حالة الامنطق فى اسعار السيارات

**Kamal-1** · 16-08-2008 12:20 PM

ياسيدي احنا شاريين أكورد 2008 جديده بسعر 101 الف وستة سلندر فل اوبشن ب 101 الف ريال يعني 145-150 الف جنية بتمن السيفيك الاربعة سلندر عندنا

**MOHAMED ABD EL SHAFY** · 16-08-2008 12:22 PM

انا اتصدمت
مكنتش فاكر ان الفروق كبيرة كدا
كنت فاكرها فروق بسيطة لاتتعدى 20% من تمن العربية
مش فرق 200%
دى الاسعار دى من قبل الفصال يعنى ممكن تنزل كمانقول 10%
لو غلوا العربيات عندهم مش هيتأثروا زينا

**dr_abooody** · 16-08-2008 12:37 PM

و الله اللي بيتعمل فينا دة حرام
مرة واحد زميلنا راح ( الصـــومال ) ايوا الصومال اللي كلها حروب و فقر و ارف بيقول ان اسعار السيارات هناك ارخص بكتيير من مصر زي الاسعار اللي حضرتك ذكرتها و مفيش جمارك و تشتري أجهزة جيه من بلدها مباشرة و كل حاجة رخيصة و اتبسط هناك على الاخر

و المشكلة ان في ناس كتير هنا في مصر معمولها غسيل مخ و فكرا ان البلد بتاعتنا دة فقيرة ؟؟؟
دة بلدنا دة بيخشلها كمية فلوس شوف قناة السويس و شوف كل عربية بتدفع كام هنا و عندنا اكتفاء ذاتي من البترول
المفروض الجمارك دة تتلغي و دة كل البلاد عملاها الا احنا و دة ملهاش علاقة اذا كانت الدولة فقيرة و بتشحت او الدولة غنية
و احنا اقتصادنا اقوى من الصومال بمراحل ممكن 30 ضعف و لا حاجة

طب عندك مثال تاني فلسطين اللي فيها احتلال و منازعات و الاقتصاد صفر شوف التاكسي هناك مرسيدس لو حد بيتفرج على النشرات
و الملاكي هناك كلة مرسيدس و اوكتافيا و بي ام ؟؟؟
اشمعنى احنا احسن بلد و حضارة من زمان و اول بنك في الشرق الاوسط و بيتعمل معانا كدا و بقينا افقر ما يمكن

هو في سر غريب و ربنا يفك ازمتنا يا رب

**pendodo2002** · 16-08-2008 12:44 PM

هههههههه
ميرسيدس 300 موديل 1991 في الامارات بـ 17 الف درهم يعني 25 الف جنيه
نفس الميرسيدس موديل 1989 في مصر بـ 150 الف جنيه يعني 100 الف درهم ....
يعني بتمن الميرسيدس المواصفات المصريه تشتري 6 بالمواصفات الخليجي و احدث من المصري
هههه

**MOHAMED ABD EL SHAFY** · 16-08-2008 12:56 PM

هيا يعنى ملهاش حل انهم يشيلوا الجمارك
وهل اتفاقية الجات اللى مجاتش دى مش هتعمل حاجة
ايه القمع دا

**MTAK** · 16-08-2008 01:32 PM

المشاركة الأصلية كتبت بواسطة dr_abooody

و عندنا اكتفاء ذاتي من البترول

تصحيح صغير "عذرا خارج الموضوع"

لا يوجد عندنا اكتفاء ذاتى من البترول
و نستورد بترول خام من الكويت "و مش عارف هل فى ناس تانيه بنستورد منها و لا لأ"

**wawoo** · 16-08-2008 01:57 PM

المشاركة الأصلية كتبت بواسطة dr_abooody

المفروض الجمارك دة تتلغي

يارت احنا مش عوزنا تتلغى , بس على الاقل تكون معقولة , يعنى مش معقولة 60 و 80 % دة غير الضرائب يعنى لازم برضو يكون فى توزان مع مستوى الدخل , السيارة لم تعد الان رفاهية او كمليات باى شكل , و هى ضرورية لاى نهضة اقتصادية عوزنها تحصل .

يعنى معقولة المواطن الخليجى اللى دخلة اضعاف الدخل المصر تكون دى الاسعار عندهم و عندنا بهذا الشكل , لية و هل الواحد طول عمرة حياخد خدمات بكل هذة الجمارك . طبعا لاء
لازم نتكلم يا جماعة , السكوت على الوضع دة سىء جدا و ظالم جدا , و خصوصا انهم زودو اسعار البنزين , يعنى مش معقولة الحكومة هات هات و مافيش اى تحسن فى الخدمات او المرافق بل كلة من سىء لاسوء فى معظم الخدمات .

و العجيب كمان ان كبار الشخصيات ورجال الاعمال بيركبو عربيات بدون جمارك و ذلك بحيل خاص , يعنى معقولة كدة

**Adham** · 16-08-2008 02:44 PM

ال bmw الدبانة (اول التسعينات) في السعودية ب 4000 ريال و حالتها انضف من حالة موديلات الالفينات في مصر
و بسعر مايجيبش سيات 133 موديل 78

**bassemali** · 16-08-2008 02:54 PM

دي الأسعار اللي أنت بتقول عليها دي ياأستاذ محمد كمان مبالغ فيها أنا هنا في السعوديه أشتريت كيا أوبتيما 2002 و 2000 سي سي فول أوبشن ب 10000 ريال يعني 14000 جنيه وحالتها زي الفل ماشاء الله بس نقول أيه على مصر غير حسبي الله ونعم الوكيل بس خلي بالك أن في كتير من الدول الأوروبيه أسعار العربيات فيها غاليه جددددددددااااا عن مصر كمان رغم أرتفاع أسعار البنزين واحد صاحبي قاعد في أستراليا وقاللي العربيات عندنا غاليه جدا جدا جدا

-

الموضوع: حالة الامنطق فى اسعار السيارات

LinkBack

أدوات الموضوع

عرض

-

-

-

-

-

المواضيع المتشابهه

اتجه عدد من وكلاء وتجار السيارات إلى تخفيض الأسعار في محاولة للتغلب على حالة الركود

اخر اسعار السيارات 2009 اسعار الوكيل 19/2

هذة هي حالة صناعة السيارات في العالم

اسعار السيارات في المانيا....... مين حيجيب اسعار الخليجي؟؟؟ !!!!!!!!!!

طلب عاجل الى خبراء تسعيير السيارات ( دايو لانوس 1 حالة خاصة)

الكلمات الدلالية لهذا الموضوع

المفضلات

المفضلات

ضوابط المشاركة