الموضوع: الحرفيين

بسم الله الرحمن الرحيم
بعد التحية للناس الحلوة دهية واخص واختص الاستاذ احمد lanos2004 على سعه صدرة وطول بالة معايا والاجابة على كل الاسئلة الخاصة بتعديل الفرامل الخلفية للنوبيرا الى دسكات
ونبدا ونقول

كنت رايح امس المطار مشوار اجيب واحد قريبى وكانت الطيارة بتاعتة هتوصل الساعة 3 العصر فنزلت بدرى على الحرفيين وصليت هناك الجمعة وبدات المشوار
لفيت يمكن تقريبا اغلب الشوارع واغلب المحلات الخاصة بالدايو لقيت الاجناب السكاكين الى عاوزها نادرة اوى ملقتش غير عند 2 واحد منهم كل السلوك مقطعة ومعجبونش والتانى كان الفيومى وكان عندة جمبين كاملين نوبيرا بالمساعدين بالسوست بالاتياش الميزان بسلوك الفرامل سلام
وبما انى نوبيرا 1 خفت اجيب الاتياش قلت اجيب الجنبين بالسلوك وبس فبقولة بكام ياعم ومن الاخر قالى 650 ياراجل دول اقل قالى لا والله لو يلزموك انا تحت امرك هفكهملك بصراحة استغليتهم وكمان مكانش معايا عربيتى فخفت منهم وكنت سائل عليهم هنا فطنطا بنفس السعر 650 فقلت على اية ابهدل نفسى واتحط تحت بند يا ينفعو يا اما لا فبفكر انزل بورسعيد فيوم لو حد يشجعنى ونتفق ونروح وياسلام لو حد عاوز يعدل تبقى تمام بس اهم حاجة نتاكد ان فية منهم هناك لانى دوخت على ملقيت اجناب سكاكين فالحرفيين واغلب الناس مش عارفة حاجة
مين قال معاك يا معلم