الموضوع: لية هو احنا كافرة ولاة اية

الإجابة بتاعت هو إحنا كفرة؟
لأ لإننا مصريين سعادتك فلازم نشوف ألوان وألوان من الذل والهوان. ده العادي يا ريت تكون في العربيات بس، أكل وشرب ومسكن وهدوم وكله كله

المشاركة الأصلية كتبت بواسطة MaNoLa

لكل حد ناوى يدافع عن الحكومة و الدولة
أحب أقولة
روح اتعلم قوانين الجمارك و الضرايب وتعالى أتكلم
الدول التي تقوم بفرض الجمارك و الضرايب بشكل مبالغ فيه دى بتكون دول منتجه
حفاظا على المنتج الوطنى إلى كدة كدة بياخد منه ضريبه و بيصدره للخارج
أما الدول إلى زينا الغير منتجة لازم الجمارك و الضرايب فيها متكونش موجودة إلا رسوم رمزية جدا
ومحدش يقولى الشوارع لأن مش الشعب هو صاحب أفكار التخطيط العمرانى الزباله لمصر
يعنى من النهايه مصر أحوالها الأنتاجيه زيها زى ليبيا و السعودية و الكويت إلى العربيات فيها بملاليم
و لو حد فكر يستورد حاجة من بره هيفهم أن الشخص إلى بيحط قيمة فاتورة التوريد فى الجمارك بيحط أى رقم و خلاص و ممكن توصل لأغلى من السلعة نفسها إلا لبعض الناس بالكوسة و الحب

+١١١١١١١١ كلام سليم و كمان في حاجه مش اي منتج والسلام لازم يبقي اولا منافس لكل اللي بره و فيه كل وسائل الامان و شامل لكافة فئات المجتمع غير كده برضه لازم يبقي الجمرك رمزي و كمان في حاجه مهمه ان البلد اللي بتصنع و مكفيه شعبها من انتاجها هتغلي الجمارك لفتره محدوده لحد ما المفروض الاقتصاد يتعافي و تفتح السوق الخارجي يبقي حر بجمارك مش مبالغ فيها كده

المشاركة الأصلية كتبت بواسطة شاهين - بنز

أستاذ حسين أولا بلد فقيرة زي مصر لازم يكون في جمارك عالعربية عشان إللي معاه فلوس وقادر يجيب عربية ملاكي يدي من جماركها لخزينة الدولة تصرف بيها للي معهوش وتروح مثلا في دعم عيش وكهربا وغاز ومرتبات للموظفين الغلابة
ثانيا شوف البلد بتدعم البنزين بكام مليار في السنة فاأكيد حقها إنها تخلي الجمارك تعجيزية للعربيات إللي فوق ال 1600cc لإن لو الجمارك موحدة حتلاقي الكل شاطح في المواتير ذات السعة اللترية الكبيرة والبلد مش حتلاحق ساعتها على دعم البنزين بالكميات المهولة

طبعا حضرتك حر في وجهت نظرك محدش يقدر يقولك حاجه بس معلش يعني دعم ايه اللي حضرتك بتتكلم عنه اللي هو اياه بتاع ال ٣ ارغفه ده ولا بتاع البنزين اللي هيتشال كمان كام يوم و بعدين برضه بعد كل العصر اللي بنتعصره في الجمارك برضه مش لاقيين العيش الحاف و اهو بقينا تخصص شحاته و ياريت بنشحت و بنلاقي ده كمان بيتقالنا الله يحنن لا حول ولا قوة الا بالله حالنا بقي يصعب علي الكافر -و في روايه اخري الليبرالي العلماني حتي الفلول- ولا عزاء للمصريين

المشاركة الأصلية كتبت بواسطة SiM0

يا ريس ده عربية جمرك يعني 6 شهور بس في السنة تبقى جوه البلد والست شهور التانيين تتركين في مدينة البضايع أو تطلعها بره مصر و كل مرة بتدخلها بتتفاع عليها مبلغ بردو ......... أنا معرفش النظام بالضبط بس هو حاجة كده

الكلام ده صح العربيه بنظام التريبتك .. تدخل بيها مصر لمدة سنه ( حاليا بعد تعديل نظام التريبتك من 4 سنين وليس 6 شهور كما ف السابق) وكل 3 شهور تدفع لها مبلغ على حسب السعه اللتريه للعربيه .. وبعد السنه لازم العربيه تخرج بره الحدود وتدخل تاني .. إلا لو أنت طالب بتدرس في مصر مثلا أو حاجه فمش لازم العربيه تخرج وتدخل تاني بتدفع لها مبلغ إضافي .. من الخر عمليه مكلفه والعرب طبعا غاويين فشخره فبيجوا بالعربيات دي هنا رغم إنها مكلفه بس عشان يتفشخروا ... عقدة نقص .. واللحكومه بتستفيد من ( النقص ) اللي عندهم وتدفعهم عليه فلوس ... أدي الحكايه كلها .. ونقطه كمان أن العربيه الهمر تمنها هنا ف السعوديه جديده ( مافيش منها جديد خلاص إتوقفت بعد ما أشترتها شركه صينيه) 250000 ريال تقريبا = 500000 جنيه مصري ... وهناك لما تيجي تبيعها بعد سنتين تلاته بس ماتجيبش أكتر من 80 إلى 90000 ريال = 180000 جنيه تقريبا .. بينما لو جبتها في مصر ب مليون جنيه وجيت تبيعها بعد سنتين ثلاثه هتجيبلك 600 او 700 ألف .. يعني الفرق كده كده راجعلك ... السؤال الأهم .. ليه أركب عربيه زي الهمر دي في مصر أصلا وأنا متوسط سرعتي اليوميه على الطرق المصريه 60 كيلو بالكتير وأدفع في بنزين وفلوس ؟؟؟
أما موضوع التمييز بين الأجنبي والمصري فده طبعا من عيوب مصر اللي لا ليها أول ولا أخر .. وعملنا الثوره عشان نصلح العيوب دي .. لكن الظاهر الموضوع منحس معانا ياجدعان .. في حد وش أمه فقر ف البلد .. مش عارفين هوا مين ؟ طب مكانه فين ؟