الموضوع: دليل القطة المستخبية لمنع سرقة العربية – مجمع حيل وأساليب السرقة

المشاركة الأصلية كتبت بواسطة gadoo30

موضوع جميل زى كل مواضيعك السابقة واسمحلى احط اللينك بتاعة على الفيس بوك

بالتأكيد انا ليا الشرف انك تقرأه وان الكل يستفيد منه

ربنا يحفظنا ويجعلنا سبب خير

المشاركة الأصلية كتبت بواسطة tohamey2

أستاذى الفاضل أحب أن أشكر حضرتك جدا جدا جدا على هذا الموضوع المهم جدا جدا لأن فعلا بالفعل يحدث هذا وأكثر وأسمح لى حضرتك أن أحكى حادثة نصب حدثت لزميل لى فى العمل يوم الخميس الموافق 9/5/2013 أثناء ذهابة للعمل صباحا ركب تاكسى وقبل النزول بقليل جاءت مكالمة لسائق التاكسى وأخذ يبكى ويلطم الخدود ويصيح بأعلى صوته آه يا أما يا حبيبتى يا أما ... هى ماتت أمتى ؟؟ بعد ما نزلت على طول .. الكفن بكام ؟؟؟ آه يا أما .... قال له زميلى شد حيلك يا أسطى كلنا لها .... قال له الأسطى : ممكن والنبى يا أستاذ تساعدنى فى تمن الكفن والدفنه لأننى لسه أمبارح دافع قسط العربية وممعييش فلوس خالص آه يا أما يا حبيبتى يا أما ... طبعا قلب زميلى رق وأتقطع وعى الفور أعطاه ال100 جنيه اللى باقية من المرتب غير أجرة التوصيله ... أيه رأى سعادتك بقى ؟؟؟ /

دي جريمة نصب متكاملة , حتى لو فيه حالة وفاة حقيقية مش هايحتاج تمن الكفن ساعتها واللي بيكلمه في التليفون كان يقدر يدفعه, والكل بيتكاتف في اللحظات دي ويتصرف , لكن دي حيلة لابتزاز المشاعر تحت ضغط المفاجأة ... النوعية دي من الناس متصمم علشانها المثل الشهير "ابن الحرام ماخلاش لابن الحلال حاجة" رغم تحفظي على ألفاظه ... لكن فعلاً النوعية دي هاتسبب الضرر لناس كتير بيكونوا فعلاً محتاجين والناس تخاف تساعدهم علشان ممكن يكونوا نصابين ...

متشكر جداً على إضافة حضرتك وربنا يحفظنا ويسلمنا جميعاً من كل الشرور , ولا يحوجنا ولا يحطنا في موقف ضائقة أبداً