اهلا بيك فى قسم سيات
مبدأيا الكوردوبا هى الابيزا بس بشنطة
قطع الغيار موجودة فى كل حتة لأن قطع غيارها مشتركة مع البولو فى المواتير والعفشة لأنها على نفس الشاسيه
العربية قليلة بسبب ان التوكيل مش بيهتم بالدعاية و المشكلة دى موجودة لحد الان حتى فى العربيات اللى نازلة 2013
ده كفاية انه يعمل اعلان يقول فيه عربية شاسيه وموتور وعفشة بولو بسعر الاسبانى
بالنسبة للصيانات: احنا تقريبا بنعمل معظم الصيانات بأيدينا وده مش عشان محدش بيعرف يشتغل فيها, بالعكس, عشان بسيطة ومش معقدة بس عايزة واحد دماغه نضيفة بدون افتكاسات
بالنسبة لأسعار قطع الغيار: موضوع الغلو والرخص ده موضوع نسبى
يعنى ممكن يكون بالنسبة لى رخيص وبالنسبة لحد تانى غالية, يعنى على حسب انت بتقارنها بأيه
بس كل اللى هقدر اقوله لك انى معايا ابيزا 98 وقبلها كان معايا لادا 84 وكل الناس كانت بتخوفنى من قطع الغيار بس انا مبسوط وفيه بعض القطع سعرها ارخص من اللادا وبعضها اغلى بس مقابل كده بتاخد عمر افتراضى اطول بكتير
وياباشا طالما انت من اسكندرية يبقى متشلش هم لأننا بلديات
انا من 6 شهور كنت جايب من واحد فى منطقة القبارى موتور لعربيتى بالفتيس والضفيرة والكزنترول بـ 2200 جنيه فى حين انى كنت جايب موتور لللادا بدون فتيس وبدون ضفيرة وطبعا من غير كونترول من حوالى 5 سنين بنفس السعر
المفضلات