ممكن تساعدوني في تفسير electrical fault

**mazdaprotege** · 29-04-2013 06:24 PM

النهارده رحت الشغل و ركنت العربيه عادى جدا و بعد الشغل دورتها و جبت الولاد من الامتحان و باركن في البيت لقيت العربيه كاتبه ع الشاشه Electrical fault و منوره لمبة ال Service بطلتها و دورت تاني مافيش مشكله اول ما اجيب نقله تظهر الموضوع تاني بطلت و دورت مرتين و اعدة نفس التجربه و نفس الرساله بس عند المره الرابعه اختفت الرساله و لمبة السيرفيس طفت و العربيه عاديه جدا مع مﻻحظة انه في المرات السابقه كان صوت الموتور عادي و طبيعى و السحب طبيعي جدا
ممكن لو حد عنده تفسير يطمننى و ﻻ اعمل ايه
منتظر ردودكم يا اصحاب الخبره لاني باخاف و ما باحبش استنى عليها في اي حاجه

**shawkylotfy** · 29-04-2013 10:09 PM

ممكن سوتش الاستوب الى فوق اللفرامل بيعلق لو رجعت معاك الرسالة تانى حاول تشوف الاستوبات شغالة ولا لا

**mazdaprotege** · 30-04-2013 01:11 AM

المشاركة الأصلية كتبت بواسطة shawkylotfy

ممكن سوتش الاستوب الى فوق اللفرامل بيعلق لو رجعت معاك الرسالة تانى حاول تشوف الاستوبات شغالة ولا لا

بس كده و الله يا ريت تكون كده حاجه بسيطه احسن انا خايف تكون حاجه كبيره

**airfox** · 30-04-2013 02:58 PM

هو تقريبا مكنه الاستوب و بتتغير في 10 دقائق و ثمنها بين 100 و 120 جنيه في المعادي ان شاء الله حاجه بسيطه

**shawkylotfy** · 01-05-2013 06:29 AM

المشاركة الأصلية كتبت بواسطة airfox

هو تقريبا مكنه الاستوب و بتتغير في 10 دقائق و ثمنها بين 100 و 120 جنيه في المعادي ان شاء الله حاجه بسيطه

ممكن العيب يكون من الفيشة الى بيركب فيها السوتش ولو غير السوتش يقوم العيب راجع تانى فعايزة كهربائى يشيك على الفيشة

**abasse** · 02-05-2013 02:34 AM

المشاركة الأصلية كتبت بواسطة airfox

هو تقريبا مكنه الاستوب و بتتغير في 10 دقائق و ثمنها بين 100 و 120 جنيه في المعادي ان شاء الله حاجه بسيطه

+11111111111111111111

**pheroman** · 30-05-2013 09:51 PM

برده ممكن تكون مشكلة في لمبة كهرباء او قفلة كهرباء بسيطة يعني شوفلك كهربائي شاطر ويحلها على حد علمي علشان تتاكد من ماكينة الاستوب بخلاف انك تبص على العربية من ورا وهيه بتنقل تبص برده على الشاشة وانته واقف وتشوف هل بيحصل تغيير من ال p الى R ولا لاه