الموضوع: مشكلة فى دورة التبريد

بسم الله الرحمن الرحيم
انا عندى رينو كليو 2004 1.2 16 v لسه جايبها من شهر 11 الى فات بصراحة ركانها بقالى فترة
المهم كان عندى الزيت بينقط على فرن الشكان و الميه كانت بتنقص كلها من القربة فى كل مشوار رحت عملتها فى التوكيل طلع جوان بس المهم روحت بيها لاقيت الميه منقصتش قلت الحمد الله اكيد كانت العربية بتسخن من نقصان الزيت فكانت بتسحب ميه طلعت بيها مشوار بعد يومين فتحت القربة بعد المشوار بتاكد لقتها كلها خلصانة قلت ايه شغل العفاريت دا بصيت كويس لاقيت الراديتر ضارب ربعين قلت سهلة نزلت لمحل جنبى فى الهرم طلبية و قلى ميتلحمش و ضارب ربيعين لازم تغيره قلت توكلنا على الله كام يا عم راح اتصل بمحل معرفة و قلى 620 جنيه قلتله كتير قلى اصله تاوينى و حاورات كده رحت متصل انا بمحل فى التوفيقية اسمه الرضا و النعيم قلى مفيش الا صينى فى السوق بى 400 جنيه و محدش يضحك عليك و يقولى حاجة تانية قلتله شكرا و اتصلت بالتوكيل قلى فرنسى بى 700 و 1000 نوعين المهم رجعت و قلت انزل التوكيل احسن و اقرص على العربية و ازود ميه كل شويه رحت لقيت البيه فاكك كل حاجة و حطنى قدام الامر الواقع و معرفتش اعمل حاجة قلتله ركب و دفعت زى الحمار اجمالى 750 مصنعية و مياه خضراء و راديتير المهم قلت اعمل مشوار اجرب العربية برضه الميه نقصت تانى معنى مفيش ادنى تنقيط فى اى حتة انا شايفها و مفيش ميه بتقع تحت العربية
انا قلت كل حاجة علشان احطكم فى الصورة
اعمل ايه الله يخليكم انا كل مشوار لازم املى القربة بس من ساعت ما ركبت الراديتر الجديد النقصان قل شويه با كل مشوارين املى الله يخليكم حد يقلى اعمل ايه
اروح بنزينة موبيل كويسة انضف دورة الميه عندهم و احط مياه خضراء اصليه مش الراجل النصاب الى حطهالى دى ولا اعمل ايه ( على فكرة انا مليش فى ايه حاجة فى العربية و بفتح الكبوت بحس انى فاتح كبوت سفينة فضائية مش زى الفيات خالص )