الموضوع: حد يفهمنى أيييه حكاية الأطار الأصفر ده

المشاركة الأصلية كتبت بواسطة hosaam

نفسى أعرف أيييه حكمة الشركة المصنعة للسيريون من موضوع الأطار الأصفر ده ، كنت بقرأ فى كتالوج العربية من يومين لقيت حاجة غريبة قوى ، لقيت أن الأطار الأصفر مقاسه أصغر من مقاس الأطار العادى و أن ضغطه أعلى من ضغط الأطار العادى و أن ممنوع تركيبه مكان العجلات الأمامية بمعنى أنه لو عجلة أمامية ضربت المفروض أن الواحد يفك عجلتين من العربية ، عجلة سليمة من الخلف يجيبها قدام مكان الأطار التالف و الأطار الأصفر يركبه مكان الأطار السليم المفكوك من الخلف ، طب بالذمة أحنا شوارعنا تسمح بكده ، يعنى لو العجلة القدمانية ضربت منى فى شارع أبوقير مثلا بدل ماقف عشان أغير عجلة ، قف عشان أغير عجلتين ، ده الواحد لو عرف يغير عجلة واحدة من غير ما عربية تلطشه يبقى كويس ، أعتقد أن موضوع الأطار الأصفر ده ممكن ينفع عندهم فى اليابان لكن ماينفعش فى شوارعنا ، لذلك أنا كنت بفكر جديا أنى أبيع الأطار الأصفر و أجيب أطار جديد أستبن بنفس مقاس وضغط الأطار العادى بدل البهدلة اللى حتحصل و كنت عايز رأيكم ، دى حاجة ، الحاجة التانية أنا عايز أسأل هل كل العربيات اللى بتنزل بيبقى فيها موضوع الأطار الأصفر ده و لا هى الديهاتسو بس و أييه حكمة الشركة من كده وهل ده موجود فى العربيات المتجمعة محليا أيضا ، مع تحياتى لكل أعضاء المنتدى .

بعض الشركات ونظراً لصغر حجم شنطه السياره وبما ان العجله الاستبن بتاخد مكان كبير فى الشنطه فخلو ان العجله الاحتياطه بالمقاس ده وبتركب امامى او خلفى زى ماشفت الراجل بتاع الكاوتش كان بيركبها( على فكره بتاع الكاوتش فى مركز خدمه بريدجيستون) كان بيركب عجله فى عربيه بالشكل ده

وانا استغربت شكل العجله فسألتو فوضحى النقطه اللى فاتت بالاضافه الى ان الفدره دى او العجله الاحتياطيه لسه سرعه معينه لاتزيد عن 80 ولمسافه سير قليله وليس طويله ( يعنى كده حل مؤقت لحين اصلاح الفدره الاصيليه)

والله اعلى واعلم