الموضوع: ادوا الامانات الي اهلها - بس لما يبقي عينك في الامانه ملعون ابو اهلها

المشاركة الأصلية كتبت بواسطة gamal2000

تصدق ياباشا الموضوع ده استفزنى جدا جدا وحاسس كأنه حصل معايا شخصيا لدرجة انى قاعد مولع من الموقف ده بقولك لو شوفته او كلمته اشكورله واشكور لاهله كلهم بأسم شعب مصر المحترم والمحترم بس وياباشا انا فى السعودية ولو عايز اى حاجة ابعتلى رسالة على الخاص وهيوصلك لحد البيت اللى انت عايزه والله بتكلم بجد مش مجرد عزومة اى حد عايز حاجة يقول بس وعنيا ليه

هههههههههههه
ربنا يعزك يا باشا
تخيل انا قعدت كام يوم مولع لدرجه اني شكيت في نفسي والله
ومتحرمش منك ولا من واجباتك
طلبي لما تيجي من السعوديه اقابلك واتشرف بمعرفتك

المشاركة الأصلية كتبت بواسطة nona_yaris

والله ممكن فعلا ليه لأ
ممكن يكون الموبايل ضاع او اتسرق او وقع اتكسر او حد من ولاده بوظه او ماشابه
والراجل محرج لو قال كده صاحبه مايرضاش ياخد عوض قام اخترع القصة دي وجبها في نفسه علشان هو يتحمل تمن الجهاز من غير صاحبه ما يبقي محرج
الله اعلم
ساعات بيبقي الانسان متصور حاجة وتلاقي الحقيقة حاجة تانية خالص ولا تخطر على باله
ان شاء الله يجيلك موبايل احسن منه 100 مرة يا استاذ شنوري

والله يا افندم لو كان ضيعه ولا كسره كان قال لصاحبه
لان صاحبه حينزل بعده باسبوع يعني كمان يومين تقريبا
فانا مش ملتمسله اي عذر
بس انا عاوز اشوفه
لو حسيت من جوايا انه حد محترم ومراته اثرت عليه انا مستعد اسامحه
او ادفعه فديه ههههههه
وفعلا عمري ما فرق معايا موبايلات
انا لحد وقت قريب كنت شايل موبايل من غير كاميرا وعندي الدرج مليان موبايلات مش بستعملها
بس قولت اعمل تغيير شويه