الموضوع: لانسر 2006رياضيه

المشاركة الأصلية كتبت بواسطة mandooo

العربيه دى فى اى حال من الاحوال لا تذيد عن 86000 الف جنيه
مش عارف انتم بتتكلموا فى ايه

شكرا بس لوقدامك واحده بالمواصفات بتاعتي كلمني وانا اجي اخدها منك واشكرك كمان ومتقوليش ادخل موقع 100100كار ‏
لانك تلاقي سعر يعجبك ولما تتصل تلاقي الكلام ميعجبكش ولما تشوفها متعجبكش العربيه حاله

المشاركة الأصلية كتبت بواسطة mandooo

العربيه دى فى اى حال من الاحوال لا تذيد عن 86000 الف جنيه
مش عارف انتم بتتكلموا فى ايه

فعلا تسوى كده
بس لو ماشيه 100 الف كم ورشه بره او عامله حادثه

يا ناس انا كان معايا لانسر سوبر اكشن 2007 وبعتها فابريكه بحالة الزيرو ب 96000الف جنيه والاستبن الاصلى ما نزلش وكان عامله 27000 الف كيلو واعتقد لو سبورت مش سوبر اكشن تعمل 93000 الف ولو نزلت موديل سنه يعنى 5 الف على اقل تقدير ولكن تنزل عن 5 كمان لان 2007 الاكصدامات متغيره
براحتكم بقا

شكراللناس اللي مش بتبخس للناس اشيائهاوالحمد لله ان في ناس ردت عليك

استنى استنى حضرتك اصلا انا مش مستفاد باى شىء نهائى
انا بس قولت اقول رايىء بنائا عن تجربه
وتقبل تحياتى

حصل خير والعربيه حاله وربنا يسامحنا كلنا

بص يا استاذ ماندو
العربيه الانسر ده بالذات سوقتها غريب جدا فى المستعمل عن اى عربيه تانيه
وده علشان حاجتين
1-تنوع الموديلات منها والكماليات
عندك 1300 عاده واوتوماتيك 1600 برضو عاده واتوماتيك سبورت سوبر اكشن
2-انتشار العربيات الخليجى وبسعر ارخص وكماليات اكتر وكمان المصرى موجود
احسن موديل كسعر اعاده بيع هوه 1300 مانوال وده لانه اقل سعر فى الانسر وكمان الفئه الى تحته الى المكواه والكرستاله ماسكه نفسها كويس فى السوق
فالموديل ده فى اعاده البيع ممكن يفرق عن الزيرو من 7000 الى 10000 الف جنيه
الموديل ال1300 اوتوماتيك نظرا لانه مش مطلوب اوى ممكن يزيد فى اعاده اليبع عن المانوال 1000 جنيه او 2000 جنيه او ما يزدش خالص
الموديلا 1600 عاده ده بروضو مش مطلوب اوى بس ليه زبون اكتر من ال1300
اوتو
وده ممكن يقل عن سعر 1300 الزيرو حوالى 2000 جنيه نظرا لان الى بشتريه بيدخل مقارنه معاه
1600 اوتو كلاسيك وده اكتر موديل مطلوب جدا فى الانسر وسعره فى اعاده البيع بيكون اعلى من ال1300 مانوال زيرو ب2000 او 3000 الف جنيه
يعنى بينزل من سعر الزيرو 1600 زيرو حوالى من 12000 الى 15000 الف جنيه
عندك المودلين السوبر اكشن والسبورت وده فى اعاده البيع زى بعض بالضبط

دول ببنزلوا فى اعاده البيع من 17 الف الى 20 الف
وتقريبا الى بشترى المودلين بيدخل المودلين دول مقارنه مع الكلاسيك 1600 اوتو زيرو
وده اكتر موديل فى الانسر البومه بيخسر
فى موديل هاف سبورت سعره فى المستعمل اغلى من الكلاسيك اوتوماتيك بالف او اثنين بالكثير
ملاحظه
الفرق بين العربيه الوكيل ووالخليجى
لو فى ضمان بيكون 1000 او 2000 بالكتير
لو مفيش ضمان يبقى مفيش فرق فى السعر الا لو واحد فاهم ممكن ياخذ الوكيل فى 1600 اغلى لانها فيها كماليات زياده عن الخليجى
مشكله الانسر الاساسيه فى اعاده البيع حاجتين
1-هى وجود فئات كتير منها وفى نفس الوقت متوفره زيرو
2-المستعمل منها نظيف كتير اوى اوى
اعتقد ان العربيه ده لما يوقف اناجها هتعمل سعر اعاده بيع احسن
3-الموديلا الى فوق ده كسر زيرو 2007 ماشى معقول او 2008 ماشى كتير شويه على السنه
يعنى على فرض ان 2007 ماشيه 20000 الف كم ممكن 2008 تكون ماشيه برضو 15 الف الى 20 الف كم ازيد من العداد ده يقل فى اعاده البيع كتير واقل من العداد ده يزيد حاجه بسيطه فى السعر .
موديلات 2006 الى ماشيه فى حدود 20 الف او 30 الف كم بالكتير تقل عن الاسعار الى فوق 3000 جنيه او 4000 جنيه

يعنى لو تلاحظ ان اكتر موديل بيكسب فى الانسر هو ال1300 مانوال واكتر موديل بيخسر هو 1600 سبورت او سوبر اكشن
بخصوص عربيتك كانت ممكن تجيب لك 100 الف بس لو كنت صبرت عليها الحمد لله على كل حال
اسف على الاطاله