الموضوع: امس كنت بافكر اعمل موضوع عن تغيير كاوتش اللوجان الزبالة . النهارده عملت حادثة بسببه

ياعم ان شاء الله كل سهل ما دام انت بخير

ربنا يعوض عليك خيرا

السلام عليكم ورحمة الله وبركاته
والله يا أخى وائل أنا مستبشر خير وإن شاء الله سيتبدل الحال وبعد العسر يسرا حمدا لله على سلامتك أولا طبعا انا عارف ومقدر وكلنا كأخوة متعاطفين ومقدرين اللى أنت فيه وكلنا معرضين له فى ثانية سلم الله الجميع بس تذكر أن الله خير حافظا وهو أرحم الراحمين الحمد لله بقدر عدد خلقه ومخلوقاته انك سليم معافى
أخى الحبيب محمود جبيريل وباقى الأخوة ما شاء الله عليهم خبرتهم حتفيدك بإذن الله وكنت اتمنى أنى أعمل والله معاك اى حاجة إن شاالله مجرد أجى وأقف بجوارك عند سكمرى ولا اى عند اى حد المهم أرمى ورا ضهرك الهم ولا تهتم
بكره كل شيئ حيتصلح لأنه حديد وحتعدى وتفوت البنى أدم هو الحاجة الوحيدة اللى صعبة التصليح
الأخ عادل ادريس كلامه عجبنى بس مش قادر افهمه كويس انا احد العوامل اللى خلتنى كنت ناوى أجيب حاجة غير اللوجان هو ال abs لأن أدى النتيجة ولكن فكرتك يا أخ عادل أنت والأستاذ وليد ممكن تشرحوها بصورة أشمل لعل الكل يستفيد ولازم نتفق أن التوكيل به مصائب مخفية لابد من أتحادنا يا جماعة ونبعت للشركة الم كلنا بفرنسا علشان نشتكى ونشوف حل لازم يستبدلوا الكاوتش المعيب ده مش حنستنى كل يوم واحد مننا يجرى له ولا لأسرته حاجة لا قدر الله ونكتفى بالمشاركة الوجدانية والتهوين فقط لابد من أخذ رد فعل جماعى
مفيش ابدا حاكم ظالم فيه بس شعب قبل بالظلم إحنا مش أقل من اى من شعوب ألأرض المحترمة لو ده حصل فى بلد تانية كانوا قاضوا فيها وزير الصناعة ورفدوه إحنا بس اللى بنرضى نسيب حقنا فغيرنا بيطمع فينا
أنا بسخن أه بسخن بس علشان كل واحد فيكم حيقرا كلامى يحط نفسه مكان أخونا وائل حيفكر علطول انى عندى حق فى اللى بقوله
تحياتى لك وائل ربنا معاك
تحياتى للجميع
هشام حلمى

المشاركة الأصلية كتبت بواسطة walid_m

وعليكم السلام ورحمة الله وبركاته

شوف ياسيدي الفاضل ...

معظم الحوادث وخاصة اللبس من الخلف وان العربية تلعب وتلف وتنقلب والعياذ بالله ... بيكون سببها إن الواحد بيقف على الفرامل , يعني بيضغط بكل قوة عليها !!! , على أمل إن العربية تقف ...

لكن اللي بيحصل مع الاسف عكس ذلك , لأن العربية بتنزلق ( تتزحلق ) وبالتالي حتقف بالقصور الذاتي فقط وكمان احتمال إن العربية تلف أو تنقلب لا قدر الله قائمة وبالذات كل ما زادت السرعة .

فكرة ال abs إنه لو ضغطت بكل قوة على الفرامل ... الفرامل متقفش مرة واحدة على الرغم من انك ضاغط بكل قوتك , تفضل تمسك وتفك تمسك وتفك ....... وهكذا حتى التوقف !!!

طيب الواحد معندهوش abs يعمل إيه ؟

يعمل هو abs برجله , يعني لما يجي يمسك فرامل جامدة يدوس رجله على الفرامل ويشيل ويدوس ويشيل ويدوس ويشيل ......... وهكذ حتى التوقف !!!

وأول ما تسمع أو تحس بالزحف وانت ضاغط الفرامل لازم تشيل رجلك وبعدين ارجع تاني امسك بسرعة , ولما تمسك فرامل ما تضغطشي على الأخر امسك جامد بس موش لأخر الدواسة !!!

الموضوع صعب ولكن بالتدريب والتعود حتنجح إن شاء الله ...

زمان لما كنا بنعلم الشباب الجري والشد والغرز وما شابه !!!
كنا دايما نقول انسى الفرامل .... اللي حيحصلك من غير فرامل أقل من اللي حيحصلك لو قفشت على الفرامل !!!

الكلام ده كان تجاوزاً للحد من البلاوي ( عافانا وإياكم الله ) اللي بتحصل من الوقوف على الفرامل !!!

أرجو أن أكون وضحت الفكرة شوية ...

تحياتي

وضحت الفكرة وأشكرك طبعا لردك الواضح وفكرتك الجميلة
أتمنى من الجميع التجربة والافادة
وربنا يستر طريقنا جميعا

قدر الله وماشاء فعل وربنا يعوضك خير ، بسبب حادثة كاوتش قديمة فى عربية تانية قررت أغير كاوتش اللوجان عند 42000 كم وماستناش أكتر من كده وفعلا هوا بيزحف كتير مع الفرملة ومرة فرملت بيه على 40 كم والعربية عامت من شوية ميه وأخدت خبطة من ميكروباص فى الرفرف الشمال ، وأخيرا غيرت لبريدجستون يابانى الفردة بـ 720 جم من أسبوعين.