ان شاء الله تستلم على خير ومستنين تقريرك عن العربيه ودعواتك السيلز يكلمونى انا كمانالحقيقة يا باشا الناس كانوا محترمين معايا جدا وأنا كتبت ده في موضوع قبل كده.
أنا لما جيت أشتري السيلز قالي إن الاستلام بحد أقصى خلال 3 شهور فأنا ظبطت نفسي إن فلوسي تكون جاهزة على الشهر ده.
وفوجئت إن هما كلموني نص شهر مارس - يعني بعد شهر ونص من الحجز - وقالولي إن فيه دفعة وصلت لو كنت جاهز استلم .... وأنا طبعا اعتذرتلهم علشان ماكنتش مجهز فلوسي .... فهما بصراحة ماعليهومش أي غبار.
أما بالنسبة لانتظاري للعربية فأنا شايف إنها بصراحة تستاهل وده بعد دراسة حوالي سنة للسوق واللي فيه.
مميزاتها كتير بالنسبة لي (السعر - الكماليات - الوسع الداخلي) ومن أهمها القسم لإني اتعلمت منه عنها كتير و أخدت خبرة كان علشان آخدها كنت حأحتاج سنة أو أكتر.
أخيرا يا باشا النهاردة السيلز كلمني فعلا وقالي إن العربية حأستلمها بعد 3 أو 4 أيام بالكتير فهما صدقوا معايا الوعد تاني .
نصيحة مني ليك اصبر شوية وهات الصني وإن شاء الله حتتبسط بيها.
جزيت خيرا جدا يا أستاذ أحمد على ردك الجميل
وبصراحة سواء الهدية جت عن طريقك أو ماجاتش فأنت بصراحة ياما هاديتني -أنا وغيري- بموضوعاتك اللي أنا مكون منها مكتبة تساعدني في استعمال العربية بشكل سليم من لحظة الاستلام وطول فترة الاستخدام.
إن شاء الله أكلم حضرتك بكرة واتشرف بسماع صوتك بنفسي.
جزيت خيرا مرة تانية.
المفضلات