غطا العربية بهدل البوية ... أيييه العمل ؟

**Hosaam** · 27-04-2013 01:49 AM

بصراحة لحد النهاردة كنت فاكر أن بوية السيريون أثبت من كده بس النهاردة أكتشفت أنها سهلة التطاير ، و مش عارف اذا كان الموضوع ده بيحصل فى الماركات التانية و لا ده يعتبر نقطة ضعف فى السيريون ، و الموضوع باختصار شديد أنى مقل فى خروجى بالسيارة يعنى بكتيره باخرج بيها مرة أو مرتين فى الأسبوع فسحة يعنى لأن عربية الشغل بتجبنى وتودينى ، فبأضطر أنى أغطى العربية من الأسبوع للأسبوع لأنى ما أقدرش أدفع 350 جنيه فى جراج ، والموديل اللى معايا 2011 GLX وعامل بيها لحد دلوقتى 3300 كيلومتر يعنى لسه جديدة، المهم أنى بأغطيها بالغطا الصينى الرمادى الموجود فى السوق وهو مبطن بطبقة ناعمة بيضاء من الداخل و أكيد كلكم عارفينه لأنه حقيقة مفيش غيره عند محلات الأكسسوارات وكنت شاريه من شارع صلاح الدين ، المهم أمبارح لاحظت بالصدفة أن فيه أماكن كتيرة فى العربية الكسوة لحست البوية بتاعتها وبالذات عند نقط أرتكاز الكسوة على البودى بتاع العربية ، ( حرف الأسبويلر .. حرف الكبووت من قدام تحت علامة الدايهاتسو .. أكرة الباب الشمال القدمانى بالكامل .. حرف السقف الشمال ) فى الحقيقة الموضوع ده زعلنى جامد لأن العربية لسه جديدة و فى الوقت نفسه مش عارف أعمل أيييه لأنى لازم أغطى العربية مش معقول حسيبها بالأسبوع فى الشمس والمطر والا العربية كلها حتتبهدل وحتتردم تراب ، وكمان مش حقدر أمنع الكسوة من الحركة على السيارة لأن الهوا فى منطقتنا شديد شوية وكمان العربية الهاتش أنتم عارفين أنها بتساعد شوية على حركة الكسوة ، معلهش أذا كنت أطلت عليكم بس هل فيه حد مر بالتجربة دى يدينا خبرته وهل البوية اللى أتلحست دى تقلل من قيمة السيارة و أزاى أقدر أنى أمنع الموضوع ده أنه يستفحل ويلحس البوية من أماكن أخرى فى السيارة ، السؤال الأخير أزاى شركة بعظمة دايهاتسو تكون البوية بتاعتها ضعيفة بالصورة دى و ماتقدرش أنها تصمد قدام أحتكاك الكسوة أومال يابانى أزاى بس ،،، مع شكرى الخاص لكل من يطالع الموضوع .

**dr.hazem** · 27-04-2013 01:52 AM

المشاركة الأصلية كتبت بواسطة Hosaam

بصراحة لحد النهاردة كنت فاكر أن بوية السيريون أثبت من كده بس النهاردة أكتشفت أنها سهلة التطاير ، و مش عارف اذا كان الموضوع ده بيحصل فى الماركات التانية و لا ده يعتبر نقطة ضعف فى السيريون ، و الموضوع باختصار شديد أنى مقل فى خروجى بالسيارة يعنى بكتيره باخرج بيها مرة أو مرتين فى الأسبوع فسحة يعنى لأن عربية الشغل بتجبنى وتودينى ، فبأضطر أنى أغطى العربية من الأسبوع للأسبوع لأنى ما أقدرش أدفع 350 جنيه فى جراج ، والموديل اللى معايا 2011 GLX وعامل بيها لحد دلوقتى 3300 كيلومتر يعنى لسه جديدة، المهم أنى بأغطيها بالغطا الصينى الرمادى الموجود فى السوق وهو مبطن بطبقة ناعمة بيضاء من الداخل و أكيد كلكم عارفينه لأنه حقيقة مفيش غيره عند محلات الأكسسوارات وكنت شاريه من شارع صلاح الدين ، المهم أمبارح لاحظت بالصدفة أن فيه أماكن كتيرة فى العربية الكسوة لحست البوية بتاعتها وبالذات عند نقط أرتكاز الكسوة على البودى بتاع العربية ، ( حرف الأسبويلر .. حرف الكبووت من قدام تحت علامة الدايهاتسو .. أكرة الباب الشمال القدمانى بالكامل .. حرف السقف الشمال ) فى الحقيقة الموضوع ده زعلنى جامد لأن العربية لسه جديدة و فى الوقت نفسه مش عارف أعمل أيييه لأنى لازم أغطى العربية مش معقول حسيبها بالأسبوع فى الشمس والمطر والا العربية كلها حتتبهدل وحتتردم تراب ، وكمان مش حقدر أمنع الكسوة من الحركة على السيارة لأن الهوا فى منطقتنا شديد شوية وكمان العربية الهاتش أنتم عارفين أنها بتساعد شوية على حركة الكسوة ، معلهش أذا كنت أطلت عليكم بس هل فيه حد مر بالتجربة دى يدينا خبرته وهل البوية اللى أتلحست دى تقلل من قيمة السيارة و أزاى أقدر أنى أمنع الموضوع ده أنه يستفحل ويلحس البوية من أماكن أخرى فى السيارة ، السؤال الأخير أزاى شركة بعظمة دايهاتسو تكون البوية بتاعتها ضعيفة بالصورة دى و ماتقدرش أنها تصمد قدام أحتكاك الكسوة أومال يابانى أزاى بس ،،، مع شكرى الخاص لكل من يطالع الموضوع .

اعمل واكس للعربية كل 3 شهور عشان يحمي البويه...
تحياتي

Sent from my LT18i using Forum Runner

**bmya** · 27-04-2013 03:03 AM

بالظبط كده هات غطاء قماش عادي او الغطاء الاصلي بتاعها من top cover انسى الخرابيش
بس هو انت غيرت العربيه ولا ايه يا معلم :)

**CaptaiN-AhmeD** · 27-04-2013 05:39 AM

هات قماش عادي ...وانصحك لوجه الله يااخي الجراج نعمه ..خصوصاً انك بتسيب عربيتك فتره
بس جراج ايه ال بـ 350 !!!!! دا عندنا ف عين شمس بـ 60 جنيه ومستكترهم عليه كمان

**Hosaam** · 28-04-2013 01:50 AM

أشكركم جميعا على أهتمامكم بالموضوع ، وأنا شايف أن فيه أجماع أراء على الغطا القماش ، و أنا كنت فكرت فعلا أشتريه قبل كده بس فيه ناس حذرتنى منه وقالتلى أنه فى الشتا بيشرب العربية ميه ، و على فكرة أنا عربيتى زى ماهى ماغيرتهاش من ساعة ما أشترتها حتى مكتوبة فى البيانات بتاعتى ( سيريون 2011 GLX ) ، أما بخصوص الجراج فيابختيه اللى عنده جراج فى المنطقة ب 60 جنيه لأن الأسعار عندنا فى سموحة هى فعلا كده 350 جنيه فى الشهر ، اللى أنا مستغربله هو البوابين اللى كل يوم نازلين تلميع فى العربيات بخرق و لا مؤاخذة (معفنة) ومع ذلك البوية مابيجرلهاش حاجة والعربيات بترجع بتلمع ، يعنى معقولة أن الخرق دى و لا مؤاخذة أحن على العربية من الكسوة الووتربرووف ، حاجة تفرس !!!

**bmya** · 28-04-2013 03:10 AM

تقريبا انا ملخبط بينك وبين حد تاني :)

**Eng.Peter** · 28-04-2013 03:19 AM

فعلا غريبة
خليك فى الغطاء القماش
و روح التوكيل اعمل شكوى و خليهم يصلحوا لك عيوب الدهان
موضوع 350ج فى الشهر ده فى شقق ايجارها بالثمن ده و اضمن من الجراج :)