الناس دي بتتفنن انها تنغص علينا حياتنا و تكرهنا في البلد و الحكومة و العيشة واللي عايشينها !!
الناس دي بتتفنن انها تنغص علينا حياتنا و تكرهنا في البلد و الحكومة و العيشة واللي عايشينها !!
بصراحه شرط جيد
لان لو الشرط مش موجود
كنت هتلاقي زبالة العربيات الملاكي بعد ماتطحن 4 سنين وعشرة شهور
تتحول لتاكسيات احقر من القديمه الموجوده حاليا
الهدف من القانون احلال وتجديد التاكسيات العامله لتوفير وسيلة مواصلات آدميه
ولهذا نرى ان البند في اللائحه قد جاءا موافقا لما يصبو اليه المشرع و متماشيا مع روح القانون وصحيحه
حلو البق ده :)
يعني السيارة بعد أربع سنوات من إنتاجها تصبح أسوأ من سيارة مر على إنتاجها ثلاثين سنة !!!!!!!!!!!
صعبة أويييي
لماذا وضع البند الموضوع بفترة سماحية في الموديل خمس سنوات بعد سنة الصنع ؟؟؟؟؟؟؟؟؟؟
وضع للتخفيف على المواطنين ملاك التاكسي مقابل إجبارهم على التحويل
وحضرتك تتكلم عنه كأن الأمم المتحدة أو الحكومة هي التي ستدفع ذلك الثمن
ولكن الذي سيدفع هو مواطن مثلي ومثلك
لذلك فالحكومة عندما جعلت الإحلال إجباري طلب نواب مجلس الشعب مشاركة منها في تخفيف العبء الذي ألقته إجبارياً على صاحب التاكسي
ولم يكن منها إلا هذا البند والذي إلتفت عليه في النهاية من باب أنها الحكومة الذكية
ولكن في الرد التالي أثبت المصريون أنهم الأذكى:
انــــا مش شايفـــــه من شرط الاحـــلال ده الا انــه مجدى فى الفكــــره وعقيـــم جدا فى التنفيذ وبيخلق مشكله بالتنفيذ
لان سياره موديل 2004 ولسا زيرو ولم ترخص دى هيجبوها منين ده اولا
ثانيا مشاكل التاكسى لا تقل عن مشاكل الميكروباص وان كانت اهون شويه
اعتقد ان موضوع الاحلال بسيارات زيرو هيقلل من الحوادث شويه فى القاهره
انا فكرت قد ايه لو سواق التاكسى ده عربيته زيرو وعليها اقساط هيحافظ على عربيته ازاى وهيلتزم فى الركنه وهيمشى عاقل ميعملش غرز ولا يسقط على حد ماهو مرعوب على العربيه لانها جديده مش راكب عربيه من عشرين سنه وماشى يهبد بيها فى عربيات خلق الله
ولو كان المالك هيدى التاكسى لسـواق هيكون حرصه اكثر مش اى حد هيثق فيه يستلم العربيه لازم يكون واثق من التزامه بالسواقه
وثالثا
كنت اعتقد ان ده حل لزحمه المرور لكن
الازمــه هنــا ان الحكومه بتعمل بالمثل اللى بيقول ((ودنــــــك منين يا جـحا ))
هيلغوا ترخيص العربيات القديمه من اجره ويحولوها ملاكى طيب ماهو تواجدهم فى الشارع هيبقى هووووووو هووووو استفادوا ايه غير انهم زووووودوا عدد المركبات فى الشارع باحلال الجديد + استخدام القديم كملاكى
يعنى برضوااااااا هيزحموا الدنيا
الفئة اللي بنتكلم عليها ( فيرنا .. لانوس .. سبيرنزا .......) كلها عربيات استهلاكيه وعمرها الافتراضي اقل بكثيير من العربيات اللي كانت بتنتج ايام زمان ...... و اكيد حضرتك عارف كده ... والمقصود من كلامي ان اسوء ما في هذه الفئة (السيئة في الاساس) هيتقلب تاكسي ....... وكأنك يا ابو زيد ما غزيتاقتباس:
يعني السيارة بعد أربع سنوات من إنتاجها تصبح أسوأ من سيارة مر على إنتاجها ثلاثين سنة !!!!!!!!!!!
صعبة أويييي
اقتباس:
لماذا وضع البند الموضوع بفترة سماحية في الموديل خمس سنوات بعد سنة الصنع ؟؟؟؟؟؟؟؟؟؟
وضع للتخفيف على المواطنين ملاك التاكسي مقابل إجبارهم على التحويل
التاكسي من الاخر مشرع تجاري ... خاضع لحسابات المكسب والخساره
يعني من الاخر اللي هيفكر يشتري عربيه ويشغلها تاكسي لازم يحسبها وفقا لمحددات جديده .... القانون حطها عشان يضمن مصلحه مستخدم التاكسي من المواطنين ... لان الوضع الحالي بيضر بمصلحتهم و مصلحة المجتمع كله ويستفيد منه استفاده كبيره مالك التاكسي فقط لا غير
وسواق اومالك التاكسي اللي حضرتك بتدافع عنه هو نفسه اللي بيخليك النهارده تركب عربيه لا تصلح الا لتكون صفيحه زباله
هو نفسه اللي بيمون بنزين 80 و يدفعك اضعافا مضاعفه مبررا اللزيادة بزيادة اسعار البزين
هو نفسه اللي بينقي ويختار الزبون والمشوار اللي على مزاجه .... لو شكلك مش من النوع اللي بيدفع من غير رغي ...... او مشوارك مش على مزاجه يسيبك ويشوف غيرك
احنا اتعودنا نهاجم ايه جديد والسلام
احلال التاكسيات بعربيات قديمه اخرى مش هيغير في الواقع شئ
التغيير لابد ان يكون بعربيات جديده ............ والعربيات تكون مجهزه بعدادات مظبوطه والاجرة المحدده يتم الالتزام بيها و التاكسي للي ماشي ينقي الزبون و يدور على الاجانب ويسيب المصريين ده يتحاسب وفقا للقانون المرور
وبعدين بخصوص موديلات قديمه زيرو موجوده في السوق فده بالفعل موجود ... من سنه تقريبا شفت عند المصريه عربية كيا موديل 2004 و عربيات سوزوكي فيتارا 2005
و لغايه شهور فاتو كان فيه واجا موديل 2006 عند بعض المعارض واتعمل بيها موضوع في المنتدى ........... وده عادي انه يحصل لما توكيل ما يحسبش الطلب المتوقع على موديلاته بطريقه مظبوطه ......... والعربيات دي غالبا بتتباع بنسبة خصم كبيره
انا مش شايف ان الشرط حيعمل ازمة كبيرة للدرجة... ببساطة اللى راكب تاكسى عايز يسترزق و بالتالى معندوش وقت كل شوية يشترى ملاكى ماشية 4 سنوات و يرخصها و يقلب العربية اللى معاه ملاكى و يبيعها و هكذا...
هى حتبقى مشكلة لو بتاع التاكسى عايز يجيب كسر زيرو... كان من باب اولى ميعملوش الشرط دة و يوفروا على صاحب التاكسى 5 او 6 الاف جنية فرق الزيرو من كسر الزيرو... يمكن لو كانوا شالوا الشرط كان سعر المستعمل زاد... محدش عارف الشرط دة حياثر ازاى على السوق
MMamdouh
ممكن يكونوا عملوا كدة عشان يمنعوا ان حد يشترى عربية حوادث و يايفها و يعملها تاكسى او عربية من مكتب تاجير بقت كنبة و تترخص تاكسى... اكيد بتوع التاكسى حيدوروا على ارخص ملاكى فى التاريخ عشان يعملوها تاكسى و بالتالى ممكن يشتروا اى حاجة و خلاص طالما سنة الصنع تسمح بترخيصها
MMamdouh
بالضبط كدهاقتباس:
ممكن يكونوا عملوا كدة عشان يمنعوا ان حد يشترى عربية حوادث و يايفها و يعملها تاكسى او عربية من مكتب تاجير بقت كنبة و تترخص تاكسى... اكيد بتوع التاكسى حيدوروا على ارخص ملاكى فى التاريخ عشان يعملوها تاكسى و بالتالى ممكن يشتروا اى حاجة و خلاص طالما سنة الصنع تسمح بترخيصها
وجهه نظر سليمه فعلا