الموضوع: سلسلة علم نفسك: الدرس السادس عشر(شرح تفصيلى اصلاح عوامة البنزين)

المشاركة الأصلية كتبت بواسطة subtotal

يا عم صبحى الله ينور على الشغل الجامد ده .... بس فى مشكلة عندى ان العوامة فيها اربع ترامل هل من المفروض ان يكون فى اربع فرد سلك علشان انا عندى ثلاثة بس والعداد واقف فى النص على طول مع الوان السلك اصفر وازرق وبرتقالى والمفروض ان الفردة الرابعة ده ارضى صح ولا ايه

العوامة الاطراف العاملة فيها 3 اطراف والرابع ارضى وطبعا كلنا عارفين ان تانك البنزين فيبر مش صاج وفية كمان جوان مطاطى لاحكام العوامة وعدم تسرب البنزين من اعلى فبكدا جسم العوامة مفصول تماما عن اى جزء قد يتم توصيلة بارضى السيارة فمن المفترض انك الطرف الثالث توصل بيه سلك وتربطه فى جسم السيارة فى اى نقطة قريبة وممكن تحشرة بين الغطاء الصاج والفتحة وتقفل ....*بكدا يبة انتا وصلت الارضى للعوامة من غير كدا العوامة مش حتكون مظبوطة ابدا....*

المشاركة الأصلية كتبت بواسطة حسن محمود احمد

انا حاولت اعمل كدة ولكن عند فك الصمولة صعب جدا نظرا لضيق المكان لان الغطاء عندي كبير عن الذي في الشرح ومحتاج مفتاح كتينة مع اني كنت طابع الدرس وهو معي للان منذ ان حاولت من 4لشهر

استاذ حسن دى صامولة بلاستيك يعنى ممكن حضرتك تكبشها بايديك الاثنين وتلفها امسكها بكلاوى ايديك الثنين واعصر وشد عليها وهى حتفك المفتاح ممكن يكسرها انشف عليها شوية وحى حتفك....* اوعى عقلك يوزك وتسخن عليها !!!!!!!!!!*هههههههههههههههه