ياجماعة معلش انا عايز اختلف شوية معاكم
سيبكم من سعر الجديد خالص و الجمارك و كل العك ده انا معاكم فيه
تعالو بقى نتكلم علي المستعمل !
في مصر المستعمل ده - مقدس - مش مستعمل ! يعني ايه ؟؟
عربية لانوس مثلا او اي ماركة علشان محدش يزعل .. فرضا شاريها جديد ب 60 الف جنيه مصري
بعد 4-5 سنين تلاقي صاحبها عارضها للبيع و هي عاملة 150 الف كم و يقولك دي لقطة حالتها زيرو ب 50 الف جنيه !
طب بالذمة بانهي عقل او منطق او اي حاجة سيارة مستعملة تقل 10 الاف جنيه فقط ؟؟ و 150 الف يعني تقريبا خلصت 75% من عمر الموتور الافتراضي !
يعني الاخ خصم 16% من ثمنها فقط ! بينما هو استهلك اكتر من 80% من السيارة !!
طب بانهي عقل ؟؟
تلاقي عربية 128 لا تحتاج لاي مصاريف ( والله :) ) و فرش و عفش و انذار وجنوط !!
موديل 81 .. بكام ياعم ؟ 22 الف جنيه 1!! ينهار اسود !!
عربية موديل 81 يعني خدمة 27 سنة ! عمر الافتراضي للسيارة حاليا من 6 الي 8 سنوات يعني دي عدى عليها الزمن و جاررررررررر و الموتور حتى مبقاش يتكتب رقم عداده خلاص يعني ملوش لازمة !
ليه ؟
و ايه علاقته بالجمارك ؟؟ ماهي نسبة واحدة !
يعني لو الجمارك اتشالت .. الي شاري الانوس ب 60 .. حيشتريها ب 40 مثلا .. حيبيعها ب 35 برده !! ملوش دعوة هو العربية رخيصة ولا لأ !
و قس علي كدة كل المنتجات مش بس السيارات .. لما نيجي نبيع حاجة مستعملة .. كاننا بنبيع دهب !!! او قطعة ارض مثلا بتزيد مش بتخسر !!
طبعا كلنا عايزين نبيع عربياتنا باعلي سعر علشان اعلي فايدة بس برده حرام !
يعني انا اهه و انتم اهه ان شاء الله في 2012 لماالجمارك تتلغي ..
فرضا مثلا الكورولا الي ب 150 الف جنيه دي .. حتبقى مثلا ب 100 الف جنيه ..
الي حبيعها بعد 6 سنين حيبيعها ب 50 ؟؟ لآلآلآلآلآلآلآلآلآلآلآلآل آلآلآلآلآ ! حتعمل 80 الف جنيه برده !!
يبقى ايه علاقة الدخل و الجمارك بالموضوع ؟؟؟
انما احنا سوق المستعمل عندنا هو الي غلط ..
يعني انا كنت بقرا Review انجليزي للسريون . .و كانت واخدة نتايج كويس جدا ..قالك بس يعيب الدايهاتوس عامة انها بتفقد اكتر من 35% من سعرها او 30% مش فاكر بعد سنيتين تلاتة ..
35 %% !! يعني الي شاري سيريون موديل 2006 ( لو في ) فرضا بتمنها 80 الف .. المفروض بيبيعها ب 52 الف جنيه ؟؟ هل ده بيحصل ؟؟
لآ دنتا تلافيها ب 74-76 كمان !
ارجو انكم تكونو فمهتم قصدي !
المفضلات