

الموضوع محير فعلا ربنا يعينك

لو مصمم على البومه يبقى بلاش زيرو شوفلك حاجه كسر زيرو يبقى و فرت مبلغ محترم خليه تحت حساب الصيانه او التجنيط او اى تعديلات نفسك فيها

راى شخصى ادام وصلت لرنج ال 140 يبقى خليك فى الاوكتافيا او كارينز كسر زيرو او جيتا

و فى جميع الاحوال لا تنسى الاستخاره

ايوا منا كنت اقصد كده شكلها قديم قوي لكن عربية عملية .. وبعدين انا مش عايز مستعمل مهما كان لاني معنديش خبرة اوي في التصليح والكلام ده وحتى معنديش رخصة هطلعها يوم مرخص العربية ان شاء الله

فمش عايز وجع دماغ يطلع فيها عيب ولا حاجة
الاوكتافيا والجيتا نفسي فيهم بس غاليين اوي

**monamize4** · 22-04-2013 07:07 PM

no way , مفيش مقارنة اساسا

اللانسر عربية A-1
و بالنسبة للشكل فا اللانسر و السيفيك اكتر عربيات tunable سواء ال shape او performance ثم ان اساسا الصنى الجديد شكلها $%^&
spare parts شوية و ههتباع ف السوبر ماركت
اللانسر value pricing اوى و كل قرش هتدفعه مش هيضيع لان ال resell عالى بمعنى انك لو حبيت تبيع العربية بكرة هتبيع و بالسعر اللى يريحك عكس الصنى الجديدة اللى لحد دلؤقتى مقدرتش تحقق نفس سمعة ال shape اللى فات

**M I D O** · 22-04-2013 07:32 PM

طيب متخليهم 142 وتجيب الشيفورلية كروز فيس لفت الجديدة عربية روعة وثبات طبعا محدش يقدر يتكلم علية نص كلمة لاكن لو عاوز لانسر او صني يبقي 100% لانسر وسيبك من الصني دي الي انا حاسس ان شكلها راكب غلط معا احترامي لملاكها