الموضوع: احدث طريقه للسرقه الوضوء

المشاركة الأصلية كتبت بواسطة moustafa_ertu

على رئيك والله
انا كمان عربيتى اتسرقت من اربع ايام الفجر ن تحت البيت ولا حياة لمن تنادى وكل اللى عملته محضر وحسبى الله ونعم الوكيل
وعربيتى 132 طالعان عين اللى جابوها يعنى مفيهاش الطمع خالص

ربنا يردها لك
في الغالب العربيات القديمه مش علشان يبيعوها او ياخدوا فديه
بيتكون علشان يخلصوا بيها سرقه او يقضوا مشاوير
واهي ارخص من التاكسي

المشاركة الأصلية كتبت بواسطة habd

فعلا ما بيتوضاش دا بيستحمى على بيشرب ميكس كده لزوم مراقبة الطريق لغاية ما يفضى

لازم يسبك الدور
اتقان الوضوء

المشاركة الأصلية كتبت بواسطة احمد نظمي

دا معاه مفتاح فتح العربية علي طول .. بس برضو صاحب العربية غلطان جهاز انذار في العربية يخوف الحرامي من صوته
ربنا يعوض عليه ويخلف عليه في مصيبته خيرا منها

معاك جهاز انذار كان خلاهم بفكروا خصوصا ان السرقه زي ماباين بعد الفجر
والدنيا هاديه

المشاركة الأصلية كتبت بواسطة ayman_omer2007

السرقة تمت باستعمال مفاتيح مصطنعة
يعني العربية اتفتحت بمفتاح وادورت بيه عادى كانه مفتاحها واكبد طبعا بوظ الكونتاكت
الموضوع ده لسه حاصل من كام يوم لعربية قديمة في الشارع عندنا
بس الرجالة مسكوهم (تلاتة بتريسكل) بعد مافتحوا العربية وقبل مايدوروها
المهم في كمين بعد المكان ده ب ٣٠٠ متر الاهالي وصاحب العربية راح يسلمهم للامناء اللي واقفين
تخيلوا رد عليهم بايه يعني مادام مسرقوش حاجة خلاص وصاحب العربية على نياته
روحت داخل فيهم شمال جالي الظابط اتعدل لما عرف انى اقرب لمفتش الداخلية واني من عيلة الحمدلله تقيلة اوى
قلتله البشوات عايزين يفكوا الحرامى وومسوك شروع في سرقة بيسرق بليل وتعدد(اكتر من واحد يعني) وكمان سرقة باستعمال مفاتيح مصطنعة وكمان طلع مطواه علي عيل صغير يعني سرقة باستعمال سلاح
طبعا الباشا لما لاقاني فاهم واقدر انفخوا لو معملش شغله زى ماكان ناوى ، عمل قدامي محضر وكتب فيه كل الظروف المشددة للسرقة دى
وطلعت علي القسم مع جارى ودخلت وصيت رئيس المباحث واتعمل مع جارى احلي واجب
اللي يضحك بقي ان الواد ده طلع مسجل مخدرات ومراته ربنا يعافينا متسجلة اداب فمراته جات الكمين عشان تدى للظابط شهادة الميلاد لان البيه مش معاه بطاقة فالست تصوت وتقولوا ده راجل محترم وعمره مادخل قسم سيبوه والنبي وبعدين لما الامناء زعقولها عشان تمشي فقالت للظابط طب اديني الشهادة فقالها محتاجها عشان مفيش بطاقة قالتله مش مشكله مهم عارفينه هناك هههههههههه متامرة وهبلة)

هههههههههه
متائمره وهبله

المشاركة الأصلية كتبت بواسطة ayman_omer2007

وبالنسبة لموضوع الوضوء ياجماعة الحرامي ملوش دين ولا يفرق معاه وقت السرقة
الراجل لما اتمسك كان حاطط في جيبه مصحف وهو بيسرق عشان لما يتقفش اهو راجل معاه مصحف وواقف يحلف لصاحب العربية عليه انه مسرقش منها حاجة وان العربية مفيهاش حاجة ناقصه (قالوا للحرامى احلف)

معاك
زي حرامي الجزم اللي بيسرق جزم امصلين
بيدخل الصلاه عادي ومع اول ركعه
يخلع بالجزم