جبت عدة الصوت وحاسس اني اتضحك

**islamnasser10** · 23-04-2013 12:04 AM

نزلت النهاردة محل كلاريون توكيل كينوود اجيب سماعات كينوود 400 وات
وكنت ناوي اجيب كاسيت وسماعات ابواب سوني بس الراجل اقنعني بكاسيت كينوود وسماعات ابواب بلوبانكت 155 وات علي سماعات كينوود بيضاوي 400 وات ورا
اشتريتهم ب 1350 وحاسس اني اتضحك عليا في السعر طبعا
المهم اشغل الطقم واسمع
اول ملاحظة سماعتين الابواب ملهمش اي تلاتين لازمة ضعاف جدا قصاد السماعتين اللي ورا ولا حاسس بسراوند ولا يحزنون لو فصلتهم محدش هيحس وتمنهم 150 جنيه
تاني ملاحظة الكاسيت(تمنه 650 جنيه) ضعيف علي السماعات عايز كاسيت اقوي او يركب جي ام
بس صحبي عنده نفس السماعات علي الكاسيت السوني وطالع منه احلي بيز
انا مش لاقي بيز خاااالص وحاولت كتير مع تظبيط الصوت من الكاسيت حاسس ان الكاسيت بيعاني مع السماعات
الكينوود ال 400 وات سعرهم 550 قالي عليهم طلب وبتاع وفيه 500 وات ارخص منهم
علشان مطولش عليكوا ينفع ارجع الكاسيت ده علشان عايز كاسيت سوني زي بتاع صاحبي ولا النظام ماشي ازاي في مصر بالنسبة للترجيع مع العلم اني شاري من توكيل وهستعوض ربنا في السماعتين الامامي البلو بانكت مالهمش اي لازمة
ده لينك فيه مواصفات الكاسيت ياريت حد يفيدني باي حاجة عنه
Kenwood - KDC-3357URM

**Mohamed Elnagar** · 23-04-2013 12:21 AM

الصراحه توكيل كلاريون بتاع احمد عرابي عايز الحرق هو والناس اللي شغاله فيه تحس انهم مملين واكنك شغال عندهم وبرود اعصاب متناهي وبالذات المدير بتاعهم حاجه بجد رهيبه

بتاع سور نادي الترسانه ابرد منهم واتنح منهم ما شفتش

معلش اصل انا ساكن في ميدان لبنان ودايما كنت بروح اجرب المحلات دي علشان اظبط الصوتيات عندي ففمفقوع منهم علي الاخر

لمشكله حضرتك روح عندهم وقولهم الكاسيت انا مش مرتاح ليه واقوله يا تمشيني وانا مرضي من الصوت يا تاخده وتديني فلوسي.

**aftr** · 23-04-2013 01:11 AM

انا بصراحه حصلى موقف تقريبا نفس الموقف بس كانت سامعات بايونير 400 كان من عند ارخصهم فضلو معايه شهر وكنت جايب من عندهم وحدة الصوت المهم رجعت السامعات عادى وجبت بدلهم صب كينوود وقال لو الجى ام مش عجبك وحابب تغيره اغيرو وبجد محل ارخصهم ناس تمام روح يامان عادى ممكن تبدل بموديل تانى عادى

**aw2100** · 23-04-2013 01:32 AM

خرج الكاسيت 50 وات max وده ضعيف على السماعات ال 400 لكن الكاسيت امكانيات 10/10 وممكن تركب علية gm حيضبط الصوت معاك !!

**Mohamed Elnagar** · 23-04-2013 03:52 AM

المشاركة الأصلية كتبت بواسطة mdogs1979

بص يا باشا بالنسبه للكاسيت

مينفعش تركب فى مصر كاسيت غير البايونير

هتروح المحل و تقلهم الكاسيت ضعيف جدا

هيقلولك مفيش ترجبع -- هتقلهم عاوز ابدله ( صب 10 او امبلفير 600 )

ليه علشان الصب 10 انش مش هياخد مكان خالص و الاداء مقبول جدا
و الامبرلفير ضرورى جدا عشان انت معاك احسن سماعه فى مصر كينود 400
و دى سمعات تقيله محتاجه امبلفير
كده انت مخسرتش تمن الكاسيت تمام ( لازم تصر حتى لو بمشكله على البدل - ده الاسلوب فى مصر الغاليه )

تيجى بقى على نفسك شويه و تجيب كاسيت بايونير هات ( لامؤخذه اعفن موديل او ارخص موديل فى البايونير )
و هتعرف ان مفيش كاسيت ينفع يكون غيره ( هتجيبه من ارخصهم التوفقيه) السعر هناك ممتاز من 600 : 1500

على فكره انت مش اول واحد هيخسر شويه او هيعد يغير العده ( كلنا كده اللى غاوى صوت ده الطبيعى جدا)
انا العده معايا بغيرها كل 6 شهور لحد ما بوصل للمطلوب لو محتاج مساعده منى فى التركيب انا تحت امرك
طبعا مجانا

توضيح بخصوص سمعات الابوب العادى انهم بيبقوا مش عالين قوى بس البايونير بيعرف يجيب اخرهم صح

-والله كلامك زي الفل طيب تعرف واحد كويس بتاع تركيب عدد صوت وتظبيطها لاني دايخ علي حد وبالذات في المهندسين ومش لاقي

**mdogs1979** · 23-04-2013 04:27 AM

المشاركة الأصلية كتبت بواسطة toyota4arab

-والله كلامك زي الفل طيب تعرف واحد كويس بتاع تركيب عدد صوت وتظبيطها لاني دايخ علي حد وبالذات في المهندسين ومش لاقي

كينود فى شارع احمد عرابى فى نص الشارع على اليمين و انت قادم من سفينكس

و ادريان فرع الهرم شارع المطبعه .. هما دول اللى بتعامل معاهم و عندهم ناس بتفهم

و بردو الاعضاء ممكن يدلوك على ناس تانيه مجربنهم

**|Mostafa|** · 23-04-2013 04:56 AM

الكاسيت دا انا شاريه من اسبوعين او 10 ايام حاجة كدا..

الكاسيت جامد جداً، ولكن مينفعش تجيبله سماعات بالحجم دا وتقوله يقومهم، وخرجه حلو على فكرة وامكانياته احلى انا مجربه بقالي اسبوعين اهو وحالته كويسة.

عايز تظبت الصوت هات gm. واللي يقولك بايونير احسن من كينوود اعرف انه تحزب وخلاص، مفيش حاجة اسمها احسن واوحش، امكانياته "التقنية-الفنية" ازاي؟

الحاجة التانية وانا بشتري اشترطت حاجات معينة زي مثلا الصوت يبقى كذا واحس بكذا وكذا الخ الخ. انت بتشتري ودا حقك ومن حقك تطلب اللي انت عايزه، لو في حاجة مش عاجباك روحلهم وقولهم دلوقتي الكاسيت مبيطلعش لابيز ولا بيعمل اللي انا عايزه ومش دا اتفاقنا، في واحد هناك بيلبس نضارة كدا وحظاظة مش فاكر اسمه ايه، روحله واتكلم معاه وهو شخص خلوق وجدع ومش هيمشيك زعلان.

وبالتوفيق ومبروك عليك الكاسيت.

**islamnasser10** · 23-04-2013 08:07 AM

شكرا علي كل الردود اللي فادتني
بس فيه كذا سؤال قبل ماشوف هعمل ايه
انا كنت ناوي اجيب الكاسيت السوني gt520u خرجه 52في 4
4 rca وعند صحبي الموديل اللي قبل منه 490 وبيطلع منه احلي بيز علي سماعات كينوود برضة من غير جي ام ولا اي حاجة
في المقابل الكاسيت ده 50 في 4 و 2 rca بس و 2 وايز
مش هقدر ابدل الكاسيت بجي ام او امبليفير علشان معيش فلوس اجيب كاسيت تاني
انا قريت عنده الورقة اللي عليها قوانين الترجيع والاستبدال في خلال 14 يوم مش ده معناه اني ممكن ارجع الحاجة طالما في نفس حالتها وفي خلال اسبوعين ؟
ايه رأيكوا اعمل ايه احسن متضايق اوي
الكاسيت ضعيف والسماعات الامامية ضعيفه والحاجة الوحيده العدلة هي السماعات اللي ورا ومضحوك عليا في السعر جامد (550 جنيه) وبعد كدة عرفت انها برة ب 450