السلام عليكم
ياجماعة انتم زعلانين ليه ده موديل السنة اللي فاتت مش بيرخص
ولازم موديل السنة الجديدة
ياريت اللى يقول كلمة يبقة متاكد هيا اية
تاكسى اية اللى بيكسب 300 دة اكيد تاكسى العاصمة حضرتك تقصد
انا هشرحها ببساطة وخطوة خطوة وانت تعرف سواق التاكسى او المكروباص داخلة اليومى قد اية
اولا تلات اربع التكسيات اللى فى الشوارع دة مش تمليك للى راكبنها دول شغلين عليها واصحابها ناس مرتاحة عملنها مشاريع دة اولا
نيجى بقى للسواق دة عشان ياخد العربية 8 ساعات بيدفع لصاحبها 40 جنية اقل حاجو لو معرفة ولو عادى هيدفع 50 جنية جميل
تانى حاجة الحالة المرورية الجميلة اللى احنا عايشين فيها دلوقتى انت شخصيا تعمل بعربيتك كام مشوار فيهم نقول مثلا من 8 الى عشر مشاوير
وبنديرة كل مشوار نقول 15 جنية وطبعا دة مش بيحصل فى كل المشاوير يبقى لو 10 فى 15 هيبقا طالع الايراد 150 جنية
هيدع لصاحب العربية 50 جنية بقة معاة 100 جنية
هيفول العربية لو بنزين هيحط نصهم يعنى هيطلعلوا 50 جنية ودة بالكتيييير دة لو مطلعلوش كام امين روشوا علية وهوة ماشى ودفعلة 15 او 20 جنية دة غير مخالفات وصاريف رخصتة ودفع فلوس نقاية وتامين بجد حرااااااااااااااام
ياريت تكون وصلت يا جماعة بجد انا عارف الناس دى ظروفها عاملة ازاى لانى انا معاشرهم
:120146b
عدد السيارات يقدر ب 37000
الهدف الخفى فى شرط اللائحة التنفيذية هو تنشيط الطلب على الزيرو اللى محدش عايز يعبره
الشرط ده فى اى قضية يتلغى لانه ليس من حق اللائحة تعديل القانون
وأنا معاك في كل كلامك
وأضيف عليه البحث التالي:
نحسبها بالراحة
إيراد التاكسي بيكون حسب سعر الوردية
مثلاً الشاهين النظيفة سعر الوردية من صاحب التاكسي للسواق 60 جنيه (رقم تقريبي من فم سائق تاكسي)
يبقى السواق هيشتغل 8 ساعات على التاكسي مقابل إنه يرجع يدفع 60 جنيه لصاحب التاكسي ويقوم بملئ خزان الوقود كما كان
نروح لسواق التاكسي
هيعمل كام كيلو في ال 8 ساعات ؟؟
نفترض على أفضل الأحوال في القاهرة هيمشي 200 كيلومتر على أساس إنه شغال ال 8 ساعات بالكامل على سرعة 25 كلم/س (وهذا فرض صعب لكن ممكن يحصل)
هيحتاج حوالي 25 لتر بنزين على الأقل سعرهم حوالي 45 جنيه بنزين 90
إذن المصاريف حتى الآن = 60 + 45 = 105 جنيه
طيب نفكر هو هيجيب كام جنيه في ال 8 ساعات من الشغل ؟؟
هنقول بزيادة أوي بالكتير حوالي 125 جنيه
صافي ربح السواق في الوردية الواحدة حوالي= 125-105= 20 جنيه (قد يزيد وينقص حسب رزقه)
يعني السواق الذي يأخذ ورديتين حوالي 16 ساعة يكون يوميته حوالي 40 جنيه
نفس الحسابات ممكن نضعها على تاكسي 128 سعر الوردية فيه = 25 جنيه
ننظر للموضوع من وجهة نظر مالك التاكسي
كل ما يهم مالك التاكسي هو سعر الوردية
لو عنده شاهين ورديتها ب 60 جنيه لو 128 ورديتها بحوالي 25 جنيه (أرقام تقريبية من فم سائقي التاكسي)
المفروض يشتغلوا في اليوم ورديتين يعني 16 ساعة
في هذه الحالة الشاهين تجيب في اليوم حوالي 120 جنيه وال 128 تجيب 50 جنيه
أكيد مش هتشتغل في الشهر 30 يوم
أكيد بتريح يوم على الأقل في الأسبوع للراحة والصيانة وتغيير الزيوت
وكذلك أيام الراحة الإجبارية في حالة العطل
ولذلك نفترض أن التاكسي سيعمل على أقصى تقدير 25 يوم في الشهر
ومتوسط الوردية حسب نوع السيارة (أغلب السائقين الذين سألتهم سائقي شاهين)
نفترض الشاهين 60 جنيه= ورديتين في 25 يوم
=60 *2 * 25 = 3000 جنيه
إخصم 50 جنيه زيوت إسبوعياً وحوالي 10% صيانة وسمكرة عامة شهرياً
بمعنى خصم = 50 * 4 = 200 جنيه و = 10% * 3000 = 300 جنيه
= 200 + 300 = 500 جنيه
صافي الربح الشهري لمالك التاكسي = 3000 - 500 = 2500 جنيه
والحسابات السابقة هي في الحالة المثالية لسائقين مثاليين وسيارة مثالية بدون ضرائب وتأمينات ومخالفات ورشاوى للمرور
لكن في الحقيقة لا يوجد سائق يحافظ على سيارة لا يملكها وبالتالي يقوم بهرسها
وكذلك إهلاك السيارة بنظام الورديتين يجعلها تتطلب الكثير من الصيانة
بمعنى أن الرقم الواقعي = 2000 جنيه شهرياً وأقل من ذلك
ولو 128 = 1250 جنيه
وحسب المقارنة بين الشاهين وال 128 ممكن أن تخمن رقم لأي سيارة بوضعها في موضعها الصحيح بينهما
والمسألة أرزاق
في واحد سائق فيات 1300 سألته فأخبرني أنه من هذه السيارة ربنا رزقه بسيارتين كمان مركب عليهم سواقين وهو بيركب ال 1300 عشان هي وش السعد