الموضوع: عايز اشترى جراند بونتو و خايف

المشاركة الأصلية كتبت بواسطة Formulator

لأ ولا يهمك :)
الكلام واضح ومفهوم! وأى حد هيقرأ المشاركات هيعرف؟!!
بمناسبة الجولف:
كان معايا جولف4 قبل البرافو، وكان مع أخويا جولف2 GTI.. وكان راشق بيها عند رشاد فـ الحرفيين!
وصاحبى وجارى الأنتيخ معاه جولف6 TSI (نفس موتور الشيروكو 160)...
فـ عارف كويس كل عربية من دول جريها عامل إزاى وتطلع من أيه وماتطلعش من أيــــــه؟؟!!!

- لما تقوللى ان جولف2 1.8 N/A إنجكشن بقى ولا كاربيراتير :) تطلع من برافو T-JET (اللى بيقولوا عليها برافو تربو ).. عايزنى أقولك أيه يعنى؟!!
وكماااااااااااااان بتثبت مع شيروكو لحد 160 كم/س؟!! lol

بالنسبة للحصان الإيطالى والحمار الكورى
FTW


- التوبيك بتاعك: اللى جاب سيرته - ان المقاييس بتختلف من شخص لآخر؟!!
حسب هو كان راكب أيه؟؟ وساق عربيات أيـــــــه؟؟ ومتعود على سرعات وثبات وهاندلينج عامل إزاى؟؟!!!
يعنى: الـbackground بتاعته فـ العربيات أيه؟!
انت ماحطيش دماغك أصلا فـ جراند-بونتو.. بتتكلم على الجرى والسحب بتاعها ليـــــــــه؟!!

أكييييييييييييد كل واحد حر -يشوف عربيته كام هورسباور.. بالضبط زى الشكل والـstyle
فيه حاجات Personal-Taste أذواق!!
لكن فيه حاجات isn't زى الهاندلينج والثبات (والسرعة) :)) دى facts؟!!

أتمنى يكون كلامى مفهوم

المشاركة الأصلية كتبت بواسطة mahmoud_anwar

يا فندم حد قال لحضرتك اني ثابت مع الشروكو
انتا الانجليزي غيرك يا علي بية
انا قولت جايب 160 ومش ملاحقة ويكاد يكون اختفي من قصادي
الله يباركلك هتقولنا كلام غلط ليه
تاني حاجة من العربيات الي ركبتها قصدك يعني انا كنت راكب جولف وبعديها علي دايو والله لو شرحت لحضرتك الدايو دي جت ازاي وانا كنت بدور علي ايه ممكن القصة تاخد صفحة وتمل وتنام مني انا كل الملخص اني لما نزلت من الجولف قولت هركب هوندا سيفك اس اي واسقط فيها مكنة اس اي ار علشان بقا انتا عارف 170 حصان فا بعد طول بحث وعناء حصل الاتي ظهرت دايو مع واحد وكان عايز يبعها وخالي وولدتي اصرة اني اشتريها المهم اشترتها وحاليآ انا عارض اني ابيع لي اني عايز اركب بي ام دبانه او اقضيها ترفيه واركب كيا سيراتو وان
اما بخصوص الفيات الجرند انا بحب شكلها وانا وصفت لي الراجل ما عيوبها بي النسبة لي لكن انا لم افتي فيها لما قولت انها 77 حصان هيا فعلآ بتنزل 77 حصان لما اتكلم في اعادة البيع وذكرت ليه عربيات اخري في نفس السعر السوق طالبها وبتتباع احسن وقولت له انها افضل من حيث قطع غيارها ومن حيث البيع لكن حضرتك خدت الموضوع عل جوة وتقني غلط فا الي مش ممكن اغلط فيه عادي العربيات ازواق لولا اختلاف الازواق لا بارت السلع
اخر شيئ عايز تصدق صدق مش عايز ده شيئ يرجعلك انا قطعت البرافو علي الطريق صدق ام لم تصدق ومعلومة بطلبها منك لو راكب مكنة بي بي او 2e لو حالتها حلوة بي كلام الميكانيكيا بلاش بي الكلام المتزوق الفتيس علي 2 يجب كام ؟؟؟؟؟؟
واخيرآآآآ حاشي لله اني سبقت الشيروكو بي الجولف حتي لو كنت مسقط فيها مكنة vr6 العربية دي اختفت من قصدي وانا ماشي علي 160 يعني جبارة بمعني الكلمة

باشا فية برافو 95 حصان فا دي هطلع منها مستريح انما 120 صعب وال150 اصعب وبالمنسبة انا راكب ماريا 1.2 88 حصان لو هنتكلم ان الانوس 1500 86 مثلا يبقي اكيد انت اقوي بص عايز اقولك مفيش مقارنة ولا سرعات عاليه ولا قليلة انا تقريبا 1.6 كله ببقي يطالع منه يا معاه لحد 160 بص بص المهم الحصان ده نت ولا جورس علي فكرة الجراند مش بطه ولا حاجة انا ركبتها فترة وكانت الكاملة اتوماتيك بص مفيش مقارنة بينها وبين العربيات اللي صاحب الموضوع قال عليها من ناحية كل حاجة غير ان الجين 2 اثبت في السرعات العالية

المشاركة الأصلية كتبت بواسطة firestorme

باشا فية برافو 95 حصان فا دي هطلع منها مستريح انما 120 صعب وال150 اصعب وبالمنسبة انا راكب ماريا 1.2 88 حصان لو هنتكلم ان الانوس 1500 86 مثلا يبقي اكيد انت اقوي بص عايز اقولك مفيش مقارنة ولا سرعات عاليه ولا قليلة انا تقريبا 1.6 كله ببقي يطالع منه يا معاه لحد 160 بص بص المهم الحصان ده نت ولا جورس علي فكرة الجراند مش بطه ولا حاجة انا ركبتها فترة وكانت الكاملة اتوماتيك بص مفيش مقارنة بينها وبين العربيات اللي صاحب الموضوع قال عليها من ناحية كل حاجة غير ان الجين 2 اثبت في السرعات العالية

ياباشا انا مقولتش ان الاانوس افضل منها ولا البيكانتو بس انا بقيس بخصوص عدد الاحصنا
فاهم قصدي لكن انا قولت وجه نظري بخصوص لو رجعت كلامي ان الكوري بيتباع في السوق اسهل منها لو نزلت في نفس الجمعة اما بي خصوص قطع الغيار فاهيا متوفرة بي غزارة عنها
فا رشحت كوري ليس الا ان صاحب الموضوع بيسئل عن السحب ؟
تاني شيئ سئل عن اعادة البيع فا طبعآ شوف حضرتك اعادة بيع كيا واعادة بيع بونتو ؟
ثالث شيئ انا لم افتي انا قولت وجه نظر تكاد تكون صحيحة وتكاد تكون غلط وارد
رابعآبخصوص الدايو انا اكتشفت بعد ركوبي لي الدايو اشهر انها لاتصلح ليه ومش عارف الناس بتدفع فيها فلوس ازاي بصراحة عربية صاج خفيف ماتور سحبه ضعيف جدآآآ فرامل والعرابية محملة سواد
فا انا مش شرط ان يكون معايه عربية اني ادافع عنها بل العكس العربيات تجارب وانا لقيت ان لا يناسبني غير عربية الماني او الهوندا سيفك لو تعطي نفس ثبات الالماني لكن الدايو لا تصلح ليه في ظل جري
انا كنت انهارضة رايح دفنة في الفيوم وانا ماشي 140 واكيد عارف الطريق جم شويه هواء حسيت اني ممكن اطير علي جمبي مثل الورقة
فا انا عمري مادفعت عن الدايو وقولت انها بي ام ولا هوندا

جررب تعدي بس من عند سوق السيارات و إنت راكب جراند بونتو .. ناقص الناس تنزلك منها و يشتروها بالعافية .. والله وبتكون مراتي راكبة جنبي كمان يعني واضح أوي إني مش عايز أبيع .. أنا قعدت 8 أشهر بدور على جراند بونتو أشتريها ..
اللي يقول الجراند بونتو صعبة في البيع .. يسكت أحسن
على فكرة يا mahmoud_anwar أنا معايا جراند بونتو أم 77 حصان و مفتركش إني ممكن أفرت فيها غير عشان البرافو إن شاء الله

بص يا باشا يا صاحب الموضوع انا شايف ناس كتير عمالة تفتي وخلاص وهما ما ركبوش العربية اصلا
انا معايا العربية داخلة على ال3 سنين وعلى ال60 الف
السحب بتاعها كويس طلعتها احيانا بتبقى رخمة سيكا لكن الميد رينج فعلا جامدة وبتطلع من عربيات كتير , ومش عارف ازاي فيه ناس عمالة تقارن العربية دي بحاجات غريبة ماينفعش تتذكر جنبها اساسا !!!!!

الكلام بتاع Formulator هوه الي سليم (بخصوص الجراند)

فكك من الفتايين واسأل الي مجربها وبس

المشاركة الأصلية كتبت بواسطة osamy

بص يا باشا يا صاحب الموضوع انا شايف ناس كتير عمالة تفتي وخلاص وهما ما ركبوش العربية اصلا
انا معايا العربية داخلة على ال3 سنين وعلى ال60 الف
السحب بتاعها كويس طلعتها احيانا بتبقى رخمة سيكا لكن الميد رينج فعلا جامدة وبتطلع من عربيات كتير , ومش عارف ازاي فيه ناس عمالة تقارن العربية دي بحاجات غريبة ماينفعش تتذكر جنبها اساسا !!!!!

الكلام بتاع Formulator هوه الي سليم (بخصوص الجراند)

فكك من الفتايين واسأل الي مجربها وبس

+1