نصيحة فى شراء أوبل 1995

**cayman69300** · 24-04-2013 02:23 AM

المشاركة الأصلية كتبت بواسطة tananybasha

هلالى
عايزك تسألى على موتور مروحه التبريد الأمامية
الموتور بس

اشترية من عندك تكون عربية حوادث
دة الل الوحيد

**Moabany** · 24-04-2013 10:31 AM

المشاركة الأصلية كتبت بواسطة tananybasha

هلالى
عايزك تسألى على موتور مروحه التبريد الأمامية
الموتور بس

استاذ طناني
حضرتك محتاج اي مروحة
الامامية بتاعة التكييف
ولا بتاعة التبريد

**MOH_AYAD** · 24-04-2013 11:10 AM

شكرا" يا رجالة على الافادة وسرعة الردود و ربنا يجعلة فى ميزان حسناتكم
بالنسبة للسعر من كام لكام
وهل هى عربية عطالة (كثيرة الاعطال) دة اللى بسمعة عن الاوبل فى الاسكندرية
تحياتى

**MOstafa Hashem** · 25-04-2013 12:49 PM

العربيه دى كانت معايا من 2004 كنت واخدها من الحاج اللى كان جايبها زيرو من التسعينات .. بعتها 2012 .. يعنى اكتر من 15 سنه

اللى اقدر اقولهولك ان العربيه دى ممتازه بالنسبه لعربيه بالعمر ده .. العربيه شافت اياااااام غريبه معايا وماشاء الله أسد

مغيش حاجه اسمها سخونيه خصوصا فى 1600 .. قطع الغيار مش غاليه أوى يعنى ومرميه فى كل حته فى التوفيقيه التايوانى والصينى والأصلى .. مشاكلها مش كتير وصيانتها مش صعبه ولا معقده

يمكن انا عشان كنت بتعامل مع ميكانيكى ممتاز من سنه 99 ..

نصيحه .. اكشف على العربيه والتكييف بتاعها كويس ولو دخلت دماغك ..توكل على الله .. العربيه دى ممتازه

**creative_art** · 25-04-2013 01:47 PM

انا شايف كمية هري فى الموضوع فظيعه بأمانه ..
من غير ماتعصبو نفسكو المعادله بسيطه ..
صيانه منتظمه + ميكانيكي اوبل = عربيه مفيهاش العيبه
غير كده ..
فا هي مش لانوس ولا فيرنا .. وعندك العربيتين دول فى نفس الرينج ممكن تشتريهم ودول عربيات اقتصاديه امان ضعيف اداء متوسط بس مبيقولوش لأ !!

من الأخر .. الى يركب اوبل يبقي عارف ان زي ما ليه زي ما عليه .. عايز تركب عربيه من اقوي و اثبت العربيات الى نزلت مصر ، وفى نفس الوقت تاخد اداء عالطريق ومتعه فى القياده يبقي هتلتزم بشروطها لو موافق اهلا وسهلا مش موافق عندك مليون عربيه غيرها ..

وعن نفسي انا مش بستخصر فى العربيه دي حاجه لسبب بسيط .. انقذتني بدل المره الف من موت محقق :) !!

**tananybasha** · 26-04-2013 01:38 AM

المشاركة الأصلية كتبت بواسطة Moabany

استاذ طناني
حضرتك محتاج اي مروحة
الامامية بتاعة التكييف
ولا بتاعة التبريد

الأمامية بتاعت التكييف

**Moabany** · 28-04-2013 10:21 AM

المشاركة الأصلية كتبت بواسطة tananybasha

الأمامية بتاعت التكييف

انا عندي واحدة
لو محتاجها تحت امرك
تليفوني 01001664732

**محيي الدين** · 09-05-2013 12:47 AM

انا عندي اوبل 91 و هي محترمة جدا ومريحاني ماشاء اللة وعلي فكرة هي اقتصادية في كل شئ ، حتي لو قطع الغيار غالية شوية لكن عمرها الافتراضي كبير جدا يعني تشتريها وتنساها.